Handbolti

Elvar og Aron taka ekki fullan þátt

Sindri Sverrisson skrifar
Elvar Örn Jónsson er að jafna sig af smávægilegum meiðslum.
Elvar Örn Jónsson er að jafna sig af smávægilegum meiðslum. vísir/Anton

Elvar Örn Jónsson og Aron Pálmarsson gátu ekki beitt sér að fullu á æfingu íslenska handboltalandsliðsins í dag, annan daginn í röð. Báðir ættu hins vegar að vera klárir í slaginn þegar HM hefst en fyrsti leikur Íslands þar er eftir þrettán daga.

Íslenska landsliðið kom saman til æfinga í Víkinni í gær, til undirbúnings fyrir HM. Liðið æfði svo aftur í dag og verður við æfingar hér á landi fram á miðvikudag þegar það heldur til Svíþjóðar, í tvo vináttulandsleiki við heimamenn 9. og 11. janúar.

Vísir hitti Aron og Elvar á æfingu í dag og segjast þessir lykilmenn íslenska liðsins engar áhyggjur hafa af sinni stöðu fyrir HM, þrátt fyrir að hafa ekki getað tekið fullan þátt í fyrstu formlegu liðsæfingunum.

Elvar er að glíma við tognun í rassvöðva en ætlar að ná leikjunum gegn Svíþjóð, og reiknar með að spila fyrsta leik á HM sem verður við Grænhöfðaeyjar í Zagreb, fimmtudagskvöldið 16. janúar.

Svipaða sögu er að segja af Aroni sem fór of geyst í æfingum á milli jóla og nýárs.

Aron Pálmarsson er fyrirliði íslenska landsliðsins.Vísir/Vilhelm

Staðan virðist því góð á átján manna hópnum sem Snorri Steinn Guðjónsson valdi fyrir HM, en Ómar Ingi Magnússon gat ekki gefið kost á sér vegna sinna meiðsla.

HM-hópur Íslands 2025

Markverðir:

  • Björgvin Páll Gústavsson, Valur 273 leikir/24 mörk
  • Viktor Gísli Hallgrímsson, Wista Plock 60/1

Aðrir leikmenn:

  • Arnar Freyr Arnarsson, Melsungen 100/101
  • Aron Pálmarsson, Veszprém 177/674
  • Bjarki Már Elísson, Veszprém 118/401
  • Einar Þorsteinn Ólafsson, Fredericia 14/5
  • Elliði Snær Viðarsson, Gummersbach 50/109
  • Elvar Örn Jónsson, Melsungen 79/183
  • Gísli Þorgeir Kristjánsson, Magdeburg 60/139
  • Haukur Þrastarson, Dinamo Búkarest 35/50
  • Janus Daði Smárason, Pick Szeged 86/146
  • Óðinn Ríkharðsson, Kadetten Scaffhausen 42/130
  • Orri Freyr Þorkelsson, Sporting 16/41
  • Sigvaldi Björn Guðjónsson, Kolstad 76/214
  • Teitur Örn Einarsson, Gummersbach, 36/36
  • Þorsteinn Leó Gunnarsson, Porto 5/10
  • Viggó Kristjánsson, Leipzig 59/165
  • Ýmir Örn Gíslason, Göppingen 92/36
Landslið karla í handbolta HM karla í handbolta 2025

Mest lesið


Fleiri fréttir

Sjá meira


×

Mest lesið