Fótbolti

Bayern kom til baka gegn Gladbach

Runólfur Trausti Þórhallsson skrifar
Sigurmarkinu fagnað.
Sigurmarkinu fagnað. FC Bayern

Þýskalandsmeistarar Bayern München komu til baka og unnu nauman 2-1 sigur á Gladbach í þýsku úrvalsdeildinni í fótbolta í dag.

Bæjarar hafa byrjað tímabilið sómasamlega en lentu undir eftir hálftíma leik í dag þegar Ko Itakura kom Gladbac yfir. Reyndist það eina mark fyrri hálfleiks. Leroy Sané jafnaði metin í síðari hálfleik eftir undirbúning Joshua Kimmich.

Það var svo varamaðurinn, hinn 18 ára gamli Mathys Tel, sem skoraði sigurmarkið á 87. mínútu eftir undirbúning Kimmich. Lokatölur 1-2 og Bayern slapp með skrekkinn.

Sigurinn þýðir að Bayern er með þrjá sigra eftir þrjá leiki en er þó í 2. sæti þar sem Bayer Leverkusen er með betri markatölu. Leverkusen vann öruggan 5-1 sigur á Darmstadt í dag og er að spila frábærlega undir stjórn Xabi Alonso.

Önnur úrslit

Augsburg 2-2 Bochum

Hoffenheim 3-1 Wolfsburg

Stuttgart 5-0 Freiburg

Werder Bremen 4-0 Mainz

Fótbolti Þýski boltinn

Mest lesið


Fleiri fréttir

Sjá meira


×

Mest lesið