Innlent

Tals­vert dregið úr gosinu

Oddur Ævar Gunnarsson skrifar
Dökkur mökkurinn sést vel á myndum frá gosinu.
Dökkur mökkurinn sést vel á myndum frá gosinu.

Talsvert hefur dregið úr eldgosinu á Reykjanesskaga. Um eitt í dag afmarkaðist virknin við norður og suðurenda gossprungunnar.

Þetta kemur fram í tilkynningu frá Rannsóknareiningu í eldfjallafræði og náttúruvá við Háskóla Íslands. Virknin við norður og suðurenda gossprungunnar var í fullum gangi á hádegi.

Á þessum tíma var engin virkni sjáanleg um miðbik sprungunnar og kvikuflæði þar stöðvast. Það var svo um klukkan 13:33 sem það sást mjög dökkur mökkur rísa upp af miðhluta sprungunnar.

„Líklegasta skýringin á þessari atburðar rás er sú að þegar kvikuvirknin hætti á miðhluta sprungunar, þá stóðu óstöðugir gosrásar-veggirnir eftir óstuddir og það fór að hrynja úr þeim ofan í sprunguna, rykmylsnan sem slíkt hrun myndar hefur, með hjálp frá heitu loftinu, þá risið upp úr sprungunni og myndað dökka mökkinn sem reis upp um 13:33 í dag.“

Þetta hrun heldur áfram og stigmagnast, líkt og rykmökkurinn. Um tvöleytið hefur hrunið opnað fyrir grunnvatnsrennsli inn í sprunguna og gufan myndast þegar það vatn komst í tengsl við heita gosrásina. Þetta er afleiðing þess hversu hratt dregið hefur úr virkninni í gosinu.

Eldgos og jarðhræringar Eldgos á Reykjanesskaga
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið