Handbolti

Ómar Ingi marka­hæstur í sigri í Meistara­deildinni

Óskar Ófeigur Jónsson skrifar
Ómar Ingi Magnússon skoraði átta mörk í kvöld.
Ómar Ingi Magnússon skoraði átta mörk í kvöld. Getty/Javier Borrego

Íslenski landsliðsmaðurinn Ómar Ingi Magnússon er kominn aftur af stað eftir meiðsli og hann átti flottan leik með SC Magdeburg í Meistaradeildinni í handbolta í kvöld.

Magdeburg vann þá sex marka sigur í Íslendingaslag á móti rúmenska liðinu Dinamo Búkarest, 35-29.

Ómar Ingi var markahæstur á vellinum með átta mörk úr tíu skotum en Gísli Þorgeir Kristjánsson skoraði þrjú mörk. Gísli gaf sex stoðsendingar en Ómar þrjár.

Haukur Þrastarson var með þrjú mörk og tvær stoðsendingar fyrir Dinamo Búkarest.

Viktor Gísli Hallgrímsson varði fjögur skot þegar Wisla Plock tapaði með fimm mörkum á útivelli á móti hans gömlu félögum í franska liðinu Nantes, 29-24.

Meistaradeild Evrópu í handbolta karla

Mest lesið


Fleiri fréttir

Sjá meira


×

Mest lesið