Utanríkisráðherrann verður næsti forseti

Atli Ísleifsson skrifar 31. maí 2023 11:44

Edgars Rinkēvičs, utanríkisráðherra Lettlands, var staddur hér á landi fyrr í mánuðinum í tengslum við leiðtogafund Evrópuráðsins. Vísir/Vilhelm

Edgars Rinkēvičs, utanríkisráðherra Lettlands, verður næsti forseti Lettlands. Hann tekur við embættinu af Egils Levits sem hafði gegnt því frá árinu 2019.

Krisjanis Karins, forsætisráðherra Lettlands, greindi frá þessu í dag en Rinkēvičs mun taka formlega við embættinu á morgun. Forseti Lettlands fer almennt með lítil völd.

Hinn 49 ára Rinkēvičs gegndi yfirmannstöðu innan lettneska hersins áður en hann tók við embætti utanríkisráðherra árið 2011.

Rinkēvičs var hér á landi fyrr í mánuðinum í tengslum við leiðtogafund Evrópuráðsins sem fram fór í Reykjavík, en Rinkēvičs tók þar, fyrir hönd Lettlands, við formennsku í Evrópuráðinu úr höndum Íslands og utanríkisráðherrans Þórdísar Kolbrúnar Reykfjörð Gylfadóttur.

Heimir Már Pétursson fréttamaður ræddi á fundinum við Rinkēvičs þar sem innrás Rússlands í Úkraínu bar hæst. Sjá má viðtalið í spilaranum að neðan.

Lettland

Tengdar fréttir

Leggja verði fram vegvísi að NATO aðild Úkraínu

Utanríkisráðherra Lettlands segir Úkraínu eiga heima í Atlandshafsbandalaginu og bandalagið verði að leggja fram vegvísi að því hvernig að það muni gerast. Nú heyrist raddir um að enda þurfi stríðið áður en Úkraína hafi unnið hertekin landsvæði til baka en það megi ekki gerast því Rússar muni ganga á lagið og hervæðast á ný.

23. maí 2023 19:16

„Mér finnst Úkraínumenn þegar hafa unnið þetta stríð“

Utanríkisráðherra Lettlands segir að Úkraínumenn hafi þegar unnið stríðið sem Rússar hófu með innrásinni í Úkraínu í febrúar á síðasta ári.

17. maí 2023 13:16

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið

Fleiri fréttir