Innlent

Al­var­lega slasaður eftir mótorhjólaslys

Sólrún Dögg Jósefsdóttir skrifar
Þyrlan var kölluð út vegna slyssins.
Þyrlan var kölluð út vegna slyssins. Vísir/Vilhelm

Alvarlegt umferðarslys varð við Gígjukvísl á fimmta tímanum í dag þegar ökumaður mótorhjóls féll af hjólinu og hafnaði utan vegar. 

Í tilkynningu frá Lögreglunni á Suðurlandi segir að þyrla Landhelgisgæslunnar hafi verið boðuð til að sækja ökumanninn, sem er sagður alvarlega slasaður. 

Samkvæmt upplýsingum frá embættinu lendir þyrlan í höfuðborginni innan skamms. Ekki er vitað hver tildrög slyssins voru nákvæmlega. 

Lögregla stjórnar umferð fram hjá vettvangi, þar sem annarri akreininni hefur verið lokað á meðan rannsókn fer fram.

Gígjukvísl á korti.Vísir

Fréttin hefur verið uppfærð. 

Lögreglumál Landhelgisgæslan Slökkvilið Samgönguslys Skaftárhreppur Sveitarfélagið Hornafjörður

Mest lesið


Fleiri fréttir

Sjá meira


×

Mest lesið