Fal­legasti garður ársins er í Kópa­vogi

Undanfarna viku hafa lesendur Vísis kosið milli sex fallegra garða sem komust í úrslit og hlutu Alda og Derek 35% atkvæða en kosningu lauk á miðnætti í gær fimmtudag.

Alda og Derek búa í Hjallabrekku 6 í Kópavogi og hefur garðurinn þeirra vakið athygli fyrir gott skipuleg og fallegan gróður. Í verðlaun hljóta þau glæsilegan heitan pott frá NormX. Um er að ræða pottinn Grettislaug en hann er 1.400 lítra og tekur allt að sex manns í sæti.

Þau segjast hafa haft gaman að því að taka þátt í leiknum. „Þetta er skemmtilegt og óvænt en það hefur verið gaman að sjá hvað myndirnar og kosningin hafa vakið mikilviðbrögð,“ segja Alda og Derek.

Þau ætla þó ekki að nýta vinningin sjálf. „Við ætlum að gefa syni og tengdadóttur okkar pottinn. Þau eru með þrjú börn sem elska að busla í vatni og mun potturinn koma að góðum notum hjá þeim. Hann verður staðsettur á pallinum í bakgarðinum þeirra og það kæmi okkur ekki á óvart að þau myndu setja hann upp fyrir veturinn.“

Sigurvegarinn í leiknum hlýtur í verðlaun glæsilegan heitan pott að andvirði 285.000 kr. frá NormX. Um er að ræða pottinn Grettislaug en hann er 1.400 lítra og tekur allt að sex manns í sæti.

„Ég vil óska þeim Öldu og Derek til hamingju með sigurinn í leiknum um fallegasta garðinn 2023,“ segir Orri Stefánssonar, sölu- og verslunarstjóri NormX. „Vonandi eiga þau eftir að nýta pottinn vel og njóta margra ánægjustunda þar á komandi árum. Heitur pottur getur svo sannarlega fullkomnað fallegan garð.“

Vísir og NormX vilja þakka öllum sem tóku þátt í leiknum um fallegasta garðinn 2023 og óska um leið Öldu Möller og Derek Mundell til hamingju með sigurinn.