Erlent

For­sætis­ráð­herra Singa­púr segir af sér

Atli Ísleifsson skrifar
Lee Hsien Loong hefur gegnt embætti forsætisráðherra frá árinu 2004.
Lee Hsien Loong hefur gegnt embætti forsætisráðherra frá árinu 2004. AP

Lee Hsien Loong, forsætisráðherra Signapúr, hefur ákveðið að segja af sér og mun Lawrence Wong, sem gegnt hefur embætti aðstoðarforsætisráðherra og fjármálaráðherra, taka við stöðunni.

Hinn 51 árs Wong verður settur í embætti 15. maí næstkomandi að því er fram kemur í færslu Lee á samfélagsmiðlum í morgun. Hinn 72 ára Lee hvatti í færslunni íbúa Singapúr að styðja vel við bakið á Wong.

Lee tilkynnti á síðasta ári að hann myndi láta af embætti á þessu ári og hafði þá nefnt að Wong myndi taka við. Upphaflega hafði Lee ætlað að hætta fyrir tveimur árum, en ekkert varð þó af því þá vegna heimsfaraldurs kórónuveirunnar.

Lee Hsien Loong hefur gegnt embætti forsætisráðherra Singapúr frá árinu 2004. Hann er sonur Lee Kuan Yew, sem var fyrsti forsætisráðherra landsins en hann gegndi embættinu frá 1959 til 1990.

Singapúr
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið