Svíar höfðu þegar tryggt sér sæti í undanúrslitum fyrir leik kvöldsins og Norðmenn voru fallnir úr leik þannig í raun var ekkert undir í kvöld nema heiðurinn og montréttur.
Sænska liðið hafði frumkvæðið stóran hluta fyrri hálfleiksins, en Norðmenn sigur fram úr þegar líða tók á og leiddu með þremur mörkum í hléi, staðan 15-12.
Norska liðið tók svo öll völd í síðari hálfleik og náði fljótt sjö marka forskoti í stöðunni 20-13. Eftir það var í raun aldrei spurning hvorum megin sigurinn myndi enda og Norðmenn náðu mest 13 marka forskoti í stöðunni 31-18.
Norðmenn unnu að lokum tíu marka sigur, 33-23, og enda því með fjögur stig i fjórða sæti milliriðils 2. Svíar enda hins vegar í öðru sæti með sex stig og eru á leið í undanúrslit ásamt Dönum sem unnu riðilinn.
