Tómas Jóhannsson og Jón Þór Hermannsson lýstu viðureign Kano og Sögu í beinni útsendingu á milli þess sem þeir greindu stöðuna í Ljósleiðaradeildinni almennt. Þeir töldu úrslit kvöldsins nokkuð fyrirsjáanleg og spá þeirra um auðvelda sigra Dusty og Þórs í sínum leikjum gekk eftir.
Úrslit kvöldsins hafa ekki mjög dramatískt áhrif á stöðu liðanna sem þeim Tómasi og Jóni Þóri þykir minna mjög á stöðuna eins og hún var í fyrra. Dusty endurheimti efsta sætið af Ármanni, Þór er kominn aftur í 2. Sæti og Ármann er í 3. Sæti. Þá kemur Saga í 4. sæti og Veca er í 5. sæti.
Fimmta umferð Ljósleiðaradeildarinnar byrjar á þriðjudaginn, 1. október með tveimur leikjum þar sem Ármann og Höttur mætast annars vegar og ÍA og Venus hins vegar.
