Innlent

Hægt hefur á landrisinu við Svarts­engi

Bjarki Sigurðsson skrifar
Bláa lónið er í Svartsengi.
Bláa lónið er í Svartsengi. Vísir/Vilhelm

Land heldur áfram að rísa við Svartsengi á Reykjanesskaga en hægt hefur á því frá því á föstudag. Enn eru taldar líkur á eldgosi á svæðinu.

Þetta kemur fram í nýrri uppfærslu á vef Veðurstofunnar. Þar segir að hraðinn á landrisinu sé engu að síður meiri en mældist fyrir 10. nóvember þegar Grindavíkurbær var rýmdur. 

„Á meðan að kvika heldur áfram að safnast fyrir við Svartsengi eru líkur á öðru kvikuhlaupi og einnig eldgosi. Ef til kvikuhlaups kemur er líklegast að kvikan hlaupi aftur inn í kvikuganginn sem myndaðist 10. nóvember. Líklegasti upptakastaður eldgoss er norður af Grindavík í átt að Hagafelli og svæðinu við Sundhnjúkagíga,“ segir í færslunni. 

Skjálftavirkni hefur haldist svipuð síðustu daga. Skjálftavirknin er áfram væg og er mest á svæðinu við Hagafell.

Eldgos og jarðhræringar Grindavík Eldgos á Reykjanesskaga Bláa lónið Jarðhiti
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið