Almenn ánægja með nýtt útlit Alþingis Jakob Bjarnar skrifar 19. september 2024 11:24 Ragna Árnadóttir virðir fyrir sér nýtt lógó Alþingis í samanburði við það gamla. Talið er tímabært að uppfæra merkið og er ekki að merkja betur en almenn ánægja sé með hvernig til hefur tekist. Viktor Weisshappel hjá hönnunarstofunni Strik Studio segir það draumaverkefni að fá að hanna einkenni Alþingis en Strik hreppti hnossið í lokuðu útboði sem fór fram í gegnum Miðstöð hönnunar og arkítektúrs. Landsmenn voru búnir að fá nasaþefinn af nýju lógói og búnir að setja sig í stellingar en það var komið upp á Alþingisvefnum fyrr í vikunni. Í dag var svo birt tilkynning þar sem verkefnið var kynnt ítarlega. Áður hafði Vísir spurt Rögnu Árnadóttur fáeinna spurninga um lógóið en hún sagði hefð fyrir því að verkefnið yrði kynnt innanhúss fyrst. „Verksamningur við Strik Studio um endurmörkun og gerð hönnunarstaðals fyrir Alþingi var gerður 27. júní 2024. Þar kemur fram að áætlað sé að verkið taki samtals 220 klukkustundir og kosti 5.390.000 plús vask,“ segir Ragna. Ragna Árnadóttir skrifstofustjóri Alþingis mæðist í mörgu og nú er að kynna nýtt lógó Alþingis sem virðst falla vel í kramið á betri bæjum.vísir/vilhelm Í gerð hönnunarstaðals felst að settar verða upp leiðbeiningar um ásýnd Alþingis og alls efnis sem það lætur frá sér fara, reglur um liti, letur og grafík. Samningur við Miðstöð hönnunar og arkitektúrs um umsjón með lokuðu valferli vegna endurmörkunar og gerðar hönnunarstaðals fyrir Alþingi var gerður 5. mars 2024, upp á 450.000 krónur plús vaskur fyrir þjónustu: ráðgjöf, verkefnastjórn og þóknun valnefndarfulltrúa sem Miðstöðin tilnefndi. Vandfundnir höggstaðir á verkefninu Ragna segir mikla áherslu hafa verið lagða á að fá faglega ráðgjöf við undirbúning verksins. „Og þar sem þú spyrð um fleiri verkefni á döfinni má geta þess að nú er unnið að nýjum vef Alþingis. Vefir þurfa jú að vera í stöðugri endurskoðun og slík endurskoðun er einmitt í gangi núna. Gert er ráð fyrir að nýr vefur líti dagsins ljós á árinu 2025 en meira um það síðar,“ segir Ragna. Eins og áður sagði voru netverjar komnir í stellingar. „Hryðjuverk,“ sagði einn og annar taldi að þarna væri verið að hraksmá lífsverk Þrastar Magnússonar, grafísks hönnuðar sem meðal annar hannaði lógó Alþingisvefsins á sínum tíma. En það er erfitt að finna höggstað á þessu verkefni, sannast sagna. Að höfðu samráði við Þröst kemur á daginn að teikning hans af Alþingishúsinu var aldrei hugsað sem lógó. Atli Hilmarsson hönnuður er meðal þeirra sem Vísir leitaði álits hjá, en hann var meðal hinna fjögurra sem tók þátt í hinu lokaða útboði. „Teikning Þrastar er svo fín, vel gerð en gengur ekki upp á litlum skjám,“ sagði Atli sem gefur verkefninu öllu toppeinkunn. Horfið er frá fótaletri yfir í steinskrift sem Atli segir það eina rétta þegar merki af þessu tagi eru annars vegar. Draumaverkefni Viktor er einn þeirra sem kom að hönnuninni og hann býður spenntur viðbragða, þau sem eru komin eru jákvæð. Hann segir þau hafa byrjað að vinna að þessu fyrir um fimm mánuðum. Strik Studio hreppti hnossið en að sögn Viktors var um draumaverkefni að ræða. Auður Albertsdóttir niðri til vinstri, Snorri Eldjárn uppi til vinstri, Jakob Hermannsson niðri til hægri, Viktor Weisshappel uppi til hægri.aðsend „Draumaverkefni, algjörlega, verður ekki mikið stærra.“ En nú eru Íslendingar nöldrarar upp til hópa, hver eru viðbrögðin eiginlega? Viktor segir þau hafa verið jákvæð innan Alþingis. „Ég held að fólk þurfi að sjá útskýringar og annað fyrir merkinu. Gamla merkið virkaði ekki vel á þessum nýju miðlum og í skölun. Nú er þetta orðið meira merki.“ Viktor segir alla kippa sér upp við breytingar en svo venjist hlutirnir. „Við pössuðum okkur á að fara vandlega að þessu.“ Alþingi Tíska og hönnun Auglýsinga- og markaðsmál Stjórnsýsla Mest lesið Gunnar Smári kosinn úr stjórn: Úrsagnir og uppnám á aðalfundi Sósíalistaflokksins Innlent Skiptar skoðanir á „forljótum“ varðturnum gegn vasaþjófnaði Innlent Þingmaður úðaði eyrnameðali fyrir hunda í kokið á sér Innlent Kveður Glerártorg eftir sautján ár Innlent Sást ekki til sólar fyrir mýi Innlent Dúxinn fjarri góðu gamni Innlent Árásarkonan Þjóðverji á fertugsaldri Erlent Beiðni Oscars hafnað: „Það bíður hans engin birta, það er enginn þarna“ Innlent Brennandi einbýlishús reyndist eyðibýli Innlent Tekist á um breytta ásýnd Suðurlandsbrautar með tilkomu Borgarlínunnar Innlent Fleiri fréttir Elsti hestur landsins er 36 vetra með tennur og hófa í fínu standi Vannærð börn svelti eða verði læknanlegum sjúkdómum að bráð „Þú hakkar ekki á tóman maga“ Kveður Glerártorg eftir sautján ár Þingmaður úðaði eyrnameðali fyrir hunda í kokið á sér „Hafa ekki lyft litla fingri í máli Oscars“ Dúxinn fjarri góðu gamni Brottvísun Oscars, skortur á kvenhökkurum og hundgamall hestur Vísar ásökunum um smölun aftur til sendanda Skjálftinn reyndist 5,1 og fannst frá Skaganum að Hellu Gunnar Smári kosinn úr stjórn: Úrsagnir og uppnám á aðalfundi Sósíalistaflokksins Skiptar skoðanir á „forljótum“ varðturnum gegn vasaþjófnaði Stór skjálfti fannst vel á suður- og vesturlandi Dráttarvéladagur er á Blikastöðum í dag Beiðni Oscars hafnað: „Það bíður hans engin birta, það er enginn þarna“ Nýr meirihluti komi ekki til greina Umsókn Oscars um landvistarleyfi hafnað og nýr meirihluti útilokaður Þrjár erlendar stúlkur með hæstu einkunn í FÁ Brennandi einbýlishús reyndist eyðibýli Tekist á um breytta ásýnd Suðurlandsbrautar með tilkomu Borgarlínunnar Ökumenn sektaðir vegna notkunar nagladekkja Fólk í fjarvinnu finni fyrir minni streitu Fólk látið vinna of hratt og fái ekki greitt fyrir alla vinnuna Sást ekki til sólar fyrir mýi Áfengi og íþróttaviðburðir geti átt samleið sé farið að lögum Bensínbrúsar inni í íbúðinni Fjögurra ára gömul hola heyrir brátt sögunni til Möguleg íkveikja til rannsóknar, snuðað á ræstingarfólki og flugnager Hafi verulega þýðingu hvort Dagbjört hafi haft ásetning til morðs „Verkefnið bara heltekur okkur“ Sjá meira
Landsmenn voru búnir að fá nasaþefinn af nýju lógói og búnir að setja sig í stellingar en það var komið upp á Alþingisvefnum fyrr í vikunni. Í dag var svo birt tilkynning þar sem verkefnið var kynnt ítarlega. Áður hafði Vísir spurt Rögnu Árnadóttur fáeinna spurninga um lógóið en hún sagði hefð fyrir því að verkefnið yrði kynnt innanhúss fyrst. „Verksamningur við Strik Studio um endurmörkun og gerð hönnunarstaðals fyrir Alþingi var gerður 27. júní 2024. Þar kemur fram að áætlað sé að verkið taki samtals 220 klukkustundir og kosti 5.390.000 plús vask,“ segir Ragna. Ragna Árnadóttir skrifstofustjóri Alþingis mæðist í mörgu og nú er að kynna nýtt lógó Alþingis sem virðst falla vel í kramið á betri bæjum.vísir/vilhelm Í gerð hönnunarstaðals felst að settar verða upp leiðbeiningar um ásýnd Alþingis og alls efnis sem það lætur frá sér fara, reglur um liti, letur og grafík. Samningur við Miðstöð hönnunar og arkitektúrs um umsjón með lokuðu valferli vegna endurmörkunar og gerðar hönnunarstaðals fyrir Alþingi var gerður 5. mars 2024, upp á 450.000 krónur plús vaskur fyrir þjónustu: ráðgjöf, verkefnastjórn og þóknun valnefndarfulltrúa sem Miðstöðin tilnefndi. Vandfundnir höggstaðir á verkefninu Ragna segir mikla áherslu hafa verið lagða á að fá faglega ráðgjöf við undirbúning verksins. „Og þar sem þú spyrð um fleiri verkefni á döfinni má geta þess að nú er unnið að nýjum vef Alþingis. Vefir þurfa jú að vera í stöðugri endurskoðun og slík endurskoðun er einmitt í gangi núna. Gert er ráð fyrir að nýr vefur líti dagsins ljós á árinu 2025 en meira um það síðar,“ segir Ragna. Eins og áður sagði voru netverjar komnir í stellingar. „Hryðjuverk,“ sagði einn og annar taldi að þarna væri verið að hraksmá lífsverk Þrastar Magnússonar, grafísks hönnuðar sem meðal annar hannaði lógó Alþingisvefsins á sínum tíma. En það er erfitt að finna höggstað á þessu verkefni, sannast sagna. Að höfðu samráði við Þröst kemur á daginn að teikning hans af Alþingishúsinu var aldrei hugsað sem lógó. Atli Hilmarsson hönnuður er meðal þeirra sem Vísir leitaði álits hjá, en hann var meðal hinna fjögurra sem tók þátt í hinu lokaða útboði. „Teikning Þrastar er svo fín, vel gerð en gengur ekki upp á litlum skjám,“ sagði Atli sem gefur verkefninu öllu toppeinkunn. Horfið er frá fótaletri yfir í steinskrift sem Atli segir það eina rétta þegar merki af þessu tagi eru annars vegar. Draumaverkefni Viktor er einn þeirra sem kom að hönnuninni og hann býður spenntur viðbragða, þau sem eru komin eru jákvæð. Hann segir þau hafa byrjað að vinna að þessu fyrir um fimm mánuðum. Strik Studio hreppti hnossið en að sögn Viktors var um draumaverkefni að ræða. Auður Albertsdóttir niðri til vinstri, Snorri Eldjárn uppi til vinstri, Jakob Hermannsson niðri til hægri, Viktor Weisshappel uppi til hægri.aðsend „Draumaverkefni, algjörlega, verður ekki mikið stærra.“ En nú eru Íslendingar nöldrarar upp til hópa, hver eru viðbrögðin eiginlega? Viktor segir þau hafa verið jákvæð innan Alþingis. „Ég held að fólk þurfi að sjá útskýringar og annað fyrir merkinu. Gamla merkið virkaði ekki vel á þessum nýju miðlum og í skölun. Nú er þetta orðið meira merki.“ Viktor segir alla kippa sér upp við breytingar en svo venjist hlutirnir. „Við pössuðum okkur á að fara vandlega að þessu.“
Alþingi Tíska og hönnun Auglýsinga- og markaðsmál Stjórnsýsla Mest lesið Gunnar Smári kosinn úr stjórn: Úrsagnir og uppnám á aðalfundi Sósíalistaflokksins Innlent Skiptar skoðanir á „forljótum“ varðturnum gegn vasaþjófnaði Innlent Þingmaður úðaði eyrnameðali fyrir hunda í kokið á sér Innlent Kveður Glerártorg eftir sautján ár Innlent Sást ekki til sólar fyrir mýi Innlent Dúxinn fjarri góðu gamni Innlent Árásarkonan Þjóðverji á fertugsaldri Erlent Beiðni Oscars hafnað: „Það bíður hans engin birta, það er enginn þarna“ Innlent Brennandi einbýlishús reyndist eyðibýli Innlent Tekist á um breytta ásýnd Suðurlandsbrautar með tilkomu Borgarlínunnar Innlent Fleiri fréttir Elsti hestur landsins er 36 vetra með tennur og hófa í fínu standi Vannærð börn svelti eða verði læknanlegum sjúkdómum að bráð „Þú hakkar ekki á tóman maga“ Kveður Glerártorg eftir sautján ár Þingmaður úðaði eyrnameðali fyrir hunda í kokið á sér „Hafa ekki lyft litla fingri í máli Oscars“ Dúxinn fjarri góðu gamni Brottvísun Oscars, skortur á kvenhökkurum og hundgamall hestur Vísar ásökunum um smölun aftur til sendanda Skjálftinn reyndist 5,1 og fannst frá Skaganum að Hellu Gunnar Smári kosinn úr stjórn: Úrsagnir og uppnám á aðalfundi Sósíalistaflokksins Skiptar skoðanir á „forljótum“ varðturnum gegn vasaþjófnaði Stór skjálfti fannst vel á suður- og vesturlandi Dráttarvéladagur er á Blikastöðum í dag Beiðni Oscars hafnað: „Það bíður hans engin birta, það er enginn þarna“ Nýr meirihluti komi ekki til greina Umsókn Oscars um landvistarleyfi hafnað og nýr meirihluti útilokaður Þrjár erlendar stúlkur með hæstu einkunn í FÁ Brennandi einbýlishús reyndist eyðibýli Tekist á um breytta ásýnd Suðurlandsbrautar með tilkomu Borgarlínunnar Ökumenn sektaðir vegna notkunar nagladekkja Fólk í fjarvinnu finni fyrir minni streitu Fólk látið vinna of hratt og fái ekki greitt fyrir alla vinnuna Sást ekki til sólar fyrir mýi Áfengi og íþróttaviðburðir geti átt samleið sé farið að lögum Bensínbrúsar inni í íbúðinni Fjögurra ára gömul hola heyrir brátt sögunni til Möguleg íkveikja til rannsóknar, snuðað á ræstingarfólki og flugnager Hafi verulega þýðingu hvort Dagbjört hafi haft ásetning til morðs „Verkefnið bara heltekur okkur“ Sjá meira