Innlent

Varð­skip og þyrla í við­bragðs­stöðu á Reykja­nesi

Oddur Ævar Gunnarsson skrifar
Þyrlan er til taks á Reykjanesi.
Þyrlan er til taks á Reykjanesi. Landhelgisgæslan

Varðskipið Freyja auk þyrlu Landhelgisgæslunnar verða til staðar á Reykjanesi. Þar verða sveitir Landhelgisgæslunnar til taks fyrir almannavarnir ef þurfa þykir.

Eins og fram hefur komið hefur heitavatnslögn farið í sundur vegna hraunrennslis úr eldgosinu sem hófst í morgun á Reykjanesi. Íbúar á Reykjanesi eru án hitaveitu sem stendur.

„Þyrlan verður höfð þarna suður frá frekar en hér í Reykjavík og þannig er þyrlusveitin tilbúin til að bregðast við ef leitað er til okkar,“ segir Ásgeir Erlendsson, upplýsingafulltrúi Landhelgisgæslunnar í samtali við Vísi.

Hann segir þyrluna þá til taks í margskonar verkefni sem upp geti komið. Mikilvægast sé að tryggja hröð viðbrögð gæslunnar.

„Þá er varðskipið Freyja í Húnaflóa og mun halda áleiðis inn í Stakksfjörð til þess að vera þar til taks.“

Eldgos og jarðhræringar Eldgos á Reykjanesskaga Grindavík Landhelgisgæslan
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið