Innlent

Hádegisfréttir Bylgjunnar

Kristín Ólafsdóttir skrifar
Hádegisfréttir verða á sínum stað klukkan tólf.
Hádegisfréttir verða á sínum stað klukkan tólf.

Minnst 830 fórust þegar gríðarlegur jarðskjálfti að stærð 6,8 reið yfir í Atlasfjöllum í Marokkó seint í gærkvöldi. Íslendingur rétt utan við Marrakesh lýsir mikilli skelfingu þegar jörð tók að hristast. Hann sé ýmsu vanur þegar kemur að jarðskjálftum en skjálftinn í gær hafi verið sá allra stærsti sem hann hafi upplifað. Við fjöllum um hamfarirnar á þessum vinsæla ferðamannastað Íslendinga í hádegisfréttum Bylgjunnar á slaginu 12.

Viðkvæmar upplýsingar sem kennari við Lágafellsskóla skrifaði um nemendur sínar fóru í dreifingu í vikunni. Formaður foreldrafélags skólans segir málið alvarlegt og vill að skólinn tryggi að atvik sem þetta komi aldrei upp aftur.

Framkvæmdastjóri Verndarsjóðs Villtra Laxastofna óttast að íslenski laxastofninn deyi út haldi laxeldi áfram í opnum sjókvíum. Í gær var staðfest að eldislax hafi fundist í að minnsta kosti ellefu ám en þeir höfðu sloppið úr sjókví Arcitc Sea Farm í Patreksfirði í síðasta mánuði.

Við segjum einnig frá bagalegri stöðu sem komin er upp á Spáni; ólífuuppskera á Spáni hefur hrunið og verð hækkað upp úr öllu valdi. Þá segjum við frá nýrri íslenskri kvikmynd sem frumsýnd verður á Selfossi á morgun, þar sem hinn „eini sanni íslenski kúreki“ er í aðalhlutverki. 

Hádegisfréttir Bylgjunnar

Mest lesið


Fleiri fréttir

Sjá meira


×

Mest lesið