Viðskipti innlent

María tekur við af Birni Sveinbjörns hjá NTC

Kolbeinn Tumi Daðason skrifar
María hóf störf hjá fyrirtækinu árið 2000 sem verslunarstjóri Smash á Laugavegi
María hóf störf hjá fyrirtækinu árið 2000 sem verslunarstjóri Smash á Laugavegi

María Greta Einarsdóttir hefur verið ráðin framkvæmdastjóri fataverslunarinnar NTC. Hún tekur við af Birni Sveinbjörnssyni sem verður fjármálastjóri NTC. Hann hefur starfað sem framkvæmdastjóri félagsins síðan 2007.

Greint er frá stjóraskiptunum á vef Viðskiptablaðsins. María Greta, sem er betur þekkt sem Maya, er með margra ára reynslu í stjórnun, verkefnaumsjón, framleiðslu, starfsmannahaldi, markaðsmálum og innkaupum.

María hóf störf hjá fyrirtækinu árið 2000 sem verslunarstjóri Smash á Laugavegi. Síðar tók hún meðal annars þátt í opnun verslunarinnar Sautján Jeans á Laugavegi, kom að hönnun merkisins Xtra.is ásamt því að sjá um innkaup og daglegan rekstur verslana NTC til ársins 2005.

Árið 2006 flutti hún til London. Þar starfaði hún hjá tískuvörufyrirtækinu Arrogant Cat sem Sales Director og meðeigandi til ársins 2013.

Maya var ráðin aftur inn til NTC árið 2014 sem verkefnastjóri yfir fyrstu vefverslun NTC sem fór síðan í loftið sama ár. Þar stýrði hún uppsetningu og þróun vefverslunarinnar og leiddi ferlið með öflugum hópi starfsmanna NTC. Hún tók svo við sem rekstrar- og innkaupastjóri árið 2017.


Tengdar fréttir

Sjúk í föt!

María Gréta Einarsdóttir hóf störf sem verslunarstjóri Sautján ekki alls fyrir löngu.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×