Óðinn með stór­leik er Kadetten flaug í úr­slit

Kadetten varð deildarmeistari í svessnesku deildinni, en Aarau hafnaði í fimmta sæti og því ljóst að Óðinn og félagar voru með yfirhöndina í einvíginu.

Þetta var þriðja viðureign liðanna í einvíginu og Kadetten hafði unnið fyrstu tvo leikina. Liðið var með tögl og hagldir á leik dagsins og leiddu með fjórum mörkum í hálfleik.

Liðið bætti svo um betur í síðari hálfleik og vann að lokum öruggan tíu marka sigur, 32-22. Óðinn Þór skoraði níu mörk úr tíu skotum fyrir Kadetten og liðið er nú á leið í úrslit þar sem annaðhvort HC Kriens eða Bern verður andstæðingur þeirra.