Smith biður hæsta­rétt um að tefja ekki réttar­höldin

Smith sendi hæstarétti erindi í gær þar sem hann bað um að úrskurði áfrýjunardómstóls í Washington DC um að Trump nyti ekki þeirrar friðhelgi sem hann vill njóta, yrði látinn gilda áfram.

Saksóknarar Smith segja í erindinu að tilraunir til að snúa úrslitum kosninga og koma í vald fyrir valdaskipti sé ekki rétti vettvangurinn til að viðurkenna nýstárlega kröfu um algera friðhelgi frá lögum. Samkvæmt Washington Post krefst Smith þess að ákveðið dómarar að taka málið fyrir, eins og talið er líklegt, verði það gert strax í mars.

Þeir segja ótækt að tefja réttarhöldin gegn Trump frekar. Trump hafi reynt að brjóta á þeim rétti kjósenda að atkvæði þeirra séu talin og gildi og ekki sé hægt að tefja málið þar til eftir aðrar kosningar.

Vill tefja réttarhöld

Til stóð að hefja réttarhöldin gegn Trump í Washington þann 4. mars en þeim var frestað um óákveðinn tíma vegna kröfu Trumps um að hann njóti friðhelgi frá lögsókn.

Trump og lögmenn hans hafa haldið því fram að ekki sé hægt að ákæra hann vegna einhvers sem hann gerði þegar hann sat í embætti. Lögmennirnir hafa meðal annars sagt að forseti gæti látið hermenn myrða pólitíska andstæðinga sína og ekki væri hægt að sækja þá til saka fyrr en búið væri að ákæra þá fyrir embættisbrot og víkja úr embætti, jafnvel þó viðkomandi væri ekki lengur forseti.

Dómarar í áfrýjunardómstól í Washington DC komust svo að þeirri niðurstöðu í síðustu viku að Trump nyti ekki friðhelgi.

Eftir það leitið lögmenn Trumps til hæstaréttar og báðu dómara um að fresta úrskurði þar til fram yfir kosningarnar.

Trump og lögmenn hans hafa gert allt sem þeir geta til að reyna að tefja málaferli þar til eftir kosningarnar í nóvember. Takist honum að tefja réttarhöldin fram yfir kosningar og sigri hann Joe Biden, gæti hann beitt völdum embættisins til að stöðva málaferlin gegn honum eða jafnvel náða sjálfan sig.

Smith hefur einnig ákært Trump vegna opinberra og leynilegra skjala sem hann tók með sér til Flórída þegar hann flutti úr Hvíta húsinu í janúar 2021.

Þar að auki stendur Trump frammi fyrir ákærum í tveimur málum til viðbótar. Í heildina hefur hann verið ákærður í 91 lið.