Handbolti

Donni veikur en Ómar, Janus og Teitur koma inn

Ingvi Þór Sæmundsson skrifar
Janus Daði Smárason snýr aftur í íslenska liðið eftir veikindi.
Janus Daði Smárason snýr aftur í íslenska liðið eftir veikindi. vísir/vilhelm

Kristján Örn Kristjánsson getur ekki leikið með íslenska landsliðinu í handbolta gegn því austurríska í fjórða og síðasta leik þess í milliriðli 1 á EM í Þýskalandi.

Kristján Örn glímir við veikindi og er fjarverandi í dag ásamt Gísla Þorgeiri Kristjánssyni og Ými Erni Gíslasyni. Gísli meiddist gegn Króatíu í fyrradag og Ýmir fékk rautt spjald í leiknum.

Ómar Ingi Magnússon og Janus Daði Smárason misstu af leiknum gegn Króötum vegna meiðsla vegna veikinda en koma aftur inn í íslenska hópinn fyrir leikinn gegn Austurríkismönnum.

Teitur Örn Einarsson, leikmaður Flensburg, kemur einnig inn í íslenska hópinn. Hann var kallaður út til Kölnar í gær.

Hópurinn

Markverðir

  • Björgvin Páll Gústavsson, Valur (266/22)

  • Viktor Gísli Hallgrímsson, HBC Nantes (57/1)

Aðrir leikmenn

  • Arnar Freyr Arnarsson, MT Melsungen (93/98)
  • Aron Pálmarsson, FH (176/667)
  • Bjarki Már Elísson, Telekom Veszprém (113/393)
  • Einar Þorsteinn Ólafsson, Fredericia (7/0)
  • Elliði Snær Viðarsson, VfL Gummersbach (45/95)
  • Elvar Örn Jónsson, MT Melsungen (74/171)
  • Haukur Þrastarson, Barlinek Industria Kielce (30/39)
  • Janus Daði Smárason, SC Magdeburg (79/128)
  • Óðinn Þór Ríkharðsson, Kadetten Schaffhausen (36/104)
  • Ómar Ingi Magnússon, SC Magdeburg (81/279)
  • Sigvaldi Björn Guðjónsson, Kolstad Håndball (71/199)
  • Stiven Tobar Valencia, Benfica (14/11)
  • Teitur Örn Einarsson, SG Flensburg-Handewitt (35/36)
  • Viggó Kristjánsson, SC DHfK Leipzig Handball (52/146)

Ísland þarf væntanlega að vinna Austurríki með að minnsta kosti fimm marka mun til að komast í forkeppni Ólympíuleikanna.

Leikur Austurríkis og Íslands hefst klukkan 14:30 og verður í beinni textalýsingu á Vísi.

EM 2024 í handbolta Landslið karla í handbolta

Mest lesið


Fleiri fréttir

Sjá meira


×

Mest lesið