Viðskipti innlent

Fimm­tán sagt upp hjá Alvotech

Atli Ísleifsson skrifar
Róbert Wessman er stofnandi Alvotech.
Róbert Wessman er stofnandi Alvotech. Vísir/Vilhelm

Líftæknifyrirtækið Alvotech sagði upp fimmtán starfsmönnum í gær.

Þetta staðfestir Benedikt Stefánsson, upplýsingafulltrúi Alvotech, í samtali við fréttastofu en Mbl greindi fyrst frá málinu.

Benedikt segir að það séu alltaf breytingar í gangi hjá svo stóru fyrirtæki og að ekki sé sérstaklega verið að skera niður. „Þetta er breytingar þvert á deildir, bæði starfsmenn á Íslandi og erlendis,“ segir Benedikt. Hann segir að flestir þeirra sem hafi verið látnir fara í gær hafi starfað á Íslandi.

Benedikt segir að ekki sé verið að fækka starfsfólki, enda hafi félagið ráðið 29 manns til starfa nú í janúar og þar af tuttugu hér á landi.

Alvotech er með sínar stærstu starfstöðvar á Íslandi, Indlandi og í Þýskalandi, en alls starfa um 1.050 manns hjá fyrirtækinu. 77 prósent þeirra starfa eru á Íslandi.

Alvotech Vinnumarkaður


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið