Viðskipti innlent

22 sagt upp í einu hóp­upp­sögn janúar­mánaðar

Atli Ísleifsson skrifar
Tryggvi Þorgeirsson er læknir og forstjóri heilbrigðistæknifyrirtækisins Sidekick Health. Félagið greindi frá því um miðjan janúar að um fimmtugi starfsmanna hefði verið sagt upp.
Tryggvi Þorgeirsson er læknir og forstjóri heilbrigðistæknifyrirtækisins Sidekick Health. Félagið greindi frá því um miðjan janúar að um fimmtugi starfsmanna hefði verið sagt upp.

Ein tilkynning um hópuppsögn barst Vinnumálastofnun í janúar. 22 starfsmönnum var þar sagt upp á sviði heilbrigðisþjónustu.

Þetta kemur fram á vef Vinnumálastofnunar. Þar segir að uppsagnirnar komi flestar til framkvæmda í apríl 2025.

Þar er verið að vísa í uppsagnir sem ráðist var í hjá Sidekick Health. Um miðjan mánuðinn var greint frá því að 55 starfsmönnum félagsins, eða um tuttugu prósent starfsmanna, hefði verið sagt upp. Af þeim voru 22 stöðugildi hér á landi.

Með hópuppsögn er átt við uppsagnir atvinnurekanda á fastráðnum starfsmönnum þar sem fjöldi starfsmanna sem sagt er upp á þrjátíu daga tímabili er að minnsta kosti 10 starfsmenn í fyrirtækjum sem venjulega hafa 21-99 í vinnu, minnst 10% starfsmanna í fyrirtækjum með 100-299 í vinnu eða minnst 30 starfsmenn þar sem venjulega eru 300 eða fleiri.

Vinnumarkaður Heilbrigðismál

Tengdar fréttir

Hópuppsögn hjá Sidekick Health

Sidekick Health hefur tilkynnt um fækkun í starfsmannahópi félagsins um 55 stöðugildi, sem jafngildir um 20 prósent starfsmanna. Því er um hópuppsögn að ræða. Af þeim eru 22 stöðugildi hér á landi en önnur erlendis.



Mest lesið


Fleiri fréttir

Sjá meira


×

Mest lesið