Ályktanir VG: Fullur stuðningur við Svandísi og engar flóttamannabúðir Hólmfríður Gísladóttir skrifar 28. ágúst 2023 09:12 Flokksráðsfundur Vinstri grænna fór fram á Flúðum um helgina. VG „Lokaðar flóttamannabúðir þar sem fólk er geymt þar til hægt er að senda það úr landi er ekki lausnin á þessari stöðu,“ segir í ályktun sem samþykkt var á flokksráðsfundi Vinstri grænna nú um helgina, um framkvæmd nýrra útlendingalaga. Á flokksráðsfundinum var meðal annars ályktað um útlendingamál, dýravelferð og auðlindir í almannaeigu. Ljóst er að margar ályktananna ganga í berhögg við stefnu samstarfsflokka VG. „Flokksráðsfundur Vinstrihreyfingarinnar – græns framboðs, haldinn á Flúðum 26.-27. ágúst 2023, mótmælir vinnubrögðum við framkvæmd nýrra útlendingalaga hvað varðar þjónustumissi þeirra, sem hlotið hafa endanlega synjun á umsókn sinni um alþjóðlega vernd, að 30 dögum liðnum,“ segir meðal annars. Framkvæmdin megi ekki verða til þess að fólk sé skilið eftir á götunni, sem sé grafalvarlegt og í hróplegu ósamræmi við það samfélag sem Íslendingar vilji búa í. Tryggja verði grundvallarmannréttindi þeirra sem missa þjónustu. Hvað dýravelferð varðar segist flokksráðsfundurinn fagna aukinni umræðu um velferð dýra og hvetja matvælaráðherra, Svandísi Svavarsdóttur, til að „taka á þeim vanda sem snýr að dýravelferðareftirliti Matvælastofnunar og efla það þannig að farið verði eftir öllum reglugerðum um velferð búfjár“. „Fundurinn telur að atvinnustarfsemi sem ekki getur staðist kröfur um velferð dýra eigi sér ekki framtíð á Íslandi,“ segir í ályktuninni en í sérstökum ályktunum um hvalveiðar og blóðmerahald er lýst yfir fullum stuðningi við ákvarðanir ráðherra í tengslum við fyrrnefnda og hvatt til endurskoðunar á síðarnefnda. Auðlindir í þjóðareign og áfengið áfram hjá ríkinu Flokksráðsfundurinn ítrekaði í ályktun mikilvægi þess að ákvæði yrði bætt við stjórnarskrána um auðlindir í þjóðareign. „Ísland byggir tilvist sína á náttúruauðlindum og það hefur aldrei verið mikilvægara að setja þá grundvallarreglu að þær séu þjóðareign, skýrar reglur gildi um mögulega nýtingu þeirra og tryggt sé að hún sé sjálfbær. Það á við um fiskinn í sjónum, orku, vatn, jarðefni á landi og á hafsbotni, ósnortna náttúru og allar aðrar þær auðlindir sem finna má í náttúru Íslands. Tryggja þarf fullt gagnsæi og jafnræði við veitingu nýtingarleyfa til takmarkaðs tíma í senn og að sanngjarn arður renni til þjóðarinnar,“ segir í ályktuninni. Þá þyrfti að tryggja almenningi á Íslandi forgang að fersku og ómenguðu vatni um alla framtíð. Það væri þjóðaröryggismál að setja lög sem tryggðu „eðlilega rýni“ á erlenda fjárfestingu, ekki síst í auðlindum eða rekstri þeim tengdum. Flokksráðsfundurinn ályktaði einnig um áfengi og forvarnir og sagði að setja þyrfti viðeigandi hömlur „gegn ásókn þeirra aðila sem sækja fast eftir því að græða sem mest á óheftri dreifingu og sölu á þessu útbreiddasta fíkni- og vímuefni hér á landi“. Þá þyrfti að standa vörð um menningarverðmæti. Menningarstarfsemi væri byggð upp á löngum tíma „en það er fljótgert að leggja hana niður og eyðileggja það sem hefur tekið áratugi eða lengur að safna og varðveita, ekki bara fyrir daginn í dag heldur til lengri tíma litið. Það eru skammsýnir ráðamenn sem fara með offorsi og eyðileggingu gegn sögunni, hún mun síðar dæma þá,“ segir í ályktun. Bankarnir og loftslagsváin Í ályktun um aðgerðir gegn loftslagsvá og hamfarahlýnun segir að brýnt sé að ná markmiðum um samdrátt í losun gróðurhúsaloftegunda og kolefnishlutleysi árið 2040. Orkuskipti séu mikilvæg en meira þurfi til. Þar er meðal annars talað um möguleikann á því að takmarka komur skemmtiferðaskipa til landsins. Þá segir að allar ákvarðanir um frekari orkunýtingu þurfi að taka á faglegum grunni þar sem hugað er að náttúruvernd. „Tryggja þarf í lögum að almenningur hafi forgang að orku og vatni og taka þarf mið af til hvers orkan er ætluð áður en tekin er ákvörðun um nýtingu hennar. Hið opinbera þarf að setja reglur til að koma í veg fyrir grænþvott sem er alþjóðlegt og stigvaxandi vandamál í öllum geirum. Þar þarf eftirlit og heimildir til að taka á slíkum málum,“ segir í ályktuninni. Flokksráðsfundurinn ályktaði einnig um nýtt fyrirkomulag á eignarhaldi ríkisins í fjármálafyrirtækjum en þar er áréttað að fullnusta þurfi ákvörðun um að leggja Bankasýslu ríkisins niður. Þá segir að ekki sé hægt að horfa framhjá ábyrgð Bankasýslunnar við söluna á hlut ríkisins í Íslandsbanka. Tryggja þurfi lýðræðislega aðkomu og ríkan skilning á þeim lögmælum sem eigi að gilda um rekstur félaga í almannaeigu hvað varðar gagnsæi, almannahagsmuni og fyrirmyndar viðskiptahætti. „Þá hvetur fundurinn til þess að þau skref sem stigin voru á síðasta kjörtímabili til að aðskilja viðskipta- og fjárfestingabankastarfsemi verði metin og tekið til skoðunar að lögfesta fullan aðskilnað.“ Hér má finna allar ályktanir flokksráðsfundarins. Vinstri græn Íslenskir bankar Orkumál Orkuskipti Dýraheilbrigði Hvalveiðar Blóðmerahald Áfengi og tóbak Flóttafólk á Íslandi Flóttamenn Ríkisstjórn Katrínar Jakobsdóttur Tengdar fréttir Hælisleitendur sem fá synjun fari í búsetuúrræði „með takmörkunum“ Flokksráð Sjálfstæðisflokksins vill að hælisleitendur sem fá synjun og eigi ekki samvinnu við yfirvöld skuli sæta vistun í búsetuúrræði með takmörkunum þar til hægt er að vísa þeim úr landi. Dómsmálráðherra hefur talað um að ferðafrelsi fólks væri skert í slíku úrræði. 28. ágúst 2023 08:55 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Svakalegt að sjá fylgisaukningu Höllu Hrundar Innlent Mennirnir tóku annan starfsmannanna hálstaki Innlent Helga lenti einnig í vandræðum Innlent Harvey Weinstein lagður inn á spítala Erlent Líklegt að það styttist í brotmörk Innlent Gefur lítið fyrir útskýringar fréttastjórans Innlent Minni lyfjanotkun og meiri vellíðan í sérstöku heilabilunarþorpi Innlent Uppgangur Höllu Hrundar fari fyrir brjóstið á „valdastéttinni“ Innlent Forsetavaktin 2024: Hver verður sjöundi forseti lýðveldisins? Innlent „Það er enginn sem verndar son okkar“ Innlent Fleiri fréttir Svakalegt að sjá fylgisaukningu Höllu Hrundar Minni lyfjanotkun og meiri vellíðan í sérstöku heilabilunarþorpi Mennirnir tóku annan starfsmannanna hálstaki Líklegt að það styttist í brotmörk Helga lenti einnig í vandræðum Eiríkur og Ástþór fá frest til að bæta við undirskriftum Hættuástand í Grindavík og æsispennandi forsetakosningar Gefur lítið fyrir útskýringar fréttastjórans Handteknir á hlaupum eftir vopnað rán í Reykjavíkurapóteki Björk varar við frumvarpi um sjókvíeldi Uppgangur Höllu Hrundar fari fyrir brjóstið á „valdastéttinni“ Mikil gleði þegar Bergur komst í mark Segir engin annarleg sjónarmið að baki ákvörðun RÚV Hraun mjakast yfir varnargarð Ný gossprunga geti opnast fyrirvaralaust á næstunni Allt að gerast í Vík í Mýrdal um helgina Stór gossprunga gæti opnast fyrirvaralaust Fylgi Höllu Hrundar ekki fast í hendi Tíu kílómetrar eftir af hundrað: Gangan miklu erfiðari en hann óraði fyrir 800 milljóna króna hreinsistöð byggð á Selfossi Sveddi sagður með tengsl við ítölsku mafíuna Vara við því að fara gangandi að gosinu Kastaði glerflösku í höfuð manns og gisti í fangaklefa „Það er enginn sem verndar son okkar“ Krefjast skýringa á brotthvarfi Maríu Sigrúnar Veisluhöld forseta séu barns síns tíma Húsráðendum tókst að ráða niðurlögum elds í þakskyggni Landsréttur komi fram við ákæruvaldið eins og lítið barn Mannasættir sem óttist ekki að standa í fæturnar Mótmælendur fengu óvæntan liðstyrk frá Hollywood Sjá meira
Á flokksráðsfundinum var meðal annars ályktað um útlendingamál, dýravelferð og auðlindir í almannaeigu. Ljóst er að margar ályktananna ganga í berhögg við stefnu samstarfsflokka VG. „Flokksráðsfundur Vinstrihreyfingarinnar – græns framboðs, haldinn á Flúðum 26.-27. ágúst 2023, mótmælir vinnubrögðum við framkvæmd nýrra útlendingalaga hvað varðar þjónustumissi þeirra, sem hlotið hafa endanlega synjun á umsókn sinni um alþjóðlega vernd, að 30 dögum liðnum,“ segir meðal annars. Framkvæmdin megi ekki verða til þess að fólk sé skilið eftir á götunni, sem sé grafalvarlegt og í hróplegu ósamræmi við það samfélag sem Íslendingar vilji búa í. Tryggja verði grundvallarmannréttindi þeirra sem missa þjónustu. Hvað dýravelferð varðar segist flokksráðsfundurinn fagna aukinni umræðu um velferð dýra og hvetja matvælaráðherra, Svandísi Svavarsdóttur, til að „taka á þeim vanda sem snýr að dýravelferðareftirliti Matvælastofnunar og efla það þannig að farið verði eftir öllum reglugerðum um velferð búfjár“. „Fundurinn telur að atvinnustarfsemi sem ekki getur staðist kröfur um velferð dýra eigi sér ekki framtíð á Íslandi,“ segir í ályktuninni en í sérstökum ályktunum um hvalveiðar og blóðmerahald er lýst yfir fullum stuðningi við ákvarðanir ráðherra í tengslum við fyrrnefnda og hvatt til endurskoðunar á síðarnefnda. Auðlindir í þjóðareign og áfengið áfram hjá ríkinu Flokksráðsfundurinn ítrekaði í ályktun mikilvægi þess að ákvæði yrði bætt við stjórnarskrána um auðlindir í þjóðareign. „Ísland byggir tilvist sína á náttúruauðlindum og það hefur aldrei verið mikilvægara að setja þá grundvallarreglu að þær séu þjóðareign, skýrar reglur gildi um mögulega nýtingu þeirra og tryggt sé að hún sé sjálfbær. Það á við um fiskinn í sjónum, orku, vatn, jarðefni á landi og á hafsbotni, ósnortna náttúru og allar aðrar þær auðlindir sem finna má í náttúru Íslands. Tryggja þarf fullt gagnsæi og jafnræði við veitingu nýtingarleyfa til takmarkaðs tíma í senn og að sanngjarn arður renni til þjóðarinnar,“ segir í ályktuninni. Þá þyrfti að tryggja almenningi á Íslandi forgang að fersku og ómenguðu vatni um alla framtíð. Það væri þjóðaröryggismál að setja lög sem tryggðu „eðlilega rýni“ á erlenda fjárfestingu, ekki síst í auðlindum eða rekstri þeim tengdum. Flokksráðsfundurinn ályktaði einnig um áfengi og forvarnir og sagði að setja þyrfti viðeigandi hömlur „gegn ásókn þeirra aðila sem sækja fast eftir því að græða sem mest á óheftri dreifingu og sölu á þessu útbreiddasta fíkni- og vímuefni hér á landi“. Þá þyrfti að standa vörð um menningarverðmæti. Menningarstarfsemi væri byggð upp á löngum tíma „en það er fljótgert að leggja hana niður og eyðileggja það sem hefur tekið áratugi eða lengur að safna og varðveita, ekki bara fyrir daginn í dag heldur til lengri tíma litið. Það eru skammsýnir ráðamenn sem fara með offorsi og eyðileggingu gegn sögunni, hún mun síðar dæma þá,“ segir í ályktun. Bankarnir og loftslagsváin Í ályktun um aðgerðir gegn loftslagsvá og hamfarahlýnun segir að brýnt sé að ná markmiðum um samdrátt í losun gróðurhúsaloftegunda og kolefnishlutleysi árið 2040. Orkuskipti séu mikilvæg en meira þurfi til. Þar er meðal annars talað um möguleikann á því að takmarka komur skemmtiferðaskipa til landsins. Þá segir að allar ákvarðanir um frekari orkunýtingu þurfi að taka á faglegum grunni þar sem hugað er að náttúruvernd. „Tryggja þarf í lögum að almenningur hafi forgang að orku og vatni og taka þarf mið af til hvers orkan er ætluð áður en tekin er ákvörðun um nýtingu hennar. Hið opinbera þarf að setja reglur til að koma í veg fyrir grænþvott sem er alþjóðlegt og stigvaxandi vandamál í öllum geirum. Þar þarf eftirlit og heimildir til að taka á slíkum málum,“ segir í ályktuninni. Flokksráðsfundurinn ályktaði einnig um nýtt fyrirkomulag á eignarhaldi ríkisins í fjármálafyrirtækjum en þar er áréttað að fullnusta þurfi ákvörðun um að leggja Bankasýslu ríkisins niður. Þá segir að ekki sé hægt að horfa framhjá ábyrgð Bankasýslunnar við söluna á hlut ríkisins í Íslandsbanka. Tryggja þurfi lýðræðislega aðkomu og ríkan skilning á þeim lögmælum sem eigi að gilda um rekstur félaga í almannaeigu hvað varðar gagnsæi, almannahagsmuni og fyrirmyndar viðskiptahætti. „Þá hvetur fundurinn til þess að þau skref sem stigin voru á síðasta kjörtímabili til að aðskilja viðskipta- og fjárfestingabankastarfsemi verði metin og tekið til skoðunar að lögfesta fullan aðskilnað.“ Hér má finna allar ályktanir flokksráðsfundarins.
Vinstri græn Íslenskir bankar Orkumál Orkuskipti Dýraheilbrigði Hvalveiðar Blóðmerahald Áfengi og tóbak Flóttafólk á Íslandi Flóttamenn Ríkisstjórn Katrínar Jakobsdóttur Tengdar fréttir Hælisleitendur sem fá synjun fari í búsetuúrræði „með takmörkunum“ Flokksráð Sjálfstæðisflokksins vill að hælisleitendur sem fá synjun og eigi ekki samvinnu við yfirvöld skuli sæta vistun í búsetuúrræði með takmörkunum þar til hægt er að vísa þeim úr landi. Dómsmálráðherra hefur talað um að ferðafrelsi fólks væri skert í slíku úrræði. 28. ágúst 2023 08:55 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Svakalegt að sjá fylgisaukningu Höllu Hrundar Innlent Mennirnir tóku annan starfsmannanna hálstaki Innlent Helga lenti einnig í vandræðum Innlent Harvey Weinstein lagður inn á spítala Erlent Líklegt að það styttist í brotmörk Innlent Gefur lítið fyrir útskýringar fréttastjórans Innlent Minni lyfjanotkun og meiri vellíðan í sérstöku heilabilunarþorpi Innlent Uppgangur Höllu Hrundar fari fyrir brjóstið á „valdastéttinni“ Innlent Forsetavaktin 2024: Hver verður sjöundi forseti lýðveldisins? Innlent „Það er enginn sem verndar son okkar“ Innlent Fleiri fréttir Svakalegt að sjá fylgisaukningu Höllu Hrundar Minni lyfjanotkun og meiri vellíðan í sérstöku heilabilunarþorpi Mennirnir tóku annan starfsmannanna hálstaki Líklegt að það styttist í brotmörk Helga lenti einnig í vandræðum Eiríkur og Ástþór fá frest til að bæta við undirskriftum Hættuástand í Grindavík og æsispennandi forsetakosningar Gefur lítið fyrir útskýringar fréttastjórans Handteknir á hlaupum eftir vopnað rán í Reykjavíkurapóteki Björk varar við frumvarpi um sjókvíeldi Uppgangur Höllu Hrundar fari fyrir brjóstið á „valdastéttinni“ Mikil gleði þegar Bergur komst í mark Segir engin annarleg sjónarmið að baki ákvörðun RÚV Hraun mjakast yfir varnargarð Ný gossprunga geti opnast fyrirvaralaust á næstunni Allt að gerast í Vík í Mýrdal um helgina Stór gossprunga gæti opnast fyrirvaralaust Fylgi Höllu Hrundar ekki fast í hendi Tíu kílómetrar eftir af hundrað: Gangan miklu erfiðari en hann óraði fyrir 800 milljóna króna hreinsistöð byggð á Selfossi Sveddi sagður með tengsl við ítölsku mafíuna Vara við því að fara gangandi að gosinu Kastaði glerflösku í höfuð manns og gisti í fangaklefa „Það er enginn sem verndar son okkar“ Krefjast skýringa á brotthvarfi Maríu Sigrúnar Veisluhöld forseta séu barns síns tíma Húsráðendum tókst að ráða niðurlögum elds í þakskyggni Landsréttur komi fram við ákæruvaldið eins og lítið barn Mannasættir sem óttist ekki að standa í fæturnar Mótmælendur fengu óvæntan liðstyrk frá Hollywood Sjá meira
Hælisleitendur sem fá synjun fari í búsetuúrræði „með takmörkunum“ Flokksráð Sjálfstæðisflokksins vill að hælisleitendur sem fá synjun og eigi ekki samvinnu við yfirvöld skuli sæta vistun í búsetuúrræði með takmörkunum þar til hægt er að vísa þeim úr landi. Dómsmálráðherra hefur talað um að ferðafrelsi fólks væri skert í slíku úrræði. 28. ágúst 2023 08:55