Innlent

Sjá merki um ó­róa

Oddur Ævar Gunnarsson skrifar
Yfir Grímsvötnum og Skeiðarársandi.
Yfir Grímsvötnum og Skeiðarársandi. Vísir/RAX

Vísbendingar eru um að jökulhlaup sé hafið í Grímsvötnum. Náttúruvársérfræðingar fylgjast með stöðunni en þeir hafa í morgun séð merki um hlaupóróa.

Þetta segir Sigríður Kristinsdóttir, náttúruvásérfræðingur í samtali við Vísi. Nokkuð öflugur skjálfti reið yfir Grímsvötn í morgun en upptök hans voru um þrjá og hálfan kílómetra norðaustur af Grímsfjalli í Vatnajökli.

Hann mældist 4,3 að stærð og átti upptök sín á um 100 metra dýpi tveimur kílómetrum norðaustur af Grímsfjalli. Dæmi eru um það á síðustu árum að eldgos hefjist í eldstöðinni í Grímsvötnum í kjölfar jökulhlaupa.

„Það eru merki um að við séum að sjá hlaupóróa, við sjáum það á skjálftamælum uppi á Grímsfjalli. Við erum að fylgjast með hvort vatnshæðin hækki í Gígjukvísl. Ef þetta er komið vel af stað þá nær þetta hámarki um helgina,“ segir Sigríður.

Grímsvötn Eldgos og jarðhræringar
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið