Nikola Jokic og Jamal Murray voru báðir með þrefalda tvennu í leiknum í nótt. Murray skoraði 34 stig, tók tíu fráköst og gaf tíu stoðsendingar. Jokic var með 32 stig, 21 frákast og tíu stoðsendingar. Þetta er í fyrsta sinn í sögu NBA sem tveir leikmenn með þrjátíu stig eða meira eru með þrefalda tvennu í leik.
Nikola Jokic and Jamal Murray are the first pair of teammates with triple-doubles in Finals history!
— NBA (@NBA) June 8, 2023
Jokic: 32 PTS, 21 REB, 10 AST
Murray: 34 PTS, 10 REB, 10 AST
DEN/MIA Game 4: Friday, 8:30pm/et on ABC pic.twitter.com/0hLcPvv0zN
Denver var sterkari aðilinn undir körfunni og vann frákastabaráttuna, 58-33. Jokic og Murray tóku samtals 31 frákast, tveimur minna en allt lið Miami.
Jimmy Butler skoraði 28 stig fyrir Miami og Bam Adebayo var með 22 stig og sautján fráköst. Þeir fengu hins vegar litla hjálp.
Denver fékk óvænt framlag frá Christian Braun en hann skoraði fimmtán stig af bekknum. Aaron Gordon var svo með ellefu stig.
Christian Braun scores 15 points (7-8 FG) off the bench as Denver wins Game 3!
— NBA (@NBA) June 8, 2023
DEN/MIA Game 4: Friday, 8:30 PM ET on ABC pic.twitter.com/UrY4Al1Znc
Fjórði leikur liðanna fer fram í Miami aðfaranótt laugardags.
