Innlent

Fimm­tíu nýjar dýnur frá föngum til neyðarskýla borgarinnar

Kolbeinn Tumi Daðason skrifar
Guðmundur Ingi Þóroddsson, formaður Afstöðu, ásamt starfsfólki Njálsgötu, Páli og Stellu.
Guðmundur Ingi Þóroddsson, formaður Afstöðu, ásamt starfsfólki Njálsgötu, Páli og Stellu. Afstaða

Afstaða, félag fanga og annarra áhugamanna um bætt fangelsismál og betrun, afhenti neyðarskýlum Reykjavíkurborgar að Lindargötu og Granda, ásamt úrræði Reykjavíkurborgar á Njálsgötu, nýjar dýnur í gær.

Guðmundur Ingi, formaður Afstöðu afhenti Heiðu Björg Hilmisdóttur, formanni Velferðarráðs Reykjavíkurborgar, dýnurnar í Ráðhúsi Reykjavíkur.

Um er að ræða fimmtíu sérhannaðar dýnur, af tegund sem meðal annars eru notaðar á sjúkrahúsum, Dýnurnar eru því sérlega vel fallnar til notkunar á fyrrnefndum stöðum, þar sem skjólstæðingar Reykjavíkurborgar gista. 

„Afstaða sinnir mörgum einstaklingum sem glíma við heimilisleysi, vímuefnaraskanir og önnur félagsleg vandamál og er alltaf einhver hluti þeirra í úrræðum Reykjavíkurborgar,“ segir í tilkynningu frá Afstöðu. Landspítalanum og Sigurði Reynissyni (SÖR) er þakkað sérstaklega fyrir þeirra aðstoð.

„Það er með mikilli ánægju og hlýhug sem Afstaða afhendir Reykjavíkurborg dýnurnar, nú þegar kuldinn og myrkrið er sem mest – en líka þegar hátíð ljóss og friðar gengur í garð.“

Fangelsismál Reykjavík Félagsmál Málefni heimilislausra
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið