Dana á­berandi í síðasta leik ársins

Volda vann leikinn með fjórum mörkum, 30-26, eftir að hafa verið fimm mörkum yfir í hálfleik, 14-9.

Sigurinn skilar Volda upp í 21 stig en liðið er aðeins tveimur stigum á eftir toppliði Fjellhammer.

Íslenski landsliðshornamaðurinn var með sjö mörk í leiknum en hún nýtti sjö af níu skotum sínum. Dana var næstmarkahæst í sinu liði en Mie Stensrud skoraði níu mörk.

Dana skoraði fjögur markanna úr hraðaupphlaupum og var með eina stoðsendingu og eitt fiskað víti.

Volda spilaði frábærlega í fyrri hálfleiknum og kom með fimm marka forskot inn í seinni hálfleikinn.

Heimakonur náðu að minnka muninn niður í eitt mark en Dana og Volda stelpunum tókst að halda þetta út og landa mikilvægum sigri.

Dana kláraði leikinn með því að skora lokamarkið þremur sekúndum fyrir leikslok.