Einkunnir Strákanna okkar á móti Þýskalandi: Janus og Ýmir frábærir en hornamenn og vítaskyttur brugðust Íþróttadeild Vísis skrifar 18. janúar 2024 21:40 Ýmir Örn átti virkilega góðan leik í vörninni. Vísir/Vilhelm Íslenska karlalandsliðið í handbolta tapaði naumlega fyrir Þjóðverjum, 26-24, í fyrsta leik sínum í milliriðli 1 á EM. Íslenska liðið spilaði sinn besta leik á mótinu í kvöld. Vörnin var öflug, Viktor Gísli Hallgrímsson varði vel, Björgvin Páll Gústavsson lagði tvær vítavörslur í púkkið og Janus Daði Smárason var frábær í sókninni í seinni hálfleik og skoraði þá sex mörk. Þriðja leikinn í röð var nýting Íslendinga úr hornunum afleit og þá fóru fjögur víti í súginn, þar af tvö á síðustu þremur mínútunum. Niðurstaðan svekkjandi tap eftir góða frammistöðu en hornamenn og vítaskyttur íslenska liðsins brugðust algjörlega í kvöld. Líkt og áður þá gefur íþróttadeild Vísis og Stöðvar tvö leikmönnum og þjálfaranum einkunnir fyrir frammistöðu sína. Leikmenn og þjálfarar fá einkunn á bilinu 1-6 með umsögn, en neðst í fréttinni má sjá hvað hver einkunn þýðir. Einkunnir Íslands gegn Þýskalandi:- Byrjunarlið Íslands í leiknum - Viktor Gísli Hallgrímsson, markvörður - 5 (17 varin skot - 56:11 mín.) Frábær frammistaða hjá Viktori í kvöld. Varði sjö skot í fyrri hálfleik, tíu í þeim seinni og sautján alls, eða fjörutíu prósent þeirra skota sem hann fékk á sig. Stöðugur og góður allan leikinn. Bjarki Már Elísson, vinstri hornamaður - 2 (1 mark - 56:39 mín.) Er ekki sjálfum sér líkur og hefur ekki verið á þessu móti fyrir utan fyrsta leikinn gegn Serbíu. Fer illa með færin sín og er oft steinsofandi í vörninni. Aron Pálmarsson, vinstri skytta - 4 (3 mörk - 56:39 mín.) Fyrirliðinn mætti ákveðinn til leiks og skoraði þrjú af fyrstu fjórum mörkum Íslands með frábærum skotum utan af velli en skoraði ekki meira í leiknum. Skotin í seinni hálfleik gengu ekki. Gríðarlega sterkur í vörninni allan tímann. Janus Daði Smárason, leikstjórnandi - 5 (6 mörk - 26:53 mín.) Spilaði einn sinn besta landsleik. Skoraði sex mörk í seinni hálfleik þar sem hann var stórkostlegur, áræðinn og yfirvegaður í bland. Gaf fjórar stoðsendingar og fiskaði tvö víti. Getur gengið stoltur af velli. Ómar Ingi Magnússon, hægri skytta - 2 (2 mörk - 37:19 mín.) Mjög slakur leikur hjá Selfyssingnum. Klúðraði tveimur vítum, þar af öðru þegar rúm mínúta var til leiksloka. Fann engan takt í kvöld og verður að girða sig í brók fyrir framhaldið. Sigvaldi Guðjónsson, hægri hornamaður - 3 (4 mörk - 41:58 mín.) Upp og niður leikur hjá Sigvalda. Skoraði úr fyrsta skotinu sínu, klikkaði á næstu tveimur en skoraði svo þrjú mörk úr þremur skotum í seinni hálfleik og fiskaði eitt víti. Elliði Snær Viðarsson, línumaður - 4 (1 mark - 49:20 mín.) Gríðarlega öflugur í vörninni þar sem hann gekk vasklega fram. Skoraði eitt mark en fékk úr litlu að moða í sókninni. Ýmir Örn Gíslason, varnarmaður - 5 (1 mark - 31:53 mín.) Meiri háttar góð frammistaða hjá Ými. Var algjörlega frábær í vörninni, tók frumkvæði og gekk fram með góðu fordæmi. Skoraði svo meira að segja laglegt mark undir lok leiksins. Lagði líf og sál í verkefnið. - Menn sem komu inn af bekknum í leiknum - Óðinn Þór Ríkharðsson, hægri hornamaður - 1 (0 mörk - 14:33 mín.) Ömurleg frammistaða hjá Óðni. Klikkaði á öllum þremur færunum sínum sem voru galopin. Hefur venjulega nýtt tækifærin sín með landsliðinu vel en verið afleitur á þessu móti. Gísli Þorgeir Kristjánsson, leikstjórnandi - 1 (1 stoðsending - 8:52 mín.) Byrjaði á bekknum en kom inn á seinni hluta fyrri hálfleiks. Er ekki sami leikmaður og fyrir meiðslin og nær aldrei að fara framhjá sínum varnarmanni. Viggó Kristjánsson, hægri skytta - 3 (3 mörk - 24:05 mín.) Skoraði tvö góð og keimlík mörk í fyrri hálfleik en náði ekki að fylgja því eftir í seinni hálfleik. Klúðraði tveimur vítum sem reyndist rándýrt. Elvar Örn Jónsson, vinstri skytta - 4 (2 mörk - 30:18 mín.) Byrjaði á bekknum en kom virkilega sterkur inn á. Varnarframmistaða Elvars var einstaklega góð og hann skoraði auk þess tvö mörk. Besti leikur hans á mótinu. Arnar Freyr Arnarsson, línumaður - 3 (1 mark - 9:09 mín.) Spilaði aðeins í fyrri hálfleik. Sterkur í vörninni og skoraði gott mark. Björgvin Páll Gústavsson, markvörður 4 - (2 varin skot - 48 sek.) Spilaði ekki nógu mikið til að fá einkunn en fær samt fjóra fyrir að verja tvö vítaköst frá Juri Knorr. Frábær innkoma hjá okkar reyndasta manni. Stiven Tobar Valencia, vinstri hornamaður - spilaði ekki Haukur Þrastarson, leikstjórnandi - spilaði ekki Snorri Steinn Guðjónsson þjálfari - 4 Lagði leikinn vel upp og leikáætlun íslenska liðsins gekk að stærstu leyti upp. Spennustigið var rétt stillt, framlag og vinnusemi leikmanni var til mikillar fyrirmyndar, vörnin var lengst af sterk, markvarslan góð og sóknarleikurinn betri en í síðustu leikjum. Boltinn gekk betur og íslensku leikmennirnir ógnuðu vel fyrir utan og skoruðu mikið með langskotum. En færanýtingin heldur áfram að vera íslenska liðinu fjötur um fót en það er ekki við Snorra að sakast í þeim efnum. Gerði rétt með að byrja inn á með Janus og Ými og nýtti Elvar og Aron rétt. Útskýring á einkunnum 6 - Heimsklassa frammistaða 5 - Frábær frammistaða 4 - Góð frammistaða 3 - Sæmileg frammistaða - skilaði sínu 2 - Ekki nógu góð frammistaða 1 - Slakur leikur EM 2024 í handbolta Landslið karla í handbolta Mest lesið Davíð Smári ekki á hliðarlínunni í næsta leik Vestra Íslenski boltinn Fjöldi fótboltafólks sýnir Palestínu stuðning Fótbolti Markvarðamartröð KR: „Getur ekki barist um titla þegar markverðirnir gefa trúðamörk“ Íslenski boltinn Meistaradeild Evrópu áfram á Stöð 2 Sport næstu árin Fótbolti Albert í liði ársins hjá tölfræðiveitunni Opta Fótbolti Systurfélag Man City komið með sama styrktaraðila og stóri bróðir Fótbolti Dagskráin í dag: Ræðst hver verður Íslandsmeistari karla í körfubolta Sport Úlfarnir foruðust sópinn og Kyrie mistókst í fyrsta sinn að klára Körfubolti Njósnarar Liverpool áttu að fylgjast með Koopmeiners en hrifust að öðrum Enski boltinn Fjögur félög græddu langmest á félagaskiptum Íslenski boltinn Fleiri fréttir „Stórkostlegt fyrir íslenskt íþróttalíf“ Tryggvi Þórisson sænskur meistari með Sävehof Tinna Sigurrós í Stjörnuna Tjörvi til Bergischer Ekki tilbúinn að ræða hversu margir kveðja Val Utan vallar: Þegar góðu gæjarnir koma fyrstir í mark Ómar Ingi með fjörutíu mörk í síðustu þremur leikjum „Gerist ekki grátlegra“ „Finnst þetta geðveikur sigur“ „Geggjað að sjá Símon setja hann í lokin“ Hetjan Símon: „Helvítis léttir“ Uppgjörið: FH-Afturelding 27-26 | FH-ingar tóku forystuna með síðasta skoti leiksins Teitur Örn og félagar í Flensburg Evrópudeildarmeistarar Snilldarleikur Ómars Inga svo gott sem tryggði titilinn Lærisveinar Guðmundar töpuðu fyrsta leik úrslitaeinvígisins Fyrirliðar Vals enda ferilinn á toppnum Teitur Örn og félagar í úrslit Uppgjörið: Olympiacos-Valur 31-27 [4-5] | Valsmenn Evrópubikarmeistarar eftir sigur í vítakeppni Afmælisbarnið klárt í slaginn eftir alls konar bras Bullurnar mæta með læti Öruggt hjá Bjarka og félögum í fyrsta leik Tryggvi og félagar einum sigri frá titlinum eftir tvíframlengdan leik Haukar sækja sér reynslumikinn markvörð á Selfoss Ómar Ingi með tíu mörk í tíunda sigurleik toppliðsins í röð Óðinn skoraði sigurmark Kadetten í lífsnauðsynlegum sigri Íslendingarnir ekki meira með á leiktíðinni Lærisveinar Guðmundar í úrslit: Er eiginlega orðlaus Myndasyrpa: FH jafnaði metin með minnsta mun Uppgjörið og viðtöl: Afturelding-FH 27-28 | FH-ingar jöfnuðu einvígið Mikilvæg mörk frá Sigvalda Birni í fyrsta leik úrslitaeinvígisins Sjá meira
Íslenska liðið spilaði sinn besta leik á mótinu í kvöld. Vörnin var öflug, Viktor Gísli Hallgrímsson varði vel, Björgvin Páll Gústavsson lagði tvær vítavörslur í púkkið og Janus Daði Smárason var frábær í sókninni í seinni hálfleik og skoraði þá sex mörk. Þriðja leikinn í röð var nýting Íslendinga úr hornunum afleit og þá fóru fjögur víti í súginn, þar af tvö á síðustu þremur mínútunum. Niðurstaðan svekkjandi tap eftir góða frammistöðu en hornamenn og vítaskyttur íslenska liðsins brugðust algjörlega í kvöld. Líkt og áður þá gefur íþróttadeild Vísis og Stöðvar tvö leikmönnum og þjálfaranum einkunnir fyrir frammistöðu sína. Leikmenn og þjálfarar fá einkunn á bilinu 1-6 með umsögn, en neðst í fréttinni má sjá hvað hver einkunn þýðir. Einkunnir Íslands gegn Þýskalandi:- Byrjunarlið Íslands í leiknum - Viktor Gísli Hallgrímsson, markvörður - 5 (17 varin skot - 56:11 mín.) Frábær frammistaða hjá Viktori í kvöld. Varði sjö skot í fyrri hálfleik, tíu í þeim seinni og sautján alls, eða fjörutíu prósent þeirra skota sem hann fékk á sig. Stöðugur og góður allan leikinn. Bjarki Már Elísson, vinstri hornamaður - 2 (1 mark - 56:39 mín.) Er ekki sjálfum sér líkur og hefur ekki verið á þessu móti fyrir utan fyrsta leikinn gegn Serbíu. Fer illa með færin sín og er oft steinsofandi í vörninni. Aron Pálmarsson, vinstri skytta - 4 (3 mörk - 56:39 mín.) Fyrirliðinn mætti ákveðinn til leiks og skoraði þrjú af fyrstu fjórum mörkum Íslands með frábærum skotum utan af velli en skoraði ekki meira í leiknum. Skotin í seinni hálfleik gengu ekki. Gríðarlega sterkur í vörninni allan tímann. Janus Daði Smárason, leikstjórnandi - 5 (6 mörk - 26:53 mín.) Spilaði einn sinn besta landsleik. Skoraði sex mörk í seinni hálfleik þar sem hann var stórkostlegur, áræðinn og yfirvegaður í bland. Gaf fjórar stoðsendingar og fiskaði tvö víti. Getur gengið stoltur af velli. Ómar Ingi Magnússon, hægri skytta - 2 (2 mörk - 37:19 mín.) Mjög slakur leikur hjá Selfyssingnum. Klúðraði tveimur vítum, þar af öðru þegar rúm mínúta var til leiksloka. Fann engan takt í kvöld og verður að girða sig í brók fyrir framhaldið. Sigvaldi Guðjónsson, hægri hornamaður - 3 (4 mörk - 41:58 mín.) Upp og niður leikur hjá Sigvalda. Skoraði úr fyrsta skotinu sínu, klikkaði á næstu tveimur en skoraði svo þrjú mörk úr þremur skotum í seinni hálfleik og fiskaði eitt víti. Elliði Snær Viðarsson, línumaður - 4 (1 mark - 49:20 mín.) Gríðarlega öflugur í vörninni þar sem hann gekk vasklega fram. Skoraði eitt mark en fékk úr litlu að moða í sókninni. Ýmir Örn Gíslason, varnarmaður - 5 (1 mark - 31:53 mín.) Meiri háttar góð frammistaða hjá Ými. Var algjörlega frábær í vörninni, tók frumkvæði og gekk fram með góðu fordæmi. Skoraði svo meira að segja laglegt mark undir lok leiksins. Lagði líf og sál í verkefnið. - Menn sem komu inn af bekknum í leiknum - Óðinn Þór Ríkharðsson, hægri hornamaður - 1 (0 mörk - 14:33 mín.) Ömurleg frammistaða hjá Óðni. Klikkaði á öllum þremur færunum sínum sem voru galopin. Hefur venjulega nýtt tækifærin sín með landsliðinu vel en verið afleitur á þessu móti. Gísli Þorgeir Kristjánsson, leikstjórnandi - 1 (1 stoðsending - 8:52 mín.) Byrjaði á bekknum en kom inn á seinni hluta fyrri hálfleiks. Er ekki sami leikmaður og fyrir meiðslin og nær aldrei að fara framhjá sínum varnarmanni. Viggó Kristjánsson, hægri skytta - 3 (3 mörk - 24:05 mín.) Skoraði tvö góð og keimlík mörk í fyrri hálfleik en náði ekki að fylgja því eftir í seinni hálfleik. Klúðraði tveimur vítum sem reyndist rándýrt. Elvar Örn Jónsson, vinstri skytta - 4 (2 mörk - 30:18 mín.) Byrjaði á bekknum en kom virkilega sterkur inn á. Varnarframmistaða Elvars var einstaklega góð og hann skoraði auk þess tvö mörk. Besti leikur hans á mótinu. Arnar Freyr Arnarsson, línumaður - 3 (1 mark - 9:09 mín.) Spilaði aðeins í fyrri hálfleik. Sterkur í vörninni og skoraði gott mark. Björgvin Páll Gústavsson, markvörður 4 - (2 varin skot - 48 sek.) Spilaði ekki nógu mikið til að fá einkunn en fær samt fjóra fyrir að verja tvö vítaköst frá Juri Knorr. Frábær innkoma hjá okkar reyndasta manni. Stiven Tobar Valencia, vinstri hornamaður - spilaði ekki Haukur Þrastarson, leikstjórnandi - spilaði ekki Snorri Steinn Guðjónsson þjálfari - 4 Lagði leikinn vel upp og leikáætlun íslenska liðsins gekk að stærstu leyti upp. Spennustigið var rétt stillt, framlag og vinnusemi leikmanni var til mikillar fyrirmyndar, vörnin var lengst af sterk, markvarslan góð og sóknarleikurinn betri en í síðustu leikjum. Boltinn gekk betur og íslensku leikmennirnir ógnuðu vel fyrir utan og skoruðu mikið með langskotum. En færanýtingin heldur áfram að vera íslenska liðinu fjötur um fót en það er ekki við Snorra að sakast í þeim efnum. Gerði rétt með að byrja inn á með Janus og Ými og nýtti Elvar og Aron rétt. Útskýring á einkunnum 6 - Heimsklassa frammistaða 5 - Frábær frammistaða 4 - Góð frammistaða 3 - Sæmileg frammistaða - skilaði sínu 2 - Ekki nógu góð frammistaða 1 - Slakur leikur
6 - Heimsklassa frammistaða 5 - Frábær frammistaða 4 - Góð frammistaða 3 - Sæmileg frammistaða - skilaði sínu 2 - Ekki nógu góð frammistaða 1 - Slakur leikur
EM 2024 í handbolta Landslið karla í handbolta Mest lesið Davíð Smári ekki á hliðarlínunni í næsta leik Vestra Íslenski boltinn Fjöldi fótboltafólks sýnir Palestínu stuðning Fótbolti Markvarðamartröð KR: „Getur ekki barist um titla þegar markverðirnir gefa trúðamörk“ Íslenski boltinn Meistaradeild Evrópu áfram á Stöð 2 Sport næstu árin Fótbolti Albert í liði ársins hjá tölfræðiveitunni Opta Fótbolti Systurfélag Man City komið með sama styrktaraðila og stóri bróðir Fótbolti Dagskráin í dag: Ræðst hver verður Íslandsmeistari karla í körfubolta Sport Úlfarnir foruðust sópinn og Kyrie mistókst í fyrsta sinn að klára Körfubolti Njósnarar Liverpool áttu að fylgjast með Koopmeiners en hrifust að öðrum Enski boltinn Fjögur félög græddu langmest á félagaskiptum Íslenski boltinn Fleiri fréttir „Stórkostlegt fyrir íslenskt íþróttalíf“ Tryggvi Þórisson sænskur meistari með Sävehof Tinna Sigurrós í Stjörnuna Tjörvi til Bergischer Ekki tilbúinn að ræða hversu margir kveðja Val Utan vallar: Þegar góðu gæjarnir koma fyrstir í mark Ómar Ingi með fjörutíu mörk í síðustu þremur leikjum „Gerist ekki grátlegra“ „Finnst þetta geðveikur sigur“ „Geggjað að sjá Símon setja hann í lokin“ Hetjan Símon: „Helvítis léttir“ Uppgjörið: FH-Afturelding 27-26 | FH-ingar tóku forystuna með síðasta skoti leiksins Teitur Örn og félagar í Flensburg Evrópudeildarmeistarar Snilldarleikur Ómars Inga svo gott sem tryggði titilinn Lærisveinar Guðmundar töpuðu fyrsta leik úrslitaeinvígisins Fyrirliðar Vals enda ferilinn á toppnum Teitur Örn og félagar í úrslit Uppgjörið: Olympiacos-Valur 31-27 [4-5] | Valsmenn Evrópubikarmeistarar eftir sigur í vítakeppni Afmælisbarnið klárt í slaginn eftir alls konar bras Bullurnar mæta með læti Öruggt hjá Bjarka og félögum í fyrsta leik Tryggvi og félagar einum sigri frá titlinum eftir tvíframlengdan leik Haukar sækja sér reynslumikinn markvörð á Selfoss Ómar Ingi með tíu mörk í tíunda sigurleik toppliðsins í röð Óðinn skoraði sigurmark Kadetten í lífsnauðsynlegum sigri Íslendingarnir ekki meira með á leiktíðinni Lærisveinar Guðmundar í úrslit: Er eiginlega orðlaus Myndasyrpa: FH jafnaði metin með minnsta mun Uppgjörið og viðtöl: Afturelding-FH 27-28 | FH-ingar jöfnuðu einvígið Mikilvæg mörk frá Sigvalda Birni í fyrsta leik úrslitaeinvígisins Sjá meira
Markvarðamartröð KR: „Getur ekki barist um titla þegar markverðirnir gefa trúðamörk“ Íslenski boltinn
Uppgjörið: Olympiacos-Valur 31-27 [4-5] | Valsmenn Evrópubikarmeistarar eftir sigur í vítakeppni
Markvarðamartröð KR: „Getur ekki barist um titla þegar markverðirnir gefa trúðamörk“ Íslenski boltinn