Yfirgefur Magdeburg í sumar: „Þeir vildu hafa mig áfram“ Hjörtur Leó Guðjónsson skrifar 25. desember 2023 12:46 Janus Daði Smárason gengur í raðir ungverska liðsins Pick Szeged frá Magdeburg í sumar. Vísir/Getty Janus Daði Smárason mun ganga til liðs við ungverska liðið Pick Szeged næsta sumar frá Evrópumeisturum Magdeburg. Á Þorláksmessu var greint frá því að Janus Daði myndi ganga til liðs við Pick Szeged næsta sumar, aðeins ári eftir að hann gekk í raðir Magdeburg. Janus var fenginn til liðs við Evrópumeistarana frá Kolstad í kjölfar þess að Gísli Þorgeir Kristjánsson meiddist og fjárhagsvandræði Kolstad urðu til þess að auðvalt reyndist fyrir Magdeburg að sækja íslenska landsliðsmanninn. „Ég skrifaði undir tveggja ára samning og aðdragandinn að þessu er búinn að vera þannig að ég náttúrulega skipti um lið síðasta sumar og skrifaði þá bara undir eins árs samning þannig ég þurfti auðvitað að vera undirbúinn fyrir það hvað ég myndi gera næsta sumar,“ sagði Janus. „Eftir að hafa hugsað þetta vel og lengi þá bara endar þetta þarna.“ Markmiðið úrslitahelgi Meistaradeildarinnar Eins og áður segir gekk Janus í raðir Magdeburg frá norska liðinu Kolstad síðastliðið sumar, en hann hefur einnig spilað með liðum á borð við Aalborg í Danmörku og Göppingen í Þýskalandi. Hann segir að þrátt fyrir örlítil vandræði Pick Szeged undanfarið sé þetta lið sem eigi heima meðal þeirra bestu. „Þeir urðu náttúrulega ungverskir meistarar 2018, 2021 og 2022, en eftir það er þetta búið að fara aðeins niður á við. Það eru margir að fara í sumar og það er svolítið verið að skipta út. Það er verið að yngja aðeins upp og gera þetta aðeins ferskara, svipað og Telekom Veszprém hefur gert.“ „En það er tiltölulega nýlega búið að byggja glæsilega höll þarna og áhuginn er mikill. Þetta lið er búið að vera á toppnum í Ungverjalandi ásamt Veszprém síðustu ár. Markmiðið þarna er að vera í þessari Final 4 helgi í Meistaradeildinni. Svo er auvitað mikill innbyrðis rígur við Veszprém heima fyrir,“ sagði Janus. Fékk boð um að vera áfram Eftir nokkrar vikur af töluverðri bekkjarsetu hefur Janus komið sterkur inn í lið Magdeburg þar sem hann hefur fengið meiri spiltíma sem hefur skilað sér í sterkri frammistöðu fyrir liðið. Hann segir að auðvitað hafi hann hugsað um það að reyna að berjast um miðjumannsstöðuna við Gísla Þorgeir nú þegar hann er að snúa aftur úr meiðslum, en upprunalega planið hafi alltaf verið að taka eitt ár hjá Magdeburg og skoða svo möguleikana í kringum sig. „Upprunalega var það nú planið. En það er auðvitað mikil um meiðsli hjá okkur og svona þannig maður hefur fengið að spila mikið og það gengur vel,“ sagði Janus. Janus Daði hefur fengið stærra og stærra hlutverk hjá Magdeburg undir stjórn Bennet Wieger.Vísir/Getty „Ég átti samræður við klúbbinn hérna úti og þeir vildu hafa mig áfram. En ég hefði viljað græja framtíð mína í október eða eitthvað svoleiðis þess vegna upp á að hafa smá öryggi. Þess vegna er þetta búið að taka svolítinn tíma og á endanum ákvað ég að þetta væri það besta í stöðunni fyrir mig. Ég er auðvitað spenntur, en á sama tíma er strembið hálft ár framundan.“ „Við erum að spila um alla titla og það gengur vel þannig ég er mjög spenntur fyrir komandi mánuðum með Magdeburg.“ Allir titlarnir í boði Eins og Janus segir er hálft tímabil eftir með Magdeburg áður en hann rær á önnur mið og heldur til Ungverjalands. Liðið hefur nú þegar tryggt sér heimsmeistaratitil félagsliða á þessu tímabili og er enn í harðri baráttu um alla aðra titla sem í boði eru. Liðið trónir á toppi þýsku deildarinnar að 18 umferðum loknum, er komið í átta liða úrslit þýsku bikarkeppninnar og er á góðri leið með að tryggja sér beint sæti í átta liða úrslitum Meistaradeildar Evrópu, þar sem Magdeburg á titil að verja. „Það væri náttúrulega draumastaða að ná að tékka allt af hérna í Þýskalandi. Meistaradeildin er alltaf Meistaradeildin. Við teljum okkur vera með lið sem á að geta keppt um allt.“ „En svo hefur það oft sýnt sig í þýsku deildinni að þú mátt hvergi misstíga þig. Það er oft stutt á milli og við sjáum það bara með hin toppliðin sem hafa verið að lenda í því að kasta frá sér stigum.“ „En klúbbur eins og Magdeburg, sem undanfarin kannski fjögur ár hefur tekið mikið stökk og verið í mikilli þróun, er bara búinn að stimpla sig inn sem eitt sterkasta lið í heiminum. Þegar það er þannig er bara stefnt fulla ferð á alla titlana. Ekki spurning,“ sagði Janus að lokum. Þýski handboltinn Ungverski handboltinn Mest lesið Vinkonur ósáttar við ákvörðun Söru: „Við töluðumst ekki við í smátíma“ Fótbolti Sjáðu magnaðar myndir úr klefa Stjörnumanna Körfubolti Þjálfari Íslendingaliðsins hné niður í úrslitaleiknum Handbolti Þeir bestu (8.-7. sæti): Markamaskínur frá Dalvík og Danmörku Íslenski boltinn Uppgjörið: Tindastóll - Stjarnan 77-82 | Stjarnan er Íslandsmeistari Körfubolti Fernandes tilbúinn að fara ef United vill græða á honum Enski boltinn Dræm mæting á fyrsta leik hafi verið Valsliðinu áfall Handbolti Voru með 0,2 prósent sigurlíkur þegar þrjár mínútur voru eftir en unnu samt Körfubolti „Þakka Guði fyrir að leyfa mér að upplifa þetta“ Körfubolti „Körfuboltaguðirnir voru búnir að ákveða“ Körfubolti Fleiri fréttir Trúlofað par tekið inn í FH fjölskylduna Dræm mæting á fyrsta leik hafi verið Valsliðinu áfall Þjálfari Íslendingaliðsins hné niður í úrslitaleiknum Kolstad kláraði úrslitaeinvígið Baldur mátaði sig við þá bestu og setur stefnuna á toppinn Uppgjörið: Valur - Haukar 30-28 (1-0) | Engin þynnka í Evrópumeisturunum „Að besta dómarapar Íslands sitji upp í stúku finnst mér ansi skrýtið“ „Það er kúnst að leggja þetta til hliðar og byrja að fókusa“ Samgleðst vinkonum í Val sem eru vonandi þunnar „Ótrúlegt að við höfum unnið þennan leik“ Ómar Ingi hélt upp á framlengingu á samningi með stórleik Uppgjörið: Fram - Valur 27-26 | Fram einum sigri frá Íslandsmeistaratitlinum Framarar fengu drjúgan tíma til að sóla sig um helgina Dagur bikarmeistari eftir maraþon vítakeppni Sigur hjá Kolstad í fyrsta leik úrslitanna Óðinn markahæstur í fyrsta leik úrslitaeinvígisins Löggan óskaði Hildigunni til hamingju Mögnuð stemmning þegar Valskonur tryggðu sér Evrópubikarinn Sýning hjá Viktori Gísla í stórsigri Wisla Plock „Ég ætla að leyfa stelpunum að njóta í kvöld“ Uppgjörið: Valur - Porrino 25-24 | Valskonur Evrópumeistarar fyrstar kvennaliða Táraðist vegna ólýsanlegrar gleði „Ég byrjaði bara að gráta, ég réði ekki við neitt“ Arnór stýrði sínum mönnum í undanúrslit „Orðið sem ég nota er forréttindapési“ Elvar í aðalhlutverki þegar Melsungen tók stórt skref í titilslagnum „Ég get ekki beðið“ Stærsti íþróttaviðburður sem fram hafi farið hér á landi Svona var blaðamannafundur Vals fyrir seinni úrslitaleikinn „Í lokin snýst þetta alltaf um okkur sjálfa“ Sjá meira
Á Þorláksmessu var greint frá því að Janus Daði myndi ganga til liðs við Pick Szeged næsta sumar, aðeins ári eftir að hann gekk í raðir Magdeburg. Janus var fenginn til liðs við Evrópumeistarana frá Kolstad í kjölfar þess að Gísli Þorgeir Kristjánsson meiddist og fjárhagsvandræði Kolstad urðu til þess að auðvalt reyndist fyrir Magdeburg að sækja íslenska landsliðsmanninn. „Ég skrifaði undir tveggja ára samning og aðdragandinn að þessu er búinn að vera þannig að ég náttúrulega skipti um lið síðasta sumar og skrifaði þá bara undir eins árs samning þannig ég þurfti auðvitað að vera undirbúinn fyrir það hvað ég myndi gera næsta sumar,“ sagði Janus. „Eftir að hafa hugsað þetta vel og lengi þá bara endar þetta þarna.“ Markmiðið úrslitahelgi Meistaradeildarinnar Eins og áður segir gekk Janus í raðir Magdeburg frá norska liðinu Kolstad síðastliðið sumar, en hann hefur einnig spilað með liðum á borð við Aalborg í Danmörku og Göppingen í Þýskalandi. Hann segir að þrátt fyrir örlítil vandræði Pick Szeged undanfarið sé þetta lið sem eigi heima meðal þeirra bestu. „Þeir urðu náttúrulega ungverskir meistarar 2018, 2021 og 2022, en eftir það er þetta búið að fara aðeins niður á við. Það eru margir að fara í sumar og það er svolítið verið að skipta út. Það er verið að yngja aðeins upp og gera þetta aðeins ferskara, svipað og Telekom Veszprém hefur gert.“ „En það er tiltölulega nýlega búið að byggja glæsilega höll þarna og áhuginn er mikill. Þetta lið er búið að vera á toppnum í Ungverjalandi ásamt Veszprém síðustu ár. Markmiðið þarna er að vera í þessari Final 4 helgi í Meistaradeildinni. Svo er auvitað mikill innbyrðis rígur við Veszprém heima fyrir,“ sagði Janus. Fékk boð um að vera áfram Eftir nokkrar vikur af töluverðri bekkjarsetu hefur Janus komið sterkur inn í lið Magdeburg þar sem hann hefur fengið meiri spiltíma sem hefur skilað sér í sterkri frammistöðu fyrir liðið. Hann segir að auðvitað hafi hann hugsað um það að reyna að berjast um miðjumannsstöðuna við Gísla Þorgeir nú þegar hann er að snúa aftur úr meiðslum, en upprunalega planið hafi alltaf verið að taka eitt ár hjá Magdeburg og skoða svo möguleikana í kringum sig. „Upprunalega var það nú planið. En það er auðvitað mikil um meiðsli hjá okkur og svona þannig maður hefur fengið að spila mikið og það gengur vel,“ sagði Janus. Janus Daði hefur fengið stærra og stærra hlutverk hjá Magdeburg undir stjórn Bennet Wieger.Vísir/Getty „Ég átti samræður við klúbbinn hérna úti og þeir vildu hafa mig áfram. En ég hefði viljað græja framtíð mína í október eða eitthvað svoleiðis þess vegna upp á að hafa smá öryggi. Þess vegna er þetta búið að taka svolítinn tíma og á endanum ákvað ég að þetta væri það besta í stöðunni fyrir mig. Ég er auðvitað spenntur, en á sama tíma er strembið hálft ár framundan.“ „Við erum að spila um alla titla og það gengur vel þannig ég er mjög spenntur fyrir komandi mánuðum með Magdeburg.“ Allir titlarnir í boði Eins og Janus segir er hálft tímabil eftir með Magdeburg áður en hann rær á önnur mið og heldur til Ungverjalands. Liðið hefur nú þegar tryggt sér heimsmeistaratitil félagsliða á þessu tímabili og er enn í harðri baráttu um alla aðra titla sem í boði eru. Liðið trónir á toppi þýsku deildarinnar að 18 umferðum loknum, er komið í átta liða úrslit þýsku bikarkeppninnar og er á góðri leið með að tryggja sér beint sæti í átta liða úrslitum Meistaradeildar Evrópu, þar sem Magdeburg á titil að verja. „Það væri náttúrulega draumastaða að ná að tékka allt af hérna í Þýskalandi. Meistaradeildin er alltaf Meistaradeildin. Við teljum okkur vera með lið sem á að geta keppt um allt.“ „En svo hefur það oft sýnt sig í þýsku deildinni að þú mátt hvergi misstíga þig. Það er oft stutt á milli og við sjáum það bara með hin toppliðin sem hafa verið að lenda í því að kasta frá sér stigum.“ „En klúbbur eins og Magdeburg, sem undanfarin kannski fjögur ár hefur tekið mikið stökk og verið í mikilli þróun, er bara búinn að stimpla sig inn sem eitt sterkasta lið í heiminum. Þegar það er þannig er bara stefnt fulla ferð á alla titlana. Ekki spurning,“ sagði Janus að lokum.
Þýski handboltinn Ungverski handboltinn Mest lesið Vinkonur ósáttar við ákvörðun Söru: „Við töluðumst ekki við í smátíma“ Fótbolti Sjáðu magnaðar myndir úr klefa Stjörnumanna Körfubolti Þjálfari Íslendingaliðsins hné niður í úrslitaleiknum Handbolti Þeir bestu (8.-7. sæti): Markamaskínur frá Dalvík og Danmörku Íslenski boltinn Uppgjörið: Tindastóll - Stjarnan 77-82 | Stjarnan er Íslandsmeistari Körfubolti Fernandes tilbúinn að fara ef United vill græða á honum Enski boltinn Dræm mæting á fyrsta leik hafi verið Valsliðinu áfall Handbolti Voru með 0,2 prósent sigurlíkur þegar þrjár mínútur voru eftir en unnu samt Körfubolti „Þakka Guði fyrir að leyfa mér að upplifa þetta“ Körfubolti „Körfuboltaguðirnir voru búnir að ákveða“ Körfubolti Fleiri fréttir Trúlofað par tekið inn í FH fjölskylduna Dræm mæting á fyrsta leik hafi verið Valsliðinu áfall Þjálfari Íslendingaliðsins hné niður í úrslitaleiknum Kolstad kláraði úrslitaeinvígið Baldur mátaði sig við þá bestu og setur stefnuna á toppinn Uppgjörið: Valur - Haukar 30-28 (1-0) | Engin þynnka í Evrópumeisturunum „Að besta dómarapar Íslands sitji upp í stúku finnst mér ansi skrýtið“ „Það er kúnst að leggja þetta til hliðar og byrja að fókusa“ Samgleðst vinkonum í Val sem eru vonandi þunnar „Ótrúlegt að við höfum unnið þennan leik“ Ómar Ingi hélt upp á framlengingu á samningi með stórleik Uppgjörið: Fram - Valur 27-26 | Fram einum sigri frá Íslandsmeistaratitlinum Framarar fengu drjúgan tíma til að sóla sig um helgina Dagur bikarmeistari eftir maraþon vítakeppni Sigur hjá Kolstad í fyrsta leik úrslitanna Óðinn markahæstur í fyrsta leik úrslitaeinvígisins Löggan óskaði Hildigunni til hamingju Mögnuð stemmning þegar Valskonur tryggðu sér Evrópubikarinn Sýning hjá Viktori Gísla í stórsigri Wisla Plock „Ég ætla að leyfa stelpunum að njóta í kvöld“ Uppgjörið: Valur - Porrino 25-24 | Valskonur Evrópumeistarar fyrstar kvennaliða Táraðist vegna ólýsanlegrar gleði „Ég byrjaði bara að gráta, ég réði ekki við neitt“ Arnór stýrði sínum mönnum í undanúrslit „Orðið sem ég nota er forréttindapési“ Elvar í aðalhlutverki þegar Melsungen tók stórt skref í titilslagnum „Ég get ekki beðið“ Stærsti íþróttaviðburður sem fram hafi farið hér á landi Svona var blaðamannafundur Vals fyrir seinni úrslitaleikinn „Í lokin snýst þetta alltaf um okkur sjálfa“ Sjá meira