Erlent

Tveggja saknað eftir að fær­eyskt línuskip sökk

Samúel Karl Ólason skrifar
Myndin tengist fréttinni ekki beint.
Myndin tengist fréttinni ekki beint. Getty/Sergei Gapon

Tveggja manna er saknað eftir að færeyska línuskipið Kambur fékk á sig brot í morgun. Mikil slagsíða kom á skipið og sendi áhöfn þess út neyðarkall um klukkan sjö í morgun.

Uppfært 13:15 Skipið er sokkið.

Fjórtán var bjargað frá skipinu um borð í þyrlu en Kambur var staddur um sautján sjómílur suður af Suðurey.

Kringvarpið segir að síðasti maðurinn sem bjargað var um borð í þyrluna hafi verið fastur á síðu Kambs í þrjár klukkustundir. Hann hafi ekki haft tíma til að komast í flotgalla og var ekki meðal þeirra fyrstu þrettán sem var bjargað. Þeim þrettán var flogið í land til aðhlynningar og var það ekki fyrr en áhöfn þyrlunnar kom aftur á vettvang sem þeir sáu manninn á síðu Kambs.

Skömmu eftir að honum var bjargað sökk skipið.

Mennirnir sem saknað er komust ekki heldur í flotgalla. Verið er að leita þeirra, samkvæmt frétt Kringvarpsins, og er verið að sigla öðrum skipum að staðnum þar sem Kambur sökk. Þar á meðal björgunarskipinu Brimli.

Mennirnir sem leitað er að eru 47 og 57 ára gamlir.

Kambur er suður af Suðurey og er komin töluverð slagsíða á skipið.MarineTraffic
Færeyjar
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið