Tilkynningar til barnaverndar út af álagi í íþróttum

Lillý Valgerður Pétursdóttir skrifar 17. október 2023 13:34

Vilborg Þórarinsdóttir, forstöðumaður Barnaverndarþjónustu Eyjafjarðar, hefur um árabil starfað í barnaverndarmálum og hefur séð mál koma upp sem tengjast íþróttaiðkun barna. Vísir/Einar

Barnavernd hafa borist tilkynningar í tengslum við íþróttaiðkun barna. Flestar snúast um að verið sé að leggja of mikið álag á börnin.

Álag á börn sem æfa íþróttir getur stundum verið mikið. Í nokkrum tilfellum virðist sem fólk í kringum börnin hafi áhyggjur af því að álagið það mikið að ástæða sé til aðtilkynna það til barnaverndar.

Vilborg Þórarinsdóttir, forstöðumaður Barnaverndarþjónustu Eyjafjarðar, segir málin ekki mörg sem hafa komið á þeirra borð en að af og til á síðustu árum hafi borist tilkynningar í tengslum við íþróttaiðkun barna.

„Þá fjallar það um sem sagt að foreldrar séu að leggja of mikið á börn. Eru jafnvel þjálfarar barnanna og það kemur fram í vanlíðan.“

Þá hafi í einhverjum tilfellum, þegar tilkynningarefnið hafi verið annað, borist með athugasemdir um álag

„Varðandi íþróttaiðkun barna að það sé of mikil þjálfun eða eitthvað svoleiðis.“

Hægt er að sjá brot úr þriðja þætti af Hliðarlínunni í spilaranum hér fyrir ofan. Þátturinn í heild er á Stöð 2+.

Fjallað var um málið í þættinum Hliðarlínunni á Stöð 2 og Stöð 2 Sport í gærkvöldi þar kom meðal annars fram að dæmi séu um að börn sem þjást af verkjum taki verkjalyf líkt og íbúfen og paratabs til að komast á æfingar og til að keppa.

Samkvæmt upplýsingum frá Lyfjastofnun má hver sem er kaupa lyf. Ekki er kveðið á um nein aldurstakmörk við kaup á lyfjum hvorki í lyfjalögum né reglugerðum. Börnin geta því sjálf farið í apótek og keypt sér lyf.

Fréttastofa sendi þrettán ára strák í tvö apótek til að kaupa verkjalyf og reyndist það lítið mál fyrir hann. Á öðrum staðnum fékk hann lyf afgreidd án athugasemda en á hinum var honum bent á að borða með íbúfeni og taka ekki of mikið af því.

Anna Bryndís Blöndal lektor í lyfjafræði við Háskóla Íslands var gestur í Bítinu í morgun þar sem lyfjakaup ungmenna voru rædd. Hún segir ómögulegt að meta hversu mikið börn taki af verkjalyfjum sem seld eru í lausasölu.

„Ef þau eru að fá þessi lyf í rauninni í gegnum lausasöluna þá er í rauninni enginn aðili, enginn læknir eða heilbrigðisstarfsmaður sem að hefur yfirumsjón með notkuninni og það er kannski það sem að veldur manni áhyggjum.“

Klippa: Ómögulegt að meta hversu mikið börn taki af verkjalyfjum

Hægt er að horfa á viðtalið við Önnu Bryndísi í Bítinu hér fyrir ofan.

Hliðarlínan Börn og uppeldi Íþróttir barna Lyf Barnavernd

Tengdar fréttir

„Ég brýt á mér átta fingur af tíu“

Kona sem tók verkjalyf daglega þegar hún var barn til að geta stundað fimleika fékk magasár af verkjalyfjanotkun. Ekkert kemur í veg fyrir að börn geti sjálf keypt sér verkjalyf í apótekum.

17. október 2023 08:00

„Örugglega í hverri viku sem að við sjáum íþróttaslys“

Tannlæknar sjá slys í hverri viku á tönnum barna út frá íþróttaiðkun. Stundum getur skaðinn orðið varanlegur og haft töluverðan kostnað í för með sér.

10. október 2023 23:00

„Það þurfti að halda á mér út af vellinum“

Um sjötíu krossbandaaðgerðir voru gerðar á börnum og ungmennum hér á landi á síðasta ári. Bæklunarlæknir segir óhugnanlegt hversu algengt það sé að börn slasist við íþróttaiðkun.

10. október 2023 08:01

Börn leita til umboðsmanns barna vegna hegðunar foreldra

Umboðsmanni barna hafa borist fyrirspurnir frá börnum sem eru ósátt við hegðun foreldra sinna á íþróttamótum. Börnin upplifa oft mikla pressu frá foreldrum og vanlíðan.

3. október 2023 19:30

Himinn og haf á milli hegðunar íslenskra foreldra og sænskra

Íslenskur þjálfari segir tvennt ólíkt að fylgjast með foreldrahegðun á fótboltamótum á Íslandi og í Svíþjóð. Sænsku foreldrarnir hegði sér töluvert betur á hliðarlínunni en þar í landi séu upplýsingaskilti við hvern einasta völl þar sem minnt er á hvað sé æskileg hegðun þegar börn keppa.

3. október 2023 12:11

Veist að ungum dómurum: Þrettán ára dómari sagður til skammar fyrir félagið

Þrettán ára strákur var sagður vera íþróttafélagi sínu til skammar þegar hann dæmdi leik sex ára barna á fótboltamóti. Þá eru dæmi foreldrar hafi veist að ungmennum sem hafa verið að dæma fótboltaleiki barna.

3. október 2023 08:00

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.