Innlent

Einn slasaður í al­var­legu vinnu­slysi í Urriðaholti

Lovísa Arnardóttir skrifar
Dælubíll og sjúkrabílar voru sendir á vettvang.
Dælubíll og sjúkrabílar voru sendir á vettvang. Aðsend

Einn var fluttur á slysadeild síðdegis í dag vegna alvarlegs vinnuslyss í Urriðaholti í Garðabæ. Í tilkynningu frá Lögreglunni á höfuðborgarsvæðinu kemur fram að tilkynning um slysið hafi borist lögreglu um klukkan fjögur. Viðbragðsaðilar hafi farið beint á vettvang.

Þar hafi reynst vera mjög alvarlegt vinnuslys á byggingarsvæði í Urriðaholti. Í tilkynningu segir að rannsókn málsins sé á frumstigi. Þá ætlar lögregla ekki að veita frekari upplýsingar um málið.

Fram kom í frétt Vísis fyrr í dag að einn dælibíll hafi verið sendur á vettvang og þrír sjúkrabílar. Auk slökkviliðs og sjúkrabíla var töluverður fjöldi lögreglumanna á vettvangi eins og má sjá á myndinni hér að neðan. 

Lögreglan er einnig á vettvangi.Aðsend

Veistu meira um málið? Sendu okkur ábendingu eða myndir á ritstjorn@visir.is.

Fréttin hefur verið uppfærð.

Lögreglumál Slökkvilið Vinnuslys Garðabær

Mest lesið


Fleiri fréttir

Sjá meira


×

Mest lesið