Erlent

Alistair Darling látinn

Atli Ísleifsson skrifar
Alistair Darling árið 2014.
Alistair Darling árið 2014. EPA

Breski stjórnmálamaðurinn Alistair Darling, sem var fjármálaráðherra í ríkisstjórn Gordon Brown í fjármálakreppunni 2008, er látinn. Hann varð sjötugur að aldri.  

Talsmaður fjölskyldu Darling segja hann hafa andast á sjúkrahúsi eftir stutt veikindi. 

Eftir stórsigur Verkamannaflokksins í þingkosnungum 1997 átti Darling eftir að sitja í ríkisstjórnum Tony Blair og síðar Gordon Brown í þrettán ár. 

Darling gegndi embætti fjármálaráðherra árunum 2007 til 2010, á sama tíma og íslensk og bresk stjórnvöld áttu í deilunni um Icesave. 

Hann sat á þingi fyrir Edinborg á árunum 1987 til 2015. Auk þess að gegna embætti fjármálaráðherra, gegndi hann ráðherraembætti iðnaðar, Skotlandsmála, samgöngumála og lífeyrismála.

Darling barðist fyrir áframhaldandi veru Bretlands í Brexit-kosningunum árið 2016.   

Bretland Andlát Skotland
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið