Innlent

Rennsli úr Gríms­vötnum enn að aukast

Oddur Ævar Gunnarsson skrifar
Frá Grímsvötnum.
Frá Grímsvötnum. Vísir/RAX

Vatnsmagn í Gígjukvísl úr Grímsvötnum hefur aukist jafnt og þétt á síðustu tveimur sólarhringum. Þetta sést á því að áin dreifir úr sér í farvegi sínum, að því er segir í tilkynningu Veðurstofu.

Þar kemur fram að vatnshæðarmælir á brúnni við þjóðveg 1 sýni að vatnsyfirborðið undir henni hafi risið um rúma sjötíu sentímetra á tveimur sólarhringum. Eins og Vísir hefur greint frá hefur neyðarstig almannavarna verið virkjað og eru taldar líkur á gosi í Grímsvötnum.

Veðurstofan segir að rafleiðni í ánni sé einnig byrjuð að hækka lítillega. Það séu merki um aukið magn hlaupvatns í ánni.

Engin skjálftavirkni síðan í gær

Þá segir Veðurstofan að engin skjálftavirkni hafi mælst í Grímsvötnumeða hlaupfarveginum undir Skeiðarárjökli síðan seinni partinn í gær.

Hlaupórói vaxi stöðugt á skjálftamælinum á Grímsfjalli, sem bendi til þess að rennsli sé enn að aukast úr Vötnunum. Áfram er gert ráð fyrir því að jökulhlaupið nái hámarki í Grímsvötnum um eða fljótlega eftir helgina og í Gígjukvísl 1-2 sólarhringum síðar.

Grímsvötn Eldgos og jarðhræringar
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið