Körfubolti

Styrmir stiga­hæstur gegn meisturunum

Ingvi Þór Sæmundsson skrifar
Styrmir Snær Þrastarson lék vel í dag.
Styrmir Snær Þrastarson lék vel í dag. vísir/anton

Landsliðsmaðurinn í körfubolta, Styrmir Snær Þrastarson, var stigahæstur hjá Belfius Mons þegar liðið lagði meistara Oostende að velli, 78-69, BNXT deildinni í dag.

Þetta var þriðji sigur Belfius Mons í síðustu fjórum leikjum. Liðið er í 9. sæti deildarinnar með fimmtán sigra og tólf töp. BNXT-deildin er sameiginleg deild Hollands og Belgíu.

Styrmir skoraði sautján stig í leiknum í dag, tók þrjú fráköst og gaf tvær stoðsendingar. Þorlákshafnarbúinn hitti úr sex af tíu skotum sínum inni í teig og skoraði sex stig af vítalínunni.

Elvar Már Friðriksson skoraði nítján stig og gaf fimm stoðsendingar þegar Maroussi tapaði fyrir AEK Aþenu, 104-83, í lokaumferð grísku úrvalsdeildarinnar.

Maroussi endaði í ellefta og næstneðsta sæti og fer í umspil um að halda sér í deildinni.

Körfubolti

Mest lesið


Fleiri fréttir

Sjá meira


×

Mest lesið