Innlent

Enn myndast röð í Leifs­stöð en þó ekki vegna veikinda

Hólmfríður Gísladóttir skrifar
Röð myndaðist í Leifsstöð í morgun sem náði niður stigann úr öryggisleitinni og í brottfararsalinn.
Röð myndaðist í Leifsstöð í morgun sem náði niður stigann úr öryggisleitinni og í brottfararsalinn.

Einhverjar raðir hafa myndast í öryggisleitinni í Leifsstöð á Keflavíkurflugvelli í morgun en það er ekki vegna veikinda eins og á mánudag, þegar röðin náði niður stiga og fram í brottfararsal.

Að sögn Guðjóns Helgasonar upplýsingafulltrúa Isavia hefur verið full mönnun í öryggisleitinni í allan morgun. Hann segir fimmtudaga hins vegar annasama á vellinum, líkt og mánudaga, og þá geti það gerst að það myndist röð niður stigann.

Biðtíminn hefur hins vegar ekki farið yfir 20 mínútur í morgun en viðmiðið er að 95 prósent farþega bíði aðeins um 15 mínútur að hámarki í öryggisleit. Að sögn Guðjóns hefur það verið raunin allt árið, það er að segja þar til veikindi urðu þess valdandi að undirmannað var á mánudag.

Guðjón segir um tug starfsmanna enn veika en hann viti ekki hvort um sé að ræða sömu einstaklinga eða hvort veikindin séu að breiðast út. Hins vegar hafi gengið vel að manna stöður og tafirnar í morgun séu þannig tilfallandi.

Keflavíkurflugvöllur Ferðalög Ferðamennska á Íslandi Fréttir af flugi
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið