Erlent

Sést aftur í sand í fyrsta sinn í langan tíma

Elísabet Inga Sigurðardóttir skrifar
Um er að ræða mjög umfangsmikið verkefni sem íbúar óska eftir að fái aukinn stuðning frá stjórnvöldum.
Um er að ræða mjög umfangsmikið verkefni sem íbúar óska eftir að fái aukinn stuðning frá stjórnvöldum. AP

Tvær milljónir kílóa af rusli hafa undanfarið verið hreinsaðar af strönd í höfuðborg Sómalíu. Verkið er alfarið unnið í sjálfboðavinnu. Þar sem nú sést í rusl sást eitt sinn í fallega strönd. 

Strendur Mógadisjú, höfuðborgar Sómalíu, voru áður vel sóttar af ferðamönnum sem gerðu sér glaðan dag í sólinni. Nú sækir ekkert á ströndina nema plast, glerdósir, umbúðir, úrgangur og annað rusl.

Hópur sjálfboðaliða, sem samanstendur aðallega af háskólanemum hefur undanfarið tekið málin í sínar hendur og hreinsað strendurnar.

„Við höfum verið að hreinsa strendurnar í 87 vikur. Þetta er sjálfboðaliðastarf stúdenta, háskólakennara og annarra sómalískra þátttakenda. Ein ástæða þess að þetta unga fólk býður sig fram í þetta frábæra starf er sú að það gerir sér grein fyrir því að þetta land tilheyrir engum nema því sjálfu,“ segir sjálfboðaliðinn Maama Ugaaso.

Tiltektin hefur þegar skilað árangri þar sem nú sést í sand í fyrsta sinn í langan tíma. Skipuleggjandi segir að hingað til hafi tvö þúsund tonn af rusli verið tekin af svæðinu.

„Ég er afar stoltur af þessu unga fólki sem hefur boðið sig fram til að hreinsa strendurnar. Sem sjómenn förum við fram á að stjórnvöld styðji þetta framtak þar sem það er afar mikilvægt að tryggja heilbrigði lifandi sjávardýra og styðja við ferðaþjónustu,“ segir Hassan Mohamed sjómaður.

Sómalía
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið