Brot af því besta úr Kryddsíldinni: „Þú ert sjálfur dóni, Davíð“ Boði Logason skrifar 30. desember 2023 07:01 Kryddsíld verður á dagskrá á morgun klukkan 14:00 í beinni útsendingu á Stöð 2. Kryddsíld verður á dagskrá Stöðvar 2 klukkan 14:00 á gamlársdag, líkt og síðustu 33 ár. Hægt verður að kaupa stakan þátt fyrir þá sem ekki eru áskrifendur Stöðvar 2. Umsjónarmenn þáttarins eru ritstjóri og fréttastjóri fréttastofu Stöðvar 2, Vísis og Bylgjunnar, þau Erla Björg Gunnarsdóttir og Kolbeinn Tumi Daðason. Telma Tómasson er gestgjafi þáttarins. „Við erum mjög spennt að bjóða landsmönnum upp á líflegar umræður á gamlársdag eins og síðustu 32 ár. Við ræðum skandala og sigra í pólitíkinni, skoðum nýja könnun sem Maskína gerði fyrir fréttastofu og fáum viðbrögð stjórnmálaleiðtoganna við henni. Það getur auðvitað allt gerst í beinni útsendingu og það gerir Kryddsíldina svona vel kryddaða,“ segir Erla Björg. „Sú breyting verður á dagskránni í ár að hægt verður að kaupa aðgang að Kryddsíldinni, því geta þeir sem eru ekki áskrifendur Stöðvar 2 verið með okkur fyrir 1.490 krónur. Hægt verður að kaupa aðgang á heimasíðu Stöðvar 2 eða í myndlyklinum,“ segir Kristín Kristinsdóttir, framleiðslustjóri fréttastofunnar. Hægt er að kaupa aðgang að Kryddsíldinni hér. Kryddsíldin verður á dagskrá á milli klukkan 14 og 16 á morgun, gamlársdag. Vísir tók saman nokkur eftirminnileg augnablik úr Kryddsíldum síðustu þriggja áratuga. „Össur, þú ert bara dóni. Þú ert sjálfur dóni, Davíð“ Árið 2002 sauð upp úr á milli Össurar Skarphéðinssonar, sem þá var formaður Samfylkingarinnar, og Davíðs Oddssonar, þáverandi forsætisráðherra. „Þú ert bara dóni,“ eru eflaust ein þekktustu ummælin sem fallið hafa í Kryddsíldinni. Í klippunni hér að neðan má sjá brot af því besta þegar Kryddsíldin hélt upp á 25 ára afmæli árið 2015. Mörg ansi skemmtileg augnablik. Þar á meðal orðaskak Davíðs og Össurar og einnig augnablikið þegar útsendingu var hætt á þættinum vegna mótmæla árið 2008. Inga Sæland treysti sér ekki Inga Sæland, formaður Flokks fólksins, tilkynnti á gamlársdag árið 2021 að hún yrði ekki með í Kryddsíldinni í ljósi mikillar útbreiðslu Covid-19 í samfélaginu. Þórdís Kolbrún Reykfjörð Gylfadóttir, varaformaður Sjálfstæðisflokksins, hafði þá nýlokið við einangrun vegna smits. „Það getur hver sem er keypt banka“ Árið 2009 var eflaust eitt það eftirminnilegasta á þessari öld. Árið byrjaði með mótmælum á Austurvelli og ráðamenn þjóðarinnar voru áberandi í umræðunni. Hér má sjá Gullkorn ársins 2009 sem voru sýnd í Kryddsíldinni það árið. „Ég hef aldrei talað við Bjarna, ég þekki hann ekki neitt“ Í Kryddsíldinni í fyrra voru leiðtogarnir fengnir til að hrósa hver öðrum. Björn Leví Gunnarsson hjá Pírötum sagðist aldrei hafa talað við Bjarna Benediktsson formann Sjálfstæðisflokksins. Sigmundur Davíð Gunnlaugsson, formaður Miðflokksins, hrósaði Birni Leví fyrir að þora að vera á sokkunum á Alþingi. Bergur Ebbi gerði upp árið 2014 Grínistinn Bergur Ebbi Benediktsson gerði upp árið 2014. Sýn hans á pólitíkina var ansi kómísk. Sjón er sögu ríkari. „Elín Hirst prumpaði einu sinni í lyftu og kenndi litlu barni um það“ Uppistandararnir Dóri DNA og Saga Garðarsdóttir héldu uppistand í Kryddsíldinni 2015 fyrir framan ráðamenn þjóðarinnar. Þar ræddu þau meðal annars um það hver væri fyndasti þingmaðurinn. Sigmundur Davíð og Katrín hlógu á meðan Inga Sæland hélt eldræðu Augnablikið þar sem Katrín Jakobsdóttir forsætisráðherra og Sigmundur Davíð Gunnlaugsson formaður Miðflokksins pískra sín á milli á meðan Inga Sæland fór mikinn um útlendingamál vöktu mikla athygli í Kryddsíldinni í fyrra. Gerði upp árið 2013 með lagi Saga Garðarsdóttir grínisti gerði upp árið 2013 með áhugaverðu lagi. Þar söng hún meðal annars um PISA-könnunina, að danska skyldi verða valfrjáls og biðlaði til ráðamanna um að verða betra fólk. Logi fékk staupið hennar Ingu Sæland Í miðjum umræðum árið 2018 gaf Inga Sæland, formaður Fólks fólksins, Loga Einarssyni, formanni Samfylkingarinnar, staupið sitt. „Þetta var í sjónvarpinu,“ hvíslaði Logi að Ingu. Þingmenn tóku „hú-ið“ Það þarf ekki að segja neitt um þessa klippu frá árinu 2016. Algengt að persónuupplýsingar leki úr ráðuneytum Sigmundur Davíð Gunnlaugsson, þáverandi formaður Framsóknarflokksins, fór yfir Lekamálið árið 2014. Þar sagði hann að það væri mjög algengt að persónuupplýsingar um einstaklinga leki út úr ráðuneytum. Bakvið tjöldin í Kryddsíld Og svona fer þetta allt saman fram. Skemmtilegt myndband sem sýnir vinnuna á bakvið tjöldin. Þetta skemmtilega myndband er frá undirbúningi Kryddsíldarinnar í fyrra. Enn fleiri klippur má sjá á sjónvarpssíðu Kryddsíldarinnar hér á Vísi. Kryddsíld Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Segir upp hjá RÚV og snýr sér að pólitík Innlent Viktor og Kári heltast úr lestinni Innlent Halla Hrund fremst í nýrri könnun og Katrín dottin niður í þriðja sæti Innlent Dramatík þegar tveimur var tilkynnt um ólögleg framboð Innlent Ástand hinnar látnu bar þess merki að henni hefði verið ráðinn bani Innlent Ætlaði að ganga frá álverinu og upp á Keflavíkurflugvöll Innlent Forsetavaktin 2024: Hver verður sjöundi forseti lýðveldisins? Innlent Guðrún á Glitstöðum segir vaðið yfir vilja almennings Innlent Helmingurinn af búslóðinni í ruslið Innlent Ók blindfullur við Grímsvötn og hótaði að drepa alla Innlent Fleiri fréttir Boða verkfallsaðgerðir á Keflavíkurflugvelli í maí Kjörinn heiðursmeðlimur í bandarísku lista- og vísindaakademíuna Guðrún á Glitstöðum segir vaðið yfir vilja almennings Helmingurinn af búslóðinni í ruslið Fyrstu tilnefningar til Vigdísarverðlauna Evrópuráðsþingsins kynntar á Alþingi Segir upp hjá RÚV og snýr sér að pólitík Ellefu verða í framboði til embættis forseta Íslands Landlæknir fer með ákvörðun Persónuverndar fyrir dóm Stór hópur fanga sem ekki treystir stofnunum Viktor og Kári heltast úr lestinni Ástand hinnar látnu bar þess merki að henni hefði verið ráðinn bani Dramatík þegar tveimur var tilkynnt um ólögleg framboð Best ef forseti hefur ekki verið í stjórnmálastarfi Ráðherra kynnir nýtt mælaborð farsældar barna Skjálfti við Bláfjöll í morgun og óbreytt við Sundhnúk Ætlaði að ganga frá álverinu og upp á Keflavíkurflugvöll Halla Hrund fremst í nýrri könnun og Katrín dottin niður í þriðja sæti Vopnuð rán tíðari en fólk gerir sér grein fyrir Óttast að saga slökkviliða á Íslandi glatist Plokkdagurinn mikli haldinn hátíðlegur um land allt Á ofsahraða undir áhrifum fíkniefna Efnahagsstefnan sé að ýta fólki í verðtryggð lán Ók blindfullur við Grímsvötn og hótaði að drepa alla Langt í að þeir nái sér að fullu Lögregla með eftirför í Vogahverfi Íslandsferðin sem breyttist í martröð Fundu hræ fimm hvolpa í Mosfellsbæ Fengu aðstoð sérsveitar og Gæslunnar við handtöku við Grímsvötn Sigurvin dró smábát í land Vill að fréttastofa RÚV biðji Maríu Sigrúnu afsökunar Sjá meira
Umsjónarmenn þáttarins eru ritstjóri og fréttastjóri fréttastofu Stöðvar 2, Vísis og Bylgjunnar, þau Erla Björg Gunnarsdóttir og Kolbeinn Tumi Daðason. Telma Tómasson er gestgjafi þáttarins. „Við erum mjög spennt að bjóða landsmönnum upp á líflegar umræður á gamlársdag eins og síðustu 32 ár. Við ræðum skandala og sigra í pólitíkinni, skoðum nýja könnun sem Maskína gerði fyrir fréttastofu og fáum viðbrögð stjórnmálaleiðtoganna við henni. Það getur auðvitað allt gerst í beinni útsendingu og það gerir Kryddsíldina svona vel kryddaða,“ segir Erla Björg. „Sú breyting verður á dagskránni í ár að hægt verður að kaupa aðgang að Kryddsíldinni, því geta þeir sem eru ekki áskrifendur Stöðvar 2 verið með okkur fyrir 1.490 krónur. Hægt verður að kaupa aðgang á heimasíðu Stöðvar 2 eða í myndlyklinum,“ segir Kristín Kristinsdóttir, framleiðslustjóri fréttastofunnar. Hægt er að kaupa aðgang að Kryddsíldinni hér. Kryddsíldin verður á dagskrá á milli klukkan 14 og 16 á morgun, gamlársdag. Vísir tók saman nokkur eftirminnileg augnablik úr Kryddsíldum síðustu þriggja áratuga. „Össur, þú ert bara dóni. Þú ert sjálfur dóni, Davíð“ Árið 2002 sauð upp úr á milli Össurar Skarphéðinssonar, sem þá var formaður Samfylkingarinnar, og Davíðs Oddssonar, þáverandi forsætisráðherra. „Þú ert bara dóni,“ eru eflaust ein þekktustu ummælin sem fallið hafa í Kryddsíldinni. Í klippunni hér að neðan má sjá brot af því besta þegar Kryddsíldin hélt upp á 25 ára afmæli árið 2015. Mörg ansi skemmtileg augnablik. Þar á meðal orðaskak Davíðs og Össurar og einnig augnablikið þegar útsendingu var hætt á þættinum vegna mótmæla árið 2008. Inga Sæland treysti sér ekki Inga Sæland, formaður Flokks fólksins, tilkynnti á gamlársdag árið 2021 að hún yrði ekki með í Kryddsíldinni í ljósi mikillar útbreiðslu Covid-19 í samfélaginu. Þórdís Kolbrún Reykfjörð Gylfadóttir, varaformaður Sjálfstæðisflokksins, hafði þá nýlokið við einangrun vegna smits. „Það getur hver sem er keypt banka“ Árið 2009 var eflaust eitt það eftirminnilegasta á þessari öld. Árið byrjaði með mótmælum á Austurvelli og ráðamenn þjóðarinnar voru áberandi í umræðunni. Hér má sjá Gullkorn ársins 2009 sem voru sýnd í Kryddsíldinni það árið. „Ég hef aldrei talað við Bjarna, ég þekki hann ekki neitt“ Í Kryddsíldinni í fyrra voru leiðtogarnir fengnir til að hrósa hver öðrum. Björn Leví Gunnarsson hjá Pírötum sagðist aldrei hafa talað við Bjarna Benediktsson formann Sjálfstæðisflokksins. Sigmundur Davíð Gunnlaugsson, formaður Miðflokksins, hrósaði Birni Leví fyrir að þora að vera á sokkunum á Alþingi. Bergur Ebbi gerði upp árið 2014 Grínistinn Bergur Ebbi Benediktsson gerði upp árið 2014. Sýn hans á pólitíkina var ansi kómísk. Sjón er sögu ríkari. „Elín Hirst prumpaði einu sinni í lyftu og kenndi litlu barni um það“ Uppistandararnir Dóri DNA og Saga Garðarsdóttir héldu uppistand í Kryddsíldinni 2015 fyrir framan ráðamenn þjóðarinnar. Þar ræddu þau meðal annars um það hver væri fyndasti þingmaðurinn. Sigmundur Davíð og Katrín hlógu á meðan Inga Sæland hélt eldræðu Augnablikið þar sem Katrín Jakobsdóttir forsætisráðherra og Sigmundur Davíð Gunnlaugsson formaður Miðflokksins pískra sín á milli á meðan Inga Sæland fór mikinn um útlendingamál vöktu mikla athygli í Kryddsíldinni í fyrra. Gerði upp árið 2013 með lagi Saga Garðarsdóttir grínisti gerði upp árið 2013 með áhugaverðu lagi. Þar söng hún meðal annars um PISA-könnunina, að danska skyldi verða valfrjáls og biðlaði til ráðamanna um að verða betra fólk. Logi fékk staupið hennar Ingu Sæland Í miðjum umræðum árið 2018 gaf Inga Sæland, formaður Fólks fólksins, Loga Einarssyni, formanni Samfylkingarinnar, staupið sitt. „Þetta var í sjónvarpinu,“ hvíslaði Logi að Ingu. Þingmenn tóku „hú-ið“ Það þarf ekki að segja neitt um þessa klippu frá árinu 2016. Algengt að persónuupplýsingar leki úr ráðuneytum Sigmundur Davíð Gunnlaugsson, þáverandi formaður Framsóknarflokksins, fór yfir Lekamálið árið 2014. Þar sagði hann að það væri mjög algengt að persónuupplýsingar um einstaklinga leki út úr ráðuneytum. Bakvið tjöldin í Kryddsíld Og svona fer þetta allt saman fram. Skemmtilegt myndband sem sýnir vinnuna á bakvið tjöldin. Þetta skemmtilega myndband er frá undirbúningi Kryddsíldarinnar í fyrra. Enn fleiri klippur má sjá á sjónvarpssíðu Kryddsíldarinnar hér á Vísi.
Kryddsíld Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Segir upp hjá RÚV og snýr sér að pólitík Innlent Viktor og Kári heltast úr lestinni Innlent Halla Hrund fremst í nýrri könnun og Katrín dottin niður í þriðja sæti Innlent Dramatík þegar tveimur var tilkynnt um ólögleg framboð Innlent Ástand hinnar látnu bar þess merki að henni hefði verið ráðinn bani Innlent Ætlaði að ganga frá álverinu og upp á Keflavíkurflugvöll Innlent Forsetavaktin 2024: Hver verður sjöundi forseti lýðveldisins? Innlent Guðrún á Glitstöðum segir vaðið yfir vilja almennings Innlent Helmingurinn af búslóðinni í ruslið Innlent Ók blindfullur við Grímsvötn og hótaði að drepa alla Innlent Fleiri fréttir Boða verkfallsaðgerðir á Keflavíkurflugvelli í maí Kjörinn heiðursmeðlimur í bandarísku lista- og vísindaakademíuna Guðrún á Glitstöðum segir vaðið yfir vilja almennings Helmingurinn af búslóðinni í ruslið Fyrstu tilnefningar til Vigdísarverðlauna Evrópuráðsþingsins kynntar á Alþingi Segir upp hjá RÚV og snýr sér að pólitík Ellefu verða í framboði til embættis forseta Íslands Landlæknir fer með ákvörðun Persónuverndar fyrir dóm Stór hópur fanga sem ekki treystir stofnunum Viktor og Kári heltast úr lestinni Ástand hinnar látnu bar þess merki að henni hefði verið ráðinn bani Dramatík þegar tveimur var tilkynnt um ólögleg framboð Best ef forseti hefur ekki verið í stjórnmálastarfi Ráðherra kynnir nýtt mælaborð farsældar barna Skjálfti við Bláfjöll í morgun og óbreytt við Sundhnúk Ætlaði að ganga frá álverinu og upp á Keflavíkurflugvöll Halla Hrund fremst í nýrri könnun og Katrín dottin niður í þriðja sæti Vopnuð rán tíðari en fólk gerir sér grein fyrir Óttast að saga slökkviliða á Íslandi glatist Plokkdagurinn mikli haldinn hátíðlegur um land allt Á ofsahraða undir áhrifum fíkniefna Efnahagsstefnan sé að ýta fólki í verðtryggð lán Ók blindfullur við Grímsvötn og hótaði að drepa alla Langt í að þeir nái sér að fullu Lögregla með eftirför í Vogahverfi Íslandsferðin sem breyttist í martröð Fundu hræ fimm hvolpa í Mosfellsbæ Fengu aðstoð sérsveitar og Gæslunnar við handtöku við Grímsvötn Sigurvin dró smábát í land Vill að fréttastofa RÚV biðji Maríu Sigrúnu afsökunar Sjá meira