Völdu Þor­vald Orra í ný­liða­valinu

Þorvaldur Orri er fæddur árið 2002 og var lykilmaður hjá uppeldisfélagi sínu KR síðustu tvær leiktíðir. Í vetur spilaði hann alla leiki liðsins og var með 13 stig, 5 fráköst og 3 stoðsendingar að meðaltali í leik.

Eftir tímabilið skráði Þorvaldur Orri sig í nýliðaval þróunardeildar NBA í Bandaríkjunum eða NBA G-deildinni eins og hún er kölluð ytra. Valið fór fram í dag og var Þorvaldur Orri valinn númer níu í röðinni af liði Cleveland Charge. 

Liðin í þróunardeildinni eru þrjátíu talsins en nær öll eru þau í eigu liða í NBA-deildinni. Cleveland Charge er varalið Cleveland Cavaliers en Charge-liðið leikur heimaleiki sína í Wolstein-höllinni sem tekur 13.000 áhorfendur.

Cleveland Charge hefur einu sinni unnið þróunardeildina en það var árið 2006. Frá árinu 2020 hafa sex leikmenn úr þróunardeildinni verið valdir í nýliðavali NBA og má þar nefna Jalen Green sem valinn var númer tvö af Houston Rockets.