Erlent

Þjóðar­sorg í Tékk­landi vegna skotaárásarinnar

Telma Tómasson skrifar
Fólk kveikir á kertum fyrir utan bygginguna þar sem skotárásin átti sér stað.
Fólk kveikir á kertum fyrir utan bygginguna þar sem skotárásin átti sér stað. AP/Petr David Josek

Stjórnvöld í Tékklandi hafa lýst yfir degi þjóðarsorgar á morgun vegna einnar verstu fjöldaskotárásar í sögu Evrópu, þegar 24 ára byssmaður gekk berserksgang í háskóla í Prag, höfuðborg landsins, í gær og myrti 14 og særði 25, þar af 10 alvarlega.

Petr Pavel, forseti landsins, sagði þjóðina í áfalli yfir voðaverkinu og sorgina djúpa, enda hefði fjöldi fallið fyrir hendi byssumannsins að tilefnislausu. 

Gjörningsmaðurinn var skotinn til bana á vettvangi af lögreglu. 

Áður en ódæðið var framið höfðu yfirvöld fengið upplýsingar um að maðurinn væri á leið til Prag, hugsanlega til að svipta sig lífi, og höfðu rýmt aðra byggingu háskólans þar sem hann var talinn ætla að sækja fyrirlestur. 

Maðurinn lét hins vegar til skarar skríða í annarri byggingu, en ekki er vitað hvað honum gekk til. 

Allar opinberar stofnanir í landinu munu flagga í hálfa stöng á morgun, af virðingu við hin látnu.

Tékkland Erlend sakamál
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið