Íslenska lífið heillaði Aron Guðmundsson skrifar 8. mars 2024 10:01 Eftir ellefu ár úti í atvinnumennsku er handboltamaðurinn Oddur Gretarsson á heimleið. Hann flytur með fjölskyldu sinni heim til Akureyrar af loknu yfirstandandi tímabili og gengur til liðs við uppeldisfélagið Þór Mynd:Balingen Vinstri hornamaðurinn Oddur Gretarsson er núna að ganga í gegnum sína síðustu mánuði úti í atvinnumennsku í handbolta í Þýskalandi. Eftir ellefu ár úti í mennskunni eru nú á döfinni flutningar heim með fjölskyldunni, konu og tveimur dætrum, heim á æskuslóðirnar á Akureyri þar sem að hann kemur til með að leika fyrir uppeldisfélag sitt Þór. Fjölskyldan var farinn að þrá íslenska lífið. Oddur hefur undanfarin ár verið á mála hjá þýska úrvalsdeildarfélaginu HBW Balingen-Weilstetten en í síðasta mánuði ákvað þessi 33 ára gamli hornamaður að nýta sér ákvæði í samningi sínum, rifta honum, eftir að kallið kom frá uppeldisfélaginu Þór á Akureyri. „Það hefur svo sem alveg blundað í mér síðustu tvö til þrjú ár að halda aftur heim á leið en ekki af eins mikilli alvöru og var raunin núna,“ segir Oddur í samtali við Vísi. „Við fjölskyldan fórum að hugsa um þetta núna rétt fyrir jól á síðasta ári og Þórsararnir heyrðu svo í mér fljótlega núna á nýju ári. Þá hófust viðræður og okkur leist mjög vel á það sem að forráðamenn félagsins höfðu fram að færa. Sýn þeirra á komandi ár.“ Það er þó óvíst hvort að Oddur muni leika með liði Þórs í efstu eða næstefstu deild á næsta tímabili. Liðið er í harðri baráttu um sæti í efstu deild þessi dægrin en aðspurður segir hornamaðurinn knái það ekki skipta sig höfuðmáli í hvor deildinni liðið verði þó svo að efsta deild heilli meira. Hann muni, sama hver staðan er, leggja sig allan fram. „Sýn félagsins á næstu ár var á meðal þess sem gerði það að verkum að okkur fannst það rétti tímapunkturinn núna að fara halda heim á leið til Íslands. Þegar að það var staðan sem við fundum okkur í þá kom ekkert annað til greina en að ganga til liðs við uppeldisfélagið á nýjan leik. Halda heim til Akureyrar. Við erum mjög ánægð með þessa ákvörðun. Tilhlökkunin er mjög mikil.“ Notið tímans í Þýskalandi Öll spilin hafi raðast fullkomlega saman fyrir fjölskylduna. „Ég átti í rauninni eitt ár eftir af samningi mínum hérna við Balingen. Það var þó ákvæði í þeim samningi sem gerði mér kleift að segja honum upp núna í febrúar. Núna fyrir áramót var ég svo sem ekkert alvarlega að pæla í því að fara heim. Mér persónulega gengur mjög vel hérna úti og það sama er hægt að segja um fjölskylduna. Það gefur mér mjög mikið að spila í Þýskalandi og okkur hefur alltaf liðið og líður mjög vel hérna í Balingen. Okkur fannst bara einhvern veginn bara rétti tímapunkturinn fyrir mig sem handboltamann sem og fjölskylduna í heild sinni að koma okkur heima. Eftirvæntingin hjá okkur fyrir því að flytja heim til Akureyrar er mjög mikil en það eru nú þrír mánuðir eftir af veru okkar hérna úti í Þýskalandi. Ég ætla að gefa allt mitt til þess að hjálpa Balingen að ná sínum markmiðum. Þau snúa að því að við höldum okkar sæti í þýsku úrvalsdeildinni.“ Fá að upplifa æskuslóðir foreldra sinna Oddur og Katrín Emma með dætrum sínum tveimur á góðri stundu í ÞýskalandiAðsend mynd Oddur snertir þarna á fjölskyldu hliðinni á þessum skiptum en saman eiga Oddur og unnusta hans, Katrín Emma Jónsdóttir, tvær dætur. Sú eldri er sjö ára en sú yngri þriggja ára. Oddur og Katrín eru bæði miklir Akureyringar og tækifærið til þess að leyfa dætrum þeirra að upplifa æskuárin á staðnum sem þau ólust upp á reynist of gott til þess að hafna. „Eldri dóttir okkar er í fyrsta bekk hér í grunnskóla í Þýskalandi. Það var svona einn punktur við þennan flutning heim að okkur langaði frekar að hún gengi í íslenskan skóla. Okkur fannst þetta réttur tímapunkturinn fyrir báðar dætur okkar að flytja heim. Þar spilar stóra rullu að ömmur þeirra og afar búa öll á Akureyri og við erum öll miklir Akureyringar, eigum þar fullt af vinafólki og fjölskyldu sem okkur hlakkar mikið til að verja meiri tíma með. Okkur var farið að langa að lifa íslensku lífi.“ Sýndur mikill skilningur Oddur segir forráðamenn Balingen sýna hans ákvörðun, að rifta samningi sínum við félagið og halda heim á leið, mikinn skilning. „Við höfum átt mjög gott samstarf þessi ár sem að ég hef verið á mála hjá liðinu. Það er mikill skilningur af hálfu félagsins á þessari ákvörðun minni. Sérstaklega í því ljósi að ég væri að flytja aftur heim á æskuslóðirnar. Þetta var því ekkert vesen. Þessu var bara tekið vel.“ Veru Odds erlendis í atvinnumennsku, sem spannar einhver ellefu ár, fer því að ljúka og hefur hann ekki hug á því að snúa aftur út. „Þetta er langur tími, sem maður hefur varið hérna úti í atvinnumennskunni. Fyrst og fremst er ég bara þakklátur fyrir að hafa fengið að spila handbolta hérna úti og að hafa haft það sem atvinnu mína. Það eru forréttindi og hefur verið frábært. Þegar að ég lít til baka er ég mjög ánægður með þennan tíma. Bæði minn feril sem og tímann sem að við fjölskyldan höfum varið hérna saman.“ Oddur Gretarsson hefur spilað sem atvinnumaður í rúman áratug en snýr heim í sumar.Getty/Tom Weller „Á þessum árum höfum við eignast marga vini til lífstíðar. Kynnst fullt af fólki, bæði í kringum handboltann en líka í gegnum börnin okkar og nágrenni okkar. Það er alveg stórt stökk að flytja heim, þá kannski sérstaklega fyrir stelpurnar sem þurfa að skilja við vini sína hérna úti. Við vissum svo sem alltaf að við myndum enda heima en munum kveðja Þýskaland og sér í lagi Balingen með söknuði. Á móti kemur erum við mjög spennt fyrir komandi tímum.“ Hefur verið mikið hark Þessi tími úti í atvinnumennsku. Hefur hann staðist væntingar? Hefur þetta verið miklu stærra og meira en þú þorðir að vona? „Til að byrja með var þetta mjög mikið hark. Maður kemur út með slitið krossband á sínum tíma. Það var mjög krefjandi tímabil sem maður gekk í gegnum þá en náði þó að vinna sig út úr því. Maður kynntist atvinnumennskunni fljótt. Það er mun meiri samkeppni um stöður og ef maður slakar eitthvað á þá missir maður stöðuna sína. Það er nú bara þannig. Oddur Gretarsson í leik með BalingenBalingen Ég hef tekið harkið í annarri deildinni hérna úti lengi vel. Ég held að ég fari með rétt mál þegar að ég segi að ég eigi að baki sex tímabil í efstu deild og fimm í næstefstu. Hef verið að flakka á milli. Umhverfið og umgjörðin í kringum handboltann hérna úti í Þýskalandi er öll mjög stór. Eins og Þjóðverjarnir segja nú stoltir hérna þá er þýska úrvalsdeildin sterkasta deild í heimi. Ég er bara þakklátur fyrir að hafa fengið að upplifa þetta. Ég var núna á dögunum að spila í síðasta skiptið á leikvangi þýska stórliðsins Kiel og mun njóta þess til hins ítrasta næstu vikurnar að fá að spila í þessum stóru handboltahöllum í síðasta sinn.“ Þór Akureyri Þýski handboltinn Mest lesið Þjálfari Orra Steins sáttur: Hann hefur haldið kjafti Fótbolti Þurfti að eyða níu og hálfum tíma í leigubíl til að komast í burtu Sport Ákærður fyrir að slá barn sitt með blautu handklæði Sport Hrósar Alberti en Inter þarf að safna fyrir honum Fótbolti Landsliðsmaður blandar sér í umræðuna um umdeilda sigurkörfu Njarðvíkinga Körfubolti Saman á ný eftir súrrealískan dag: „Við erum eins og lím við hvorn annan“ Íslenski boltinn Liðsfélagarnir í sumarfríi en hann að vinna tólf tíma á dag á Íslandi Körfubolti Fyrstir áfram en þjálfarinn meiddist alvarlega þegar leikmaður hans lenti á honum Körfubolti Áfall fyrir Vestra: Eiður Aron brotinn og lengi frá Íslenski boltinn Sjáðu dramatíkina í fyrsta grasleiknum á KR-vellinum og öll hin mörkin Íslenski boltinn Fleiri fréttir Uppgjör,viðtöl og myndir : FH - ÍBV 28-29 | Elmar neitaði að fara í sumarfrí Valsmenn fyrstir í úrslit Evrópukeppni í 44 ár Ættingjarnir ábyggilega þreyttir á manni Sigrar hjá Íslendingaliðunum Óðinn Þór bikarmeistari í Sviss Fimm mörk Hauks þegar Kielce komst í úrslit Arnór stökk til: „Hugsaði að við hefðum engu að tapa“ „Það var ekkert annað í hausnum á mér“ Uppgjörið: Haukar 28-25 Fram | Aftur unnu Haukakonur eftir framlengingu Þórey Anna mögnuð og Valur sigri frá úrslitum „Þá á bara að gefa tilkynningu út af hálfu HSÍ“ Teitur hafði betur í Íslendingaslagnum Sveinn í sigti Kolstad FH-ingar skrefi nær úrslitaeinvíginu Bjarki Már atkvæðamikill í dramatískum sigri Bjarni í Selvindi semur við Val Norðmenn töpuðu milljónum á því að halda HM í handbolta „Þetta einvígi er bara rétt að byrja“ Uppgjörið: Afturelding 28-25 Valur | Mosfellingar leiða einvígið eftir sveiflukenndan leik Haukur hafði betur í Meistaradeildarslagnum við Magdeburg „Það er ekkert plan B“ Ungir strákar þarna úti sem gætu spilað á HM á Íslandi „Ég hefði bara átt að taka leikhlé“ Uppgjör, viðtöl og myndir: Fram - Haukar 23-27 | Gestirnir sterkari undir lokin Íslandsmeistararnir byrja undanúrslitaeinvígið á sigri Teitur Örn öflugur og Flensburg í góðri stöðu Árs bann fyrir árás á eftirlitsmann og þjálfarinn fékk líka bann Carlos tekur við Selfossi: „Hann er algjör handboltaheili“ Aue ævintýri Óla Stef tekur enda eftir tímabilið „Mun stærri sigur en ég bjóst við“ Sjá meira
Oddur hefur undanfarin ár verið á mála hjá þýska úrvalsdeildarfélaginu HBW Balingen-Weilstetten en í síðasta mánuði ákvað þessi 33 ára gamli hornamaður að nýta sér ákvæði í samningi sínum, rifta honum, eftir að kallið kom frá uppeldisfélaginu Þór á Akureyri. „Það hefur svo sem alveg blundað í mér síðustu tvö til þrjú ár að halda aftur heim á leið en ekki af eins mikilli alvöru og var raunin núna,“ segir Oddur í samtali við Vísi. „Við fjölskyldan fórum að hugsa um þetta núna rétt fyrir jól á síðasta ári og Þórsararnir heyrðu svo í mér fljótlega núna á nýju ári. Þá hófust viðræður og okkur leist mjög vel á það sem að forráðamenn félagsins höfðu fram að færa. Sýn þeirra á komandi ár.“ Það er þó óvíst hvort að Oddur muni leika með liði Þórs í efstu eða næstefstu deild á næsta tímabili. Liðið er í harðri baráttu um sæti í efstu deild þessi dægrin en aðspurður segir hornamaðurinn knái það ekki skipta sig höfuðmáli í hvor deildinni liðið verði þó svo að efsta deild heilli meira. Hann muni, sama hver staðan er, leggja sig allan fram. „Sýn félagsins á næstu ár var á meðal þess sem gerði það að verkum að okkur fannst það rétti tímapunkturinn núna að fara halda heim á leið til Íslands. Þegar að það var staðan sem við fundum okkur í þá kom ekkert annað til greina en að ganga til liðs við uppeldisfélagið á nýjan leik. Halda heim til Akureyrar. Við erum mjög ánægð með þessa ákvörðun. Tilhlökkunin er mjög mikil.“ Notið tímans í Þýskalandi Öll spilin hafi raðast fullkomlega saman fyrir fjölskylduna. „Ég átti í rauninni eitt ár eftir af samningi mínum hérna við Balingen. Það var þó ákvæði í þeim samningi sem gerði mér kleift að segja honum upp núna í febrúar. Núna fyrir áramót var ég svo sem ekkert alvarlega að pæla í því að fara heim. Mér persónulega gengur mjög vel hérna úti og það sama er hægt að segja um fjölskylduna. Það gefur mér mjög mikið að spila í Þýskalandi og okkur hefur alltaf liðið og líður mjög vel hérna í Balingen. Okkur fannst bara einhvern veginn bara rétti tímapunkturinn fyrir mig sem handboltamann sem og fjölskylduna í heild sinni að koma okkur heima. Eftirvæntingin hjá okkur fyrir því að flytja heim til Akureyrar er mjög mikil en það eru nú þrír mánuðir eftir af veru okkar hérna úti í Þýskalandi. Ég ætla að gefa allt mitt til þess að hjálpa Balingen að ná sínum markmiðum. Þau snúa að því að við höldum okkar sæti í þýsku úrvalsdeildinni.“ Fá að upplifa æskuslóðir foreldra sinna Oddur og Katrín Emma með dætrum sínum tveimur á góðri stundu í ÞýskalandiAðsend mynd Oddur snertir þarna á fjölskyldu hliðinni á þessum skiptum en saman eiga Oddur og unnusta hans, Katrín Emma Jónsdóttir, tvær dætur. Sú eldri er sjö ára en sú yngri þriggja ára. Oddur og Katrín eru bæði miklir Akureyringar og tækifærið til þess að leyfa dætrum þeirra að upplifa æskuárin á staðnum sem þau ólust upp á reynist of gott til þess að hafna. „Eldri dóttir okkar er í fyrsta bekk hér í grunnskóla í Þýskalandi. Það var svona einn punktur við þennan flutning heim að okkur langaði frekar að hún gengi í íslenskan skóla. Okkur fannst þetta réttur tímapunkturinn fyrir báðar dætur okkar að flytja heim. Þar spilar stóra rullu að ömmur þeirra og afar búa öll á Akureyri og við erum öll miklir Akureyringar, eigum þar fullt af vinafólki og fjölskyldu sem okkur hlakkar mikið til að verja meiri tíma með. Okkur var farið að langa að lifa íslensku lífi.“ Sýndur mikill skilningur Oddur segir forráðamenn Balingen sýna hans ákvörðun, að rifta samningi sínum við félagið og halda heim á leið, mikinn skilning. „Við höfum átt mjög gott samstarf þessi ár sem að ég hef verið á mála hjá liðinu. Það er mikill skilningur af hálfu félagsins á þessari ákvörðun minni. Sérstaklega í því ljósi að ég væri að flytja aftur heim á æskuslóðirnar. Þetta var því ekkert vesen. Þessu var bara tekið vel.“ Veru Odds erlendis í atvinnumennsku, sem spannar einhver ellefu ár, fer því að ljúka og hefur hann ekki hug á því að snúa aftur út. „Þetta er langur tími, sem maður hefur varið hérna úti í atvinnumennskunni. Fyrst og fremst er ég bara þakklátur fyrir að hafa fengið að spila handbolta hérna úti og að hafa haft það sem atvinnu mína. Það eru forréttindi og hefur verið frábært. Þegar að ég lít til baka er ég mjög ánægður með þennan tíma. Bæði minn feril sem og tímann sem að við fjölskyldan höfum varið hérna saman.“ Oddur Gretarsson hefur spilað sem atvinnumaður í rúman áratug en snýr heim í sumar.Getty/Tom Weller „Á þessum árum höfum við eignast marga vini til lífstíðar. Kynnst fullt af fólki, bæði í kringum handboltann en líka í gegnum börnin okkar og nágrenni okkar. Það er alveg stórt stökk að flytja heim, þá kannski sérstaklega fyrir stelpurnar sem þurfa að skilja við vini sína hérna úti. Við vissum svo sem alltaf að við myndum enda heima en munum kveðja Þýskaland og sér í lagi Balingen með söknuði. Á móti kemur erum við mjög spennt fyrir komandi tímum.“ Hefur verið mikið hark Þessi tími úti í atvinnumennsku. Hefur hann staðist væntingar? Hefur þetta verið miklu stærra og meira en þú þorðir að vona? „Til að byrja með var þetta mjög mikið hark. Maður kemur út með slitið krossband á sínum tíma. Það var mjög krefjandi tímabil sem maður gekk í gegnum þá en náði þó að vinna sig út úr því. Maður kynntist atvinnumennskunni fljótt. Það er mun meiri samkeppni um stöður og ef maður slakar eitthvað á þá missir maður stöðuna sína. Það er nú bara þannig. Oddur Gretarsson í leik með BalingenBalingen Ég hef tekið harkið í annarri deildinni hérna úti lengi vel. Ég held að ég fari með rétt mál þegar að ég segi að ég eigi að baki sex tímabil í efstu deild og fimm í næstefstu. Hef verið að flakka á milli. Umhverfið og umgjörðin í kringum handboltann hérna úti í Þýskalandi er öll mjög stór. Eins og Þjóðverjarnir segja nú stoltir hérna þá er þýska úrvalsdeildin sterkasta deild í heimi. Ég er bara þakklátur fyrir að hafa fengið að upplifa þetta. Ég var núna á dögunum að spila í síðasta skiptið á leikvangi þýska stórliðsins Kiel og mun njóta þess til hins ítrasta næstu vikurnar að fá að spila í þessum stóru handboltahöllum í síðasta sinn.“
Þór Akureyri Þýski handboltinn Mest lesið Þjálfari Orra Steins sáttur: Hann hefur haldið kjafti Fótbolti Þurfti að eyða níu og hálfum tíma í leigubíl til að komast í burtu Sport Ákærður fyrir að slá barn sitt með blautu handklæði Sport Hrósar Alberti en Inter þarf að safna fyrir honum Fótbolti Landsliðsmaður blandar sér í umræðuna um umdeilda sigurkörfu Njarðvíkinga Körfubolti Saman á ný eftir súrrealískan dag: „Við erum eins og lím við hvorn annan“ Íslenski boltinn Liðsfélagarnir í sumarfríi en hann að vinna tólf tíma á dag á Íslandi Körfubolti Fyrstir áfram en þjálfarinn meiddist alvarlega þegar leikmaður hans lenti á honum Körfubolti Áfall fyrir Vestra: Eiður Aron brotinn og lengi frá Íslenski boltinn Sjáðu dramatíkina í fyrsta grasleiknum á KR-vellinum og öll hin mörkin Íslenski boltinn Fleiri fréttir Uppgjör,viðtöl og myndir : FH - ÍBV 28-29 | Elmar neitaði að fara í sumarfrí Valsmenn fyrstir í úrslit Evrópukeppni í 44 ár Ættingjarnir ábyggilega þreyttir á manni Sigrar hjá Íslendingaliðunum Óðinn Þór bikarmeistari í Sviss Fimm mörk Hauks þegar Kielce komst í úrslit Arnór stökk til: „Hugsaði að við hefðum engu að tapa“ „Það var ekkert annað í hausnum á mér“ Uppgjörið: Haukar 28-25 Fram | Aftur unnu Haukakonur eftir framlengingu Þórey Anna mögnuð og Valur sigri frá úrslitum „Þá á bara að gefa tilkynningu út af hálfu HSÍ“ Teitur hafði betur í Íslendingaslagnum Sveinn í sigti Kolstad FH-ingar skrefi nær úrslitaeinvíginu Bjarki Már atkvæðamikill í dramatískum sigri Bjarni í Selvindi semur við Val Norðmenn töpuðu milljónum á því að halda HM í handbolta „Þetta einvígi er bara rétt að byrja“ Uppgjörið: Afturelding 28-25 Valur | Mosfellingar leiða einvígið eftir sveiflukenndan leik Haukur hafði betur í Meistaradeildarslagnum við Magdeburg „Það er ekkert plan B“ Ungir strákar þarna úti sem gætu spilað á HM á Íslandi „Ég hefði bara átt að taka leikhlé“ Uppgjör, viðtöl og myndir: Fram - Haukar 23-27 | Gestirnir sterkari undir lokin Íslandsmeistararnir byrja undanúrslitaeinvígið á sigri Teitur Örn öflugur og Flensburg í góðri stöðu Árs bann fyrir árás á eftirlitsmann og þjálfarinn fékk líka bann Carlos tekur við Selfossi: „Hann er algjör handboltaheili“ Aue ævintýri Óla Stef tekur enda eftir tímabilið „Mun stærri sigur en ég bjóst við“ Sjá meira