Innlent

Kvöld­fréttir Stöðvar 2

Jón Þór Stefánsson skrifar
Frettastofa_2021_1080x720_05 (2)

Grindavík var rýmd í skyndi í dag þegar íbúar voru í bænum að sækja muni. Í kvöldfréttum Stöðvar 2 verður rætt við fólkið sem þurfti að drífa sig á brott og þau sem gátu sótt einhverjar nauðsynjar.

Framkvæmdir við varnargarða í Svartsengi hófust í dag. Við verðum í beinni frá Reykjanesi og ræðum við verktaka. Við verðum einnig í beinni frá samhæfingarmiðstöð almannavarna og heyrum í ríkislögreglustjóra um stöðuna.

Þá kemur Þorvaldur Þórðarson eldfjallafræðingur í settið og fer yfir það sem gengur á undir yfirborði jarðar á Reykjanesi.

Auk þess heyrum við í fjölskyldu frá Grindavík sem hefur komið sér fyrir í sumarbústað og kíkjum á heimsþing kvenleiðtoga sem fór fram í Hörpu í dag.

Í Íslandi í dag heimsækir Kristín Ólafsdóttir flugskýlið á Keflavíkurflugvelli, sem hefur í áraraðir verið sannkallað karlaríki. Hún ræðir við þrjár konur um flugvirkjastarfið og áskoranirnar sem því fylgja.

Þetta og margt fleira á samtengdum rásum Bylgjunnar og Stöðvar 2 klukkan 18:30.

Kvöldfréttir Stöðvar 2
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið