Körfubolti

Grind­víkingar sækja liðs­styrk til Lúxem­borgar

Hjörtur Leó Guðjónsson skrifar
Kierra Anthony er gengin til liðs við Grindavík.
Kierra Anthony er gengin til liðs við Grindavík. UMFG

Körfuknattleiksdeild Grindavíkur hefur samið við hina bandarísku Kierra Anthony um að leika með liðinu út yfirstandandi tímabil í Subway-deild kvenna í körfubolta.

Anthony, sem getur leikið bæði sem skotbakvörður og leikstjórnandi, lemur til liðsins frá Lúxemborg þar sem hún hefur leikið síðustu fjögur tímabil.

Hún var með 25 stig að meðaltali í leik í vetur, ásamt því að taka átta fráköst og gefa rúmlega fjórar stoðsendingar.

Þá hefur hún einnig leikið með LA Tech í háskólaboltanum áður en hún hélt út í atvinnumennsku þar sem hún varð fjórði stigahæsti leikmaðurinn í sinni deild síðasta árið sitt. Það ár setti hún einnig stigamet fyrir sinn skóla þegar hún skoraði 50 stig í einum og sama leiknum.

Subway-deild kvenna UMF Grindavík

Mest lesið


Fleiri fréttir

Sjá meira


×

Mest lesið