Innlent

At­vinnu­leysi jókst um 0,6 pró­sentu­stig á milli mánaða

Kjartan Kjartansson skrifar
Atvinnuþátttaka mældist 80,4 prósent í febrúar. Myndin er úr safni.
Atvinnuþátttaka mældist 80,4 prósent í febrúar. Myndin er úr safni. Vísir/Vilhelm

Hátt í þrettán þúsund manns voru atvinnulausir í febrúar samkvæmt nýjum tölum Hagstofunnar. Árstíðaleiðrétt hlutfall atvinnulausra í mánuðinum var 5,5 prósent og hækkaði það um 0,6 prósentustig á milli mánaða.

Hlutfall starfandi var 76 prósent og atvinnuþátttaka 80,4 samkvæmt niðurstöðum vinnumarkaðsrannsóknar Hagstofunnar. Árstíðaleiðrétt hlutfall starfandi dróst saman um 1,4 prósentustig og atvinnuþátttaka um eitt prósentustig.

Nokkuð fleiri konu eru atvinnulausar en karlar, 7.100 konur en 5.800 karlar.

Þá er áætlað að um 30.600 manns hafi haft óuppfyllta þörf fyrir atvinnu í febrúar en það er skilgreiningin á slaka á vinnumarkaði. Það voru 12,8 prósent af samanlögðu vinnuafli og mögulegu vinnuafli. Slakinn á vinnumarkaði jókst um 1,2 prósentustig á milli janúar og febrúar.

Efnahagsmál Vinnumarkaður

Mest lesið


Fleiri fréttir

Sjá meira


×

Mest lesið