Listin að slaka á og njóta sumarfrísins Ingrid Kuhlman skrifar 12. júní 2023 07:30 Þó að sumarfríinu sé ætlað að vera tími afslöppunar, samveru og ánægjulegra athafna, getur það einnig valdið kvíða og streitu. Að skipuleggja sumarfrí getur falið í sér samhæfingu og ákvarðanatöku, allt frá því að velja áfangastað, bóka gistingu, pakka niður, undirbúa tjaldvagninn og gera ferðaáætlun. Sumarfrí krefst yfirleitt aukinna útgjalda. Auk þess getur verið um að ræða ýmsar ferðatengdar áskoranir eins og fullbókuð gistirými og langar biðraðir á flugvellinum eða inn á vinsæla ferðamannastaði. Þá getur verið stressandi að takast á við seinkanir og ferðalög um ókunna áfangastaði. Fyrir suma getur sú truflun á rútínu sem fylgir sumarfríi verið streituvaldur, sérstaklega þeim sem þrífast á fyrirsjáanleika. Fyrir fjölskyldur getur það að verja miklum tíma saman leitt til aukinnar spennu. Það getur verið krefjandi að taka tillit til mismunandi persónuleika, aldurshópa, áhugamála og væntinga á sama tíma og reynt er að viðhalda jákvæðu andrúmslofti. Ágreiningur getur komið upp, m.a. um hvað eigi að gera, hvert eigi að fara, hvað eigi að borða og aðra þætti frísins. Væntingar geta brugðist Samfélagsmiðlar geta skapað þá tilfinningu að við séum að missa af einhverju. Að sjá vini, kunningja eða áhrifavalda deila myndum af því er virðist fullkomnu fríi getur skapað félagslegan þrýsting um að upplifa svipaða hluti. Nágranninn fór kannski í þyrluflug yfir Grand Canyon eða góð vinkona var að snorkla í Kyrrahafinu. Að bera saman eigin reynslu við upplifanir annarra getur valdið vonbrigðum. Stundum uppfyllir veruleiki sumarfrísins ekki þær væntingar sem hafa byggst upp í huga manns. Hvort sem það er vegna óhagstæðs veðurs, gististaða sem valda vonbrigðum, fjölmennra ferðamannasvæða eða annarra ófyrirséðra aðstæðna, getur bilið á milli væntinga og raunveruleika skapað gremju. Það er kannski alveg eins og með jólin, væntingarnar eru miklar og við ætlumst til þess að sumarfríið verði fullkomið og eftirminnilegt. Mikilvægi þess að fara í frí Að njóta góðs sumarfrís er mikilvægt af ýmsum ástæðum. Oft felur frí í sér aukna hreyfingu og útivist. Að fara í fjallgöngur, sund eða göngutúra stuðlar ekki aðeins að betri líkamlegri heilsu heldur eykur einnig endorfínmagn, bætir hjarta- og æðaheilbrigði og eykur almenna vellíðan. Frí veitir okkur tækifæri til að slaka á, hvíla hugann og endurhlaða rafhlöðurnar. Að taka þátt í skemmtilegum athöfnum, dvelja í nýju umhverfi og verja tíma með ástvinum getur bætt andlega líðan. Að taka tíma frá vinnu og daglegri ábyrgð getur auk þess örvað sköpunargáfuna. Þegar við gefum huganum hvíld frá vinnutengdum verkefnum sköpum við rými fyrir nýjar hugmyndir, fersk sjónarmið og nýstárlega hugsun. Þetta skilar sér oft í bættri hæfni til að leysa vandamál og aukinni afkastagetu. Sumarfrí býður upp á tækifæri til að kanna nýja staði og menningu, sem víkkar sjóndeildarhringinn og eykur þekkingu. Að prófa nýja reynslu og stíga út fyrir þægindarammann getur byggt upp seiglu og bætt sjálfstraustið. Á endanum liggur mikilvægi þess að njóta góðs sumarfrís í því að skemmta sér og njóta lífsins. Gera ánægjulega hluti og skapa dýrmætar minningar. Að njóta verðskuldaðs frís Til að nýta sumarfríið sem best er gott að gera lista yfir spennandi upplifanir, t.d. að heimsækja áhugaverða staði, prófa nýjar útivistaríþróttir, sinna áhugamálum, sækja útihátíðir og verja gæðatíma með ástvinum. Tilvalið er að nota sumarfríið sem tækifæri til að prófa nýjar athafnir eða áhugamál. Skrá sig á matreiðslunámskeið, læra garðyrkju eða stunda vatnsíþrótt. Að kanna ný áhugamál getur veitt tilfinningu fyrir persónulegum vexti. Gott er að nýta sér bjartar kvöldstundir og verja tíma úti í náttúrunni. Ganga á nærliggjandi fjöll, fara í lautarferð eða náttúrulaug og snæða máltíð undir berum himni. Að sökkva sér niður í náttúrulegt umhverfi getur verið hressandi og endurnærandi. Það gerir okkur kleift að slaka á og tengjast fegurð náttúrunnar en hún hefur græðandi áhrif. Sumarfrí eru líka frábær tími til að aftengja sig frá hversdagslegum amstri, t.d. með því að lesa bækur, stunda hugleiðslu og jóga eða slaka á við sundlaugina. Frí þurfa ekki að vera eyðslusöm eða dýr til að vera ánægjuleg. Því er mikilvægt að gera raunhæfa fjárhagsáætlun sem er í takt við fjárhagsstöðuna. Munum að eftirminnilegar upplifanir er oft að finna í einföldum nautnum - það eru gæði upplifunarinnar frekar en verðmiðinn sem skipta máli. Svigrúm fyrir óvænt ævintýri Þó að skipulagning sé mikilvæg er gott að hafa svigrúm fyrir sjálfsprottin og óvænt ævintýri. Fögnum tækifærunum sem gefast, segjum já við nýrri reynslu og leyfum okkur að vera opin fyrir hinu óvænta. Stundum skapast bestu minningarnar þegar við sleppum fyrir fram skipulögðum áformum og látum berast með straumnum. Gleðilegt sumarfrí! Höfundur er framkvæmdastjóri Þekkingarmiðlunar og með meistaragráðu í hagnýtri jákvæðri sálfræði. Viltu birta grein á Vísi? Sendu okkur póst. Senda grein Ingrid Kuhlman Mest lesið „Ef hún hefði haft val, hefði konan mín þá kosið að láta heilabilunina hafa sinn gang?” Ingrid Kuhlman Skoðun Er sanngjarnt að hækka virðisaukaskatt á mat og gistingu til að láta erlenda ferðamenn borga meira? Þórir Garðarsson Skoðun Heiðmörk: Gaddavír og girðingar Auður Kjartansdóttir Skoðun Réttlát leiðrétting veiðigjalda Elín Íris Fanndal Skoðun Að vera eða ekki vera – hvað er raunverulegur árangur? Ásta Kristín Sigurjónsdóttir,Inga Hlín Pálsdóttir Skoðun Vér erum úr sömu sveit Steinþór Logi Arnarsson Skoðun Stéttarkerfi Halldóra Lillý Jóhannsdóttir Skoðun Hamas og átökin við Ísrael – hvað er ekki sagt upphátt? Einar G Harðarson Skoðun Halldór 24.05.2025 Halldór Tuttugu ár af röddum sem áður voru þaggaðar, og framtíðin er okkar Guðmundur Ingi Þóroddsson Skoðun Skoðun Skoðun Vér erum úr sömu sveit Steinþór Logi Arnarsson skrifar Skoðun „Ef hún hefði haft val, hefði konan mín þá kosið að láta heilabilunina hafa sinn gang?” Ingrid Kuhlman skrifar Skoðun Réttlát leiðrétting veiðigjalda Elín Íris Fanndal skrifar Skoðun Að vera eða ekki vera – hvað er raunverulegur árangur? Ásta Kristín Sigurjónsdóttir,Inga Hlín Pálsdóttir skrifar Skoðun Er sanngjarnt að hækka virðisaukaskatt á mat og gistingu til að láta erlenda ferðamenn borga meira? Þórir Garðarsson skrifar Skoðun Heiðmörk: Gaddavír og girðingar Auður Kjartansdóttir skrifar Skoðun Tuttugu ár af röddum sem áður voru þaggaðar, og framtíðin er okkar Guðmundur Ingi Þóroddsson skrifar Skoðun #blessmeta - önnur grein Guðrún Hrefna Guðmundsdóttir skrifar Skoðun Hvers virði er lambakjöt? Hafliði Halldórsson skrifar Skoðun Lífið er eins og konfektkassi, þú veist aldrei hvernig mola þú færð Elín Íris Fanndal skrifar Skoðun Þjóðareign, trú og skattar Svanur Guðmundsson skrifar Skoðun Hamas og átökin við Ísrael – hvað er ekki sagt upphátt? Einar G Harðarson skrifar Skoðun Gjaldfrjálsar máltíðir fyrir leikskólabörn Hólmfríður Jennýjar Árnadóttir skrifar Skoðun Næstu sólarhringar á Gaza skipta sköpum Hlynur Már Vilhjálmsson skrifar Skoðun Hvernig gengur nýjum kennurum í grunnskólakennslu? Ingólfur Ásgeir Jóhannesson,Aðalheiður Anna Erlingsdóttir,Andri Rafn Ottesen,Maríanna Jónsdóttir Maríudóttir,Valgerður S. Bjarnadóttir skrifar Skoðun Huglæg réttlætiskennd og skattar á verðmætasköpun Kristinn Karl Brynjarsson skrifar Skoðun Loksins fær þyrlan heimili fyrir norðan Njáll Trausti Friðbertsson skrifar Skoðun Opið bréf til stjórnvalda Elín Ýr Arnar Hafdísardóttir skrifar Skoðun Við skuldum þeim að hlusta Ólafur Adolfsson skrifar Skoðun „Litla stúlkan og ruddarnir“ - Hugleiðing um stöðu Íslands á alþj.vettv. Flosi Þorgeirsson skrifar Skoðun Mikilvæg gagnrýni eða tilraun til valdayfirtöku í Sósíalistaflokknum? Ása Lind Finnbogadóttir skrifar Skoðun Matvælaverð hefur nær þrefaldast frá stofnun Viðskiptaráðs! Sigríður Ingibjörg Ingadóttir skrifar Skoðun Alvarleg staða í umhverfi fréttamiðla Rósa Guðbjartsdóttir skrifar Skoðun Stéttarkerfi Halldóra Lillý Jóhannsdóttir skrifar Skoðun Stöðvum Hamas. Einungis þannig getum við stöðvað hryllinginn á Gaza BIrgir Finnsson skrifar Skoðun Dagur líffræðilegrar fjölbreytni 2025 Rannveig Magnúsdóttir,Ole Sandberg,Ragnhildur Guðmundsdóttir,Rebecca Thompson,Skúli Skúlason,Sæunn Júlía Sigurjónsdóttir skrifar Skoðun Æfingin skapar meistarann! Sigurjón Már Fox Gunnarsson skrifar Skoðun 140 sinnum líklegra að verða fyrir eldingu Sigurður G. Guðjónsson skrifar Skoðun Konum í afplánun fjölgar: Með flókin áföll á bakinu Tinna Eyberg Örlygsdóttir,Sigríður Ella Jónsdóttir skrifar Skoðun Traust í húfi Eyjólfur Ármannsson skrifar Sjá meira
Þó að sumarfríinu sé ætlað að vera tími afslöppunar, samveru og ánægjulegra athafna, getur það einnig valdið kvíða og streitu. Að skipuleggja sumarfrí getur falið í sér samhæfingu og ákvarðanatöku, allt frá því að velja áfangastað, bóka gistingu, pakka niður, undirbúa tjaldvagninn og gera ferðaáætlun. Sumarfrí krefst yfirleitt aukinna útgjalda. Auk þess getur verið um að ræða ýmsar ferðatengdar áskoranir eins og fullbókuð gistirými og langar biðraðir á flugvellinum eða inn á vinsæla ferðamannastaði. Þá getur verið stressandi að takast á við seinkanir og ferðalög um ókunna áfangastaði. Fyrir suma getur sú truflun á rútínu sem fylgir sumarfríi verið streituvaldur, sérstaklega þeim sem þrífast á fyrirsjáanleika. Fyrir fjölskyldur getur það að verja miklum tíma saman leitt til aukinnar spennu. Það getur verið krefjandi að taka tillit til mismunandi persónuleika, aldurshópa, áhugamála og væntinga á sama tíma og reynt er að viðhalda jákvæðu andrúmslofti. Ágreiningur getur komið upp, m.a. um hvað eigi að gera, hvert eigi að fara, hvað eigi að borða og aðra þætti frísins. Væntingar geta brugðist Samfélagsmiðlar geta skapað þá tilfinningu að við séum að missa af einhverju. Að sjá vini, kunningja eða áhrifavalda deila myndum af því er virðist fullkomnu fríi getur skapað félagslegan þrýsting um að upplifa svipaða hluti. Nágranninn fór kannski í þyrluflug yfir Grand Canyon eða góð vinkona var að snorkla í Kyrrahafinu. Að bera saman eigin reynslu við upplifanir annarra getur valdið vonbrigðum. Stundum uppfyllir veruleiki sumarfrísins ekki þær væntingar sem hafa byggst upp í huga manns. Hvort sem það er vegna óhagstæðs veðurs, gististaða sem valda vonbrigðum, fjölmennra ferðamannasvæða eða annarra ófyrirséðra aðstæðna, getur bilið á milli væntinga og raunveruleika skapað gremju. Það er kannski alveg eins og með jólin, væntingarnar eru miklar og við ætlumst til þess að sumarfríið verði fullkomið og eftirminnilegt. Mikilvægi þess að fara í frí Að njóta góðs sumarfrís er mikilvægt af ýmsum ástæðum. Oft felur frí í sér aukna hreyfingu og útivist. Að fara í fjallgöngur, sund eða göngutúra stuðlar ekki aðeins að betri líkamlegri heilsu heldur eykur einnig endorfínmagn, bætir hjarta- og æðaheilbrigði og eykur almenna vellíðan. Frí veitir okkur tækifæri til að slaka á, hvíla hugann og endurhlaða rafhlöðurnar. Að taka þátt í skemmtilegum athöfnum, dvelja í nýju umhverfi og verja tíma með ástvinum getur bætt andlega líðan. Að taka tíma frá vinnu og daglegri ábyrgð getur auk þess örvað sköpunargáfuna. Þegar við gefum huganum hvíld frá vinnutengdum verkefnum sköpum við rými fyrir nýjar hugmyndir, fersk sjónarmið og nýstárlega hugsun. Þetta skilar sér oft í bættri hæfni til að leysa vandamál og aukinni afkastagetu. Sumarfrí býður upp á tækifæri til að kanna nýja staði og menningu, sem víkkar sjóndeildarhringinn og eykur þekkingu. Að prófa nýja reynslu og stíga út fyrir þægindarammann getur byggt upp seiglu og bætt sjálfstraustið. Á endanum liggur mikilvægi þess að njóta góðs sumarfrís í því að skemmta sér og njóta lífsins. Gera ánægjulega hluti og skapa dýrmætar minningar. Að njóta verðskuldaðs frís Til að nýta sumarfríið sem best er gott að gera lista yfir spennandi upplifanir, t.d. að heimsækja áhugaverða staði, prófa nýjar útivistaríþróttir, sinna áhugamálum, sækja útihátíðir og verja gæðatíma með ástvinum. Tilvalið er að nota sumarfríið sem tækifæri til að prófa nýjar athafnir eða áhugamál. Skrá sig á matreiðslunámskeið, læra garðyrkju eða stunda vatnsíþrótt. Að kanna ný áhugamál getur veitt tilfinningu fyrir persónulegum vexti. Gott er að nýta sér bjartar kvöldstundir og verja tíma úti í náttúrunni. Ganga á nærliggjandi fjöll, fara í lautarferð eða náttúrulaug og snæða máltíð undir berum himni. Að sökkva sér niður í náttúrulegt umhverfi getur verið hressandi og endurnærandi. Það gerir okkur kleift að slaka á og tengjast fegurð náttúrunnar en hún hefur græðandi áhrif. Sumarfrí eru líka frábær tími til að aftengja sig frá hversdagslegum amstri, t.d. með því að lesa bækur, stunda hugleiðslu og jóga eða slaka á við sundlaugina. Frí þurfa ekki að vera eyðslusöm eða dýr til að vera ánægjuleg. Því er mikilvægt að gera raunhæfa fjárhagsáætlun sem er í takt við fjárhagsstöðuna. Munum að eftirminnilegar upplifanir er oft að finna í einföldum nautnum - það eru gæði upplifunarinnar frekar en verðmiðinn sem skipta máli. Svigrúm fyrir óvænt ævintýri Þó að skipulagning sé mikilvæg er gott að hafa svigrúm fyrir sjálfsprottin og óvænt ævintýri. Fögnum tækifærunum sem gefast, segjum já við nýrri reynslu og leyfum okkur að vera opin fyrir hinu óvænta. Stundum skapast bestu minningarnar þegar við sleppum fyrir fram skipulögðum áformum og látum berast með straumnum. Gleðilegt sumarfrí! Höfundur er framkvæmdastjóri Þekkingarmiðlunar og með meistaragráðu í hagnýtri jákvæðri sálfræði.
„Ef hún hefði haft val, hefði konan mín þá kosið að láta heilabilunina hafa sinn gang?” Ingrid Kuhlman Skoðun
Er sanngjarnt að hækka virðisaukaskatt á mat og gistingu til að láta erlenda ferðamenn borga meira? Þórir Garðarsson Skoðun
Að vera eða ekki vera – hvað er raunverulegur árangur? Ásta Kristín Sigurjónsdóttir,Inga Hlín Pálsdóttir Skoðun
Skoðun „Ef hún hefði haft val, hefði konan mín þá kosið að láta heilabilunina hafa sinn gang?” Ingrid Kuhlman skrifar
Skoðun Að vera eða ekki vera – hvað er raunverulegur árangur? Ásta Kristín Sigurjónsdóttir,Inga Hlín Pálsdóttir skrifar
Skoðun Er sanngjarnt að hækka virðisaukaskatt á mat og gistingu til að láta erlenda ferðamenn borga meira? Þórir Garðarsson skrifar
Skoðun Tuttugu ár af röddum sem áður voru þaggaðar, og framtíðin er okkar Guðmundur Ingi Þóroddsson skrifar
Skoðun Lífið er eins og konfektkassi, þú veist aldrei hvernig mola þú færð Elín Íris Fanndal skrifar
Skoðun Hvernig gengur nýjum kennurum í grunnskólakennslu? Ingólfur Ásgeir Jóhannesson,Aðalheiður Anna Erlingsdóttir,Andri Rafn Ottesen,Maríanna Jónsdóttir Maríudóttir,Valgerður S. Bjarnadóttir skrifar
Skoðun „Litla stúlkan og ruddarnir“ - Hugleiðing um stöðu Íslands á alþj.vettv. Flosi Þorgeirsson skrifar
Skoðun Mikilvæg gagnrýni eða tilraun til valdayfirtöku í Sósíalistaflokknum? Ása Lind Finnbogadóttir skrifar
Skoðun Matvælaverð hefur nær þrefaldast frá stofnun Viðskiptaráðs! Sigríður Ingibjörg Ingadóttir skrifar
Skoðun Dagur líffræðilegrar fjölbreytni 2025 Rannveig Magnúsdóttir,Ole Sandberg,Ragnhildur Guðmundsdóttir,Rebecca Thompson,Skúli Skúlason,Sæunn Júlía Sigurjónsdóttir skrifar
Skoðun Konum í afplánun fjölgar: Með flókin áföll á bakinu Tinna Eyberg Örlygsdóttir,Sigríður Ella Jónsdóttir skrifar
„Ef hún hefði haft val, hefði konan mín þá kosið að láta heilabilunina hafa sinn gang?” Ingrid Kuhlman Skoðun
Er sanngjarnt að hækka virðisaukaskatt á mat og gistingu til að láta erlenda ferðamenn borga meira? Þórir Garðarsson Skoðun
Að vera eða ekki vera – hvað er raunverulegur árangur? Ásta Kristín Sigurjónsdóttir,Inga Hlín Pálsdóttir Skoðun