Nem­endur fara í hús­næði KSÍ vegna rakamyndunar

„Ég þarf að upplýsa ykkur um að vegna aðkallandi framkvæmda í aðalbyggingu Laugarnesskóla munu fjórðu bekkir flytja tímabundið í húsnæði KSÍ við Laugardalsvöll nú fyrir jólin,“ segir í tölvupósti frá skólastjóra sem foreldrar fengu sendan.

Fram kemur að töluverð rakamyndun hafi komið í ljós undir gólfi á jarðhæð skólans. Við því þurfi að bregðast.

„Gert er ráð fyrir að framkvæmdir standi yfir í um tvær vikur. Kennararnir ætla að fara með nemendum á morgun og sýna þeim húsnæðið og aðkomuna að því og stefnt er að því að fyrsti kennsludagur þar verði á fimmtudaginn.“