Martin með tíu stoð­sendingar í Euroleague í kvöld

Það hefur ekki gengið vel hjá Alba liðinu í Eurolegue í vetur og þetta leit ekki allt of vel út í hálfleik þefar Grikkirnir voru fimmtán stigum yfir, 61-46.

Alba menn áttu hins vegar frábæran seinni hálfleik. Þeir unnu þriðja leikhlutann 27-19 og náðu síðan forystunni í þeim fjórða, 90-87.

Grikkirnir voru sterkari á lokamínútu leiksins og unnu síðustu mínútrnar 13-2.

Martin spilaði uppi liðsfélagana eins og oft áður í vetur en hann gaf alls tíu stoðsendingar á félaga sína.

Martin skoraði sjálfur sex stig en hann hitti úr þremur af níu skotum sínum. Íslenski bakvörðurinn spilaði í rúmar 24 mínútur í leiknum í kvöld.

Þetta var þriðji leikur hans í Euroleague í vetur þar sem hann gefur tíu stoðsendingar eða fleiri en hann á líka tvo leiki með níu stoðsendingar.