Senda á ellefu ára palestínskan dreng með hrörnunarsjúkdóm úr landi Hallgerður Kolbrún E. Jónsdóttir skrifar 10. maí 2024 18:31 Yazan er með hrörnunarsjúkdóminn Duchenne. Hann hætti að geta gengið stuttu fyrir komuna til Íslands og er nú í hjólastól. Vísir/Arnar Vísa á ellefu ára gömlum palestínskum dreng, sem er með ágengan hrörnunarsjúkdóm, og foreldrum hans úr landi. Búið er að synja umsókn fjölskyldunnar um dvalarleyfi en nauðsynlegum gögn um heilsu drengsins var ekki framvísað við málsmeðferðina. Drengurinn segist hræðast mjög að vera sendur úr landi. Mohsen og Feryal Aburajab Tamimi komu hingað til lands með ellefu ára gamlan son sinn Yazan fyrir tæpu ári síðan. Fjölskyldan er frá Hebron á Vesturbakkanum í Palestínu og flúði vegna versnandi ástands í landinu og aðkasts yfirvalda og vegna skorts á þjónustu fyrir Yazan. „Í Palestínu fór ég í skóla en ég fékk ekki að vera með. Ég fékk ekki að fara út að leika eða fara í íþróttir. Borðið mitt var skítugt og ónýtt og ég fékk ekki þjónustu. Hér er það allt annað. Ég fæ að fara með krökkunum út að leika, fæ að vera í íþróttum. Ég er með hreint borð og mér líður vel þarna,“ segir Yazan. Mikil óvissa verði fjölskyldan send til Spánar Yazan er með hrörnunarsjúkdóminn Duchenne, sem er mjög ágengur. Feryal segir Yazan til dæmis hafa hrakað mjög á ferðalaginu hingað til lands, en hann var nýhættur að geta gengið þegar þau flúðu heimalandið. Feryal, móðir Yazans, segir honum hafa hrakað mjög á ferðalaginu til Íslands.Vísir/Arnar „Sjúkdómurinn ræðst á alla vöðva líkamans: Tunguna, hjartað, lungun. Þegar við komum til Íslands var sjúkdómurinn búinn að ágerast mjög, var mjög langt genginn. Það getur verið mjög hættulegt að missa læknisþjónustu, þó það sé ekki nema í stuttan tíma. Við komuna hingað fékk Yazan hjólastól, sjúkrarúm, læknisþjónustu, sjúkraþjálfun og sund. Þetta er bara til þess að halda sjúkdómnum í skefjum. Hann er ólæknandi en hann getur ágerst mjög hratt án meðferðar,“ segir Feryal, móðir Yazans. Fjölskyldan kom til Íslands í gegnum Spán, þar sem þau dvöldu í þrjá daga og fengu vegabréfsáritun. Það á því að senda þau aftur til Spánar á grundvelli Dyflinarreglugerðarinnar. „Við vitum ekki hvað bíður okkar. Ef hann missir af einum tíma hjá sjúkraþjálfara eða lækni hrakar honum mjög hratt. Við vitum ekki hvað verður um hann eða hvers konar þjónustu hann fær úti ef hann fær þjónustu. Þetta snýst ekki um okkur heldur um hann því hann er með sjúkdóm sem versnar og versnar og mjög hratt,“ segir Feryal. „Ef við erum send til Spánar missir hann líklega þjónustuna og við vitum ekki hve lengi. Það gætu verið átta, níu, tíu mánuðir.“ Lífshættulegt rofni þjónustan Kærunefnd útlendingamála staðfesti í lok marsmánaðar úrskurð Útlendingastofnunar um að synja fjölskyldunni um dvalarleyfi. Stofndeild ríkislögreglustjóra heimsótti fjölskylduna svo fyrir nokkrum dögum til að undirbúa brottflutninginn. Duchenne-samtökin hafa mótmælt brottflutningnum og lögmaður fjölskyldunnar segir læknisvottorð ekki hafa verið lögð fram við málsmeðferðina. „Það er búið að bæta úr því núna, það er búið að leggja fram þau læknisfræðilegu gögn og þau vottorð sem hægt er að gera,“ segir Albert Lúðvígsson, lögmaður fjölskyldunnar. Meðal þess sem kemur fram í læknisvottorðum, sem fréttastofa hefur fengið afhent, er að verði rof á þjónustu við Yazan geti það verið lífshættulegt og stytt ævi hans. Um 30% drengja með þennan sjúkdóm deyi í kjölfar falls og líklegt sé að fjölskyldan þyrfti að bera sjálf kostnað af kaupum á hjólastól verði hann sendur til Spánar. Albert Lúðvígsson, lögmaður fjölskyldunnar, vonar að hún verði ekki send úr landi á meðan málið er enn til meðferðar.Vísir/Arnar Málið er aftur komið til kærunefndar útlendingamála en alger óvissa um hvort fjölskyldunni verði vísað á brott áður en ný niðurstaða fæst. „Það er mín von að nefndin leiðrétti þetta. Ég held að þetta hljóti að hafa verið mistök. Ég vona að nefndin gefi þeim færi á að dvelja hér á Íslandi. Það er nefndinni heimilt, sérstaklega í málum þar sem einstaklingar eru með mjög alvarlega sjúkdóma. Ég held það hljóti að eiga við í máli Yazan,“ segir Albert. Martraðir eftir heimsókn stoðdeildar ríkislögreglustjóra Hann hræðist mjög að fjölskyldan verði send til Spánar áður en ný niðurstaða fæst í málið. „Því miður er staða fjölskyldunnar mjög flókin eins og stendur. Þau hafa fengið lokaniðurstöðu þó óskað hafi verið eftir endurupptöku umsóknarinnar, þannig að lögreglan getur flutt þau úr landi. Hins vegar er það þannig að spænsk stjórnvöld veita engar tryggingar eða loforð um þá þjónustu sem Yazan þarf og ætti að fá á Spáni.“ Fjölskyldan flúði heimili sitt í Hebron í Palestínu fyrir rúmu ári síðan. Þau komu til Íslands vegna góðrar þjónustu við fötluð börn og segjast hræðast mjög afleiðingar brottflutnings til Spánar á andlega- og líkamlega heilsu Yazans.Vísir/Arnar Yazan segist hafa fengið martraðir um brottflutninginn eftir að stoðdeild ríkislögreglustjóra heimsótti þau. Hann hræðist mjög framhaldið. „Rétt áður en ég kom til Íslands frá Palestínu hætti ég að geta labbað. Þegar ég kom fékk ég hjólastól, sjúkrarúm og þjónustu og sjúkraþjálfun. Mér líður miklu betur líkamlega og andlega þó mér versni sífellt. Ef ég fer til Spánar veit ég ekki hvort ég fæ læknisþjónustu eða ekki og ég er hræddur við óvissuna.“ Yazan er í Hamraskóla í Grafarvogi og hefur eignast þar fjölda vina, auk þess sem hann er farinn að lesa, skrifa og tala smá íslensku. Í lok viðtalsins sagði hann á íslensku: „Takk fyrir daginn. Takk fyrir tímann.“ Flóttafólk á Íslandi Palestína Átök í Ísrael og Palestínu Málefni fatlaðs fólks Mál Yazans Tengdar fréttir Formaður ÖBÍ segir mál Husseins afar sorglegt Fatlaður umsækjandi um alþjóðlega vernd yfirgaf landið í gær þar sem fjölskyldu hans, sem hann er háður vegna fötlunar sinnar, var vikið úr landi. Formaður Öryrkjabandalagsins, sem fundaði nýlega með ráðherra og hagsmunasamtökum vegna málsins, segir framkvæmd þess ömurlega. 3. desember 2023 20:01 Hussein yfirgaf Ísland ásamt fjölskyldu sinni Hælisleitandinn Hussein Hussein, sem er í hjólastól, ákvað á síðustu stundu að yfirgefa Ísland og fór með fjölskyldu sinni til Grikklands í gær. Fjölskylduvinur segir að Hussein hafi ekki getað hugsað sér að dvelja hér án fjölskyldu sinnar, sem vísað var úr landi. Aðstæður séu ömurlegar hjá þeim úti. 3. desember 2023 11:59 „Ég get ekki lifað án fjölskyldu minnar“ Hussein Hussein óttast hvað verði um hann þegar fjölskyldan hans fer til Grikklands á laugardag. Hann er í hjólastól og þarf mikla aðstoð við dagleg verk. Honum hefur ekki verið tryggð fullnægjandi aðstoð við brottför fjölskyldu sinnar sem hingað til hefur séð um alla aðstoð við hann. 29. nóvember 2023 19:57 Mest lesið Stimpingar milli mótmælenda á Austurvelli Innlent Hefja söfnun fyrir fjölskyldu Víglundar Innlent Liggur þungt haldinn eftir stórfellda líkamsárás í Hlíðunum Innlent „Mæta á næstu Palestínumótmæli og berja þetta lið“ Innlent „Glútenóþol var orðið óhreinn hattur yfir þetta allt saman“ Innlent Hinn látni erlendur ríkisborgari á þrítugsaldri Innlent Engin smithætta vegna veikinda í vélinni Innlent „Ef fram heldur sem horfir verður Aþena lögð niður í næstu viku“ Innlent Þekkir ekki eina stelpu sem ekki hefur verið áreitt Innlent „Við erum engir rasistar“ Innlent Fleiri fréttir Lengri opnunartímar sundlauga taka gildi „Við erum engir rasistar“ Kolmónoxíðeitrun talin vera orsök veikinda í flugvél Hasar á tvöföldum mótmælum, flugsýning og tryllitæki í beinni Liggur þungt haldinn eftir stórfellda líkamsárás í Hlíðunum Nikótínþurfi guðsbarn braust inn í Bjarnabúð „Ef fram heldur sem horfir verður Aþena lögð niður í næstu viku“ Stimpingar milli mótmælenda á Austurvelli Sigríður svarar gagnrýni á störf lögreglunnar á Suðurnesjum Tíundi hver með ágætiseinkunn í MR Engin smithætta vegna veikinda í vélinni Segir Viðskiptablaðið og Samstöðina fara rangt með mál um Ásthildi Lóu Kökuskreytingar og þjóðdansar á „Fjör í Flóa“ í dag Tvenn mótmæli í Reykjavík og herþota á flugsýningu „Mæta á næstu Palestínumótmæli og berja þetta lið“ Missa fatamarkaðinn með flutningi Konukots í Ármúla „Glútenóþol var orðið óhreinn hattur yfir þetta allt saman“ Ók hlaupahjólinu á tré með pizzu í annarri Hefja söfnun fyrir fjölskyldu Víglundar Borðaði súrdeigsbrauð og mældist með áfengi í útblæstri Hefur skilning á báðum sjónarmiðum í Heiðmerkurmálinu Þekkir ekki eina stelpu sem ekki hefur verið áreitt Umferðartafir vegna framkvæmda við Kringlumýrarbraut í sumar Hinn látni erlendur ríkisborgari á þrítugsaldri Býður til flugveislu á Reykjavíkurflugvelli Sóttu veikan mann í rússneskan togara Lækkandi fæðingartíðni er vandamál sem leysist ekki án innflytjenda Rannsókn lokið í manndrápsmáli Lögðu hald á nokkuð magn fíkniefna og hnífa Sláandi tölur: Kyrkingartökum og eltihrellum fer fjölgandi Sjá meira
Mohsen og Feryal Aburajab Tamimi komu hingað til lands með ellefu ára gamlan son sinn Yazan fyrir tæpu ári síðan. Fjölskyldan er frá Hebron á Vesturbakkanum í Palestínu og flúði vegna versnandi ástands í landinu og aðkasts yfirvalda og vegna skorts á þjónustu fyrir Yazan. „Í Palestínu fór ég í skóla en ég fékk ekki að vera með. Ég fékk ekki að fara út að leika eða fara í íþróttir. Borðið mitt var skítugt og ónýtt og ég fékk ekki þjónustu. Hér er það allt annað. Ég fæ að fara með krökkunum út að leika, fæ að vera í íþróttum. Ég er með hreint borð og mér líður vel þarna,“ segir Yazan. Mikil óvissa verði fjölskyldan send til Spánar Yazan er með hrörnunarsjúkdóminn Duchenne, sem er mjög ágengur. Feryal segir Yazan til dæmis hafa hrakað mjög á ferðalaginu hingað til lands, en hann var nýhættur að geta gengið þegar þau flúðu heimalandið. Feryal, móðir Yazans, segir honum hafa hrakað mjög á ferðalaginu til Íslands.Vísir/Arnar „Sjúkdómurinn ræðst á alla vöðva líkamans: Tunguna, hjartað, lungun. Þegar við komum til Íslands var sjúkdómurinn búinn að ágerast mjög, var mjög langt genginn. Það getur verið mjög hættulegt að missa læknisþjónustu, þó það sé ekki nema í stuttan tíma. Við komuna hingað fékk Yazan hjólastól, sjúkrarúm, læknisþjónustu, sjúkraþjálfun og sund. Þetta er bara til þess að halda sjúkdómnum í skefjum. Hann er ólæknandi en hann getur ágerst mjög hratt án meðferðar,“ segir Feryal, móðir Yazans. Fjölskyldan kom til Íslands í gegnum Spán, þar sem þau dvöldu í þrjá daga og fengu vegabréfsáritun. Það á því að senda þau aftur til Spánar á grundvelli Dyflinarreglugerðarinnar. „Við vitum ekki hvað bíður okkar. Ef hann missir af einum tíma hjá sjúkraþjálfara eða lækni hrakar honum mjög hratt. Við vitum ekki hvað verður um hann eða hvers konar þjónustu hann fær úti ef hann fær þjónustu. Þetta snýst ekki um okkur heldur um hann því hann er með sjúkdóm sem versnar og versnar og mjög hratt,“ segir Feryal. „Ef við erum send til Spánar missir hann líklega þjónustuna og við vitum ekki hve lengi. Það gætu verið átta, níu, tíu mánuðir.“ Lífshættulegt rofni þjónustan Kærunefnd útlendingamála staðfesti í lok marsmánaðar úrskurð Útlendingastofnunar um að synja fjölskyldunni um dvalarleyfi. Stofndeild ríkislögreglustjóra heimsótti fjölskylduna svo fyrir nokkrum dögum til að undirbúa brottflutninginn. Duchenne-samtökin hafa mótmælt brottflutningnum og lögmaður fjölskyldunnar segir læknisvottorð ekki hafa verið lögð fram við málsmeðferðina. „Það er búið að bæta úr því núna, það er búið að leggja fram þau læknisfræðilegu gögn og þau vottorð sem hægt er að gera,“ segir Albert Lúðvígsson, lögmaður fjölskyldunnar. Meðal þess sem kemur fram í læknisvottorðum, sem fréttastofa hefur fengið afhent, er að verði rof á þjónustu við Yazan geti það verið lífshættulegt og stytt ævi hans. Um 30% drengja með þennan sjúkdóm deyi í kjölfar falls og líklegt sé að fjölskyldan þyrfti að bera sjálf kostnað af kaupum á hjólastól verði hann sendur til Spánar. Albert Lúðvígsson, lögmaður fjölskyldunnar, vonar að hún verði ekki send úr landi á meðan málið er enn til meðferðar.Vísir/Arnar Málið er aftur komið til kærunefndar útlendingamála en alger óvissa um hvort fjölskyldunni verði vísað á brott áður en ný niðurstaða fæst. „Það er mín von að nefndin leiðrétti þetta. Ég held að þetta hljóti að hafa verið mistök. Ég vona að nefndin gefi þeim færi á að dvelja hér á Íslandi. Það er nefndinni heimilt, sérstaklega í málum þar sem einstaklingar eru með mjög alvarlega sjúkdóma. Ég held það hljóti að eiga við í máli Yazan,“ segir Albert. Martraðir eftir heimsókn stoðdeildar ríkislögreglustjóra Hann hræðist mjög að fjölskyldan verði send til Spánar áður en ný niðurstaða fæst í málið. „Því miður er staða fjölskyldunnar mjög flókin eins og stendur. Þau hafa fengið lokaniðurstöðu þó óskað hafi verið eftir endurupptöku umsóknarinnar, þannig að lögreglan getur flutt þau úr landi. Hins vegar er það þannig að spænsk stjórnvöld veita engar tryggingar eða loforð um þá þjónustu sem Yazan þarf og ætti að fá á Spáni.“ Fjölskyldan flúði heimili sitt í Hebron í Palestínu fyrir rúmu ári síðan. Þau komu til Íslands vegna góðrar þjónustu við fötluð börn og segjast hræðast mjög afleiðingar brottflutnings til Spánar á andlega- og líkamlega heilsu Yazans.Vísir/Arnar Yazan segist hafa fengið martraðir um brottflutninginn eftir að stoðdeild ríkislögreglustjóra heimsótti þau. Hann hræðist mjög framhaldið. „Rétt áður en ég kom til Íslands frá Palestínu hætti ég að geta labbað. Þegar ég kom fékk ég hjólastól, sjúkrarúm og þjónustu og sjúkraþjálfun. Mér líður miklu betur líkamlega og andlega þó mér versni sífellt. Ef ég fer til Spánar veit ég ekki hvort ég fæ læknisþjónustu eða ekki og ég er hræddur við óvissuna.“ Yazan er í Hamraskóla í Grafarvogi og hefur eignast þar fjölda vina, auk þess sem hann er farinn að lesa, skrifa og tala smá íslensku. Í lok viðtalsins sagði hann á íslensku: „Takk fyrir daginn. Takk fyrir tímann.“
Flóttafólk á Íslandi Palestína Átök í Ísrael og Palestínu Málefni fatlaðs fólks Mál Yazans Tengdar fréttir Formaður ÖBÍ segir mál Husseins afar sorglegt Fatlaður umsækjandi um alþjóðlega vernd yfirgaf landið í gær þar sem fjölskyldu hans, sem hann er háður vegna fötlunar sinnar, var vikið úr landi. Formaður Öryrkjabandalagsins, sem fundaði nýlega með ráðherra og hagsmunasamtökum vegna málsins, segir framkvæmd þess ömurlega. 3. desember 2023 20:01 Hussein yfirgaf Ísland ásamt fjölskyldu sinni Hælisleitandinn Hussein Hussein, sem er í hjólastól, ákvað á síðustu stundu að yfirgefa Ísland og fór með fjölskyldu sinni til Grikklands í gær. Fjölskylduvinur segir að Hussein hafi ekki getað hugsað sér að dvelja hér án fjölskyldu sinnar, sem vísað var úr landi. Aðstæður séu ömurlegar hjá þeim úti. 3. desember 2023 11:59 „Ég get ekki lifað án fjölskyldu minnar“ Hussein Hussein óttast hvað verði um hann þegar fjölskyldan hans fer til Grikklands á laugardag. Hann er í hjólastól og þarf mikla aðstoð við dagleg verk. Honum hefur ekki verið tryggð fullnægjandi aðstoð við brottför fjölskyldu sinnar sem hingað til hefur séð um alla aðstoð við hann. 29. nóvember 2023 19:57 Mest lesið Stimpingar milli mótmælenda á Austurvelli Innlent Hefja söfnun fyrir fjölskyldu Víglundar Innlent Liggur þungt haldinn eftir stórfellda líkamsárás í Hlíðunum Innlent „Mæta á næstu Palestínumótmæli og berja þetta lið“ Innlent „Glútenóþol var orðið óhreinn hattur yfir þetta allt saman“ Innlent Hinn látni erlendur ríkisborgari á þrítugsaldri Innlent Engin smithætta vegna veikinda í vélinni Innlent „Ef fram heldur sem horfir verður Aþena lögð niður í næstu viku“ Innlent Þekkir ekki eina stelpu sem ekki hefur verið áreitt Innlent „Við erum engir rasistar“ Innlent Fleiri fréttir Lengri opnunartímar sundlauga taka gildi „Við erum engir rasistar“ Kolmónoxíðeitrun talin vera orsök veikinda í flugvél Hasar á tvöföldum mótmælum, flugsýning og tryllitæki í beinni Liggur þungt haldinn eftir stórfellda líkamsárás í Hlíðunum Nikótínþurfi guðsbarn braust inn í Bjarnabúð „Ef fram heldur sem horfir verður Aþena lögð niður í næstu viku“ Stimpingar milli mótmælenda á Austurvelli Sigríður svarar gagnrýni á störf lögreglunnar á Suðurnesjum Tíundi hver með ágætiseinkunn í MR Engin smithætta vegna veikinda í vélinni Segir Viðskiptablaðið og Samstöðina fara rangt með mál um Ásthildi Lóu Kökuskreytingar og þjóðdansar á „Fjör í Flóa“ í dag Tvenn mótmæli í Reykjavík og herþota á flugsýningu „Mæta á næstu Palestínumótmæli og berja þetta lið“ Missa fatamarkaðinn með flutningi Konukots í Ármúla „Glútenóþol var orðið óhreinn hattur yfir þetta allt saman“ Ók hlaupahjólinu á tré með pizzu í annarri Hefja söfnun fyrir fjölskyldu Víglundar Borðaði súrdeigsbrauð og mældist með áfengi í útblæstri Hefur skilning á báðum sjónarmiðum í Heiðmerkurmálinu Þekkir ekki eina stelpu sem ekki hefur verið áreitt Umferðartafir vegna framkvæmda við Kringlumýrarbraut í sumar Hinn látni erlendur ríkisborgari á þrítugsaldri Býður til flugveislu á Reykjavíkurflugvelli Sóttu veikan mann í rússneskan togara Lækkandi fæðingartíðni er vandamál sem leysist ekki án innflytjenda Rannsókn lokið í manndrápsmáli Lögðu hald á nokkuð magn fíkniefna og hnífa Sláandi tölur: Kyrkingartökum og eltihrellum fer fjölgandi Sjá meira
Formaður ÖBÍ segir mál Husseins afar sorglegt Fatlaður umsækjandi um alþjóðlega vernd yfirgaf landið í gær þar sem fjölskyldu hans, sem hann er háður vegna fötlunar sinnar, var vikið úr landi. Formaður Öryrkjabandalagsins, sem fundaði nýlega með ráðherra og hagsmunasamtökum vegna málsins, segir framkvæmd þess ömurlega. 3. desember 2023 20:01
Hussein yfirgaf Ísland ásamt fjölskyldu sinni Hælisleitandinn Hussein Hussein, sem er í hjólastól, ákvað á síðustu stundu að yfirgefa Ísland og fór með fjölskyldu sinni til Grikklands í gær. Fjölskylduvinur segir að Hussein hafi ekki getað hugsað sér að dvelja hér án fjölskyldu sinnar, sem vísað var úr landi. Aðstæður séu ömurlegar hjá þeim úti. 3. desember 2023 11:59
„Ég get ekki lifað án fjölskyldu minnar“ Hussein Hussein óttast hvað verði um hann þegar fjölskyldan hans fer til Grikklands á laugardag. Hann er í hjólastól og þarf mikla aðstoð við dagleg verk. Honum hefur ekki verið tryggð fullnægjandi aðstoð við brottför fjölskyldu sinnar sem hingað til hefur séð um alla aðstoð við hann. 29. nóvember 2023 19:57