Innlent

Skerða kvöldsundið um helgar í öllum laugum borgarinnar

Kristín Ólafsdóttir skrifar
Frá Laugardalslaug.
Frá Laugardalslaug. Vísir/vilhelm

Opnunartími allra sundlauga í Reykjavík verður styttur um klukkutíma um helgar frá og með 1. apríl næstkomandi. Stjórnendum lauganna var tilkynnt um breytinguna í dag. 

Þær sundlaugar borgarinnar sem staðið hafa opnar til 22 á kvöldin verður þannig lokað klukkan 21 á laugardögum og sunnudögum. Eins og áður segir tekur breytingin gildi næsta vor, 1. apríl. Opnunartímar á virkum kvöldum, sem og föstudagskvöldum, verða óbreyttir.

Eiríkur Björn Björgvinsson sviðsstjóri menningar- og tómstundasviðs Reykjavíkurborgar, sem sundlaugarnar heyra undir, segir í samtali við fréttastofu að opnunartíminn verði styttur samkvæmt niðurskurðarkröfu. 

Opnunartími sundlauganna var talsvert skertur nú um hátíðarnar frá því sem verið hefur síðustu ár. Skerðingin er liður í hagræðingaraðgerðum sem kynntar voru í nóvember í fyrra. 

Sundlaugar Reykjavík
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið