Rýmingu aflétt að hluta til

Máni Snær Þorláksson skrifar 28. mars 2023 18:04

Svona voru aðstæður eftir að snjóflóð féll á hús við Starmýri í Neskaupstað í gærmorgun. Landsbjörg

Ákveðuð hefur að aflétta rýmingu á hluta þeirra húsa sem rýmd voru í Neskaupstað og á Seyðisfirði í gær. Þetta var ákveðið í kjölfar þess sem Veðurstofa Íslans mat aðstæður á Austfjörðum með tilliti til snjóflóðahættu í dag.

Fjölmörg hús voru rýmd í kjölfar snjóflóðanna sem féllu fyrir austan í gær. Í tilkynningu frá Almannavarnadeild ríkislögreglustjóra kemur nú fram hvar rýmingu hefur verið aflétt en þær upplýsingar má sjá hér fyrir neðan:

Í Neskaupstað er rýmingu aflétt fyrir hús við:

Urðarteig 2,4,6,8,10,12,12a,14,16,18,20,22,26,28,37a

Hlíðargötu 12,14,16,16a,18,22,24,26,28,32,34

Blómsturvelli 1a,1,3,5,7,9,11,13,15,17,21,25,27,33,35,37,39,41,43,45,47,49

Víðimýri 1,3,5,7,9,11,12

Á Seyðisfirði er rýmingu aflétt á Gilsbakka 1 og Hamrabakka 8 til 12.

Þó svo að nú sé búið að aflétta rýmingu á hluta þeirra húsa sem rýmd voru þá vekur Almannavarnadeild ríkislögreglustjóra athygli á því að veðurspá fyrir seinnipart dags á morgun og fimmtudag er ekki góð.

Á fimmtudaginn tekur gul viðvörun gildi að nýju vegna snjókomu og verður hún í gildi í heilan sólarhring. Búist er við talsverðri eða mikilli snjókomu eða skafrenning með þungri færð og lélegu skyggni.

„Því kann að koma til rýmingar að nýju.“

Enn er snjóflóðahætta fyrir austan, eitt snjóflóð féll til að mynda á Fagradalsveg í dag. Hættustig er enn í gildi á Eskifirði, Seyðisfirði og í Neskaupstað.

Snjóflóð í Neskaupstað Snjóflóð á Íslandi Fjarðabyggð

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.