Erlent

Umfangsmiklar loftárásir víðsvegar um Úkraínu

Hólmfríður Gísladóttir skrifar
Þrjár af eldflaugunum sem Rússar skutu á loft í morgun. Flaugunum var skotið frá Belgorod en myndin er tekin í Kharkív.
Þrjár af eldflaugunum sem Rússar skutu á loft í morgun. Flaugunum var skotið frá Belgorod en myndin er tekin í Kharkív. AP/Vadim Belikov

Allt að 40 prósent af íbúum Kænugarðs eru án hita eftir umfangsmiklar loftárásir Rússa á skotmörk víðsvegar í landinu. Árásirnar virðast meðal annars hafa beinst gegn orkuinnviðum og hafa valdið rafmagnsleysi í Kharkív, Odessa og víðar.

Að sögn Óskars Hallgrímssonar ljósmyndara, sem er búsettur í Kænugarði, heyrðust sprengingar þar í morgun. Borgarstjórinn Vitaly Klitschko segir að minnsta kosti tvo særða.

Þá hafa borist fregnir af því að fjórir fullorðnir, tveir karlar og tvær konur, hafi látist í Lviv þegar sprengja féll á íbúðabyggingu. Unnið er að því að fara í gegnum rústirnar. 

Orkufyrirtækið Enerhoatom tilkynnti í morgun að árásirnar hefðu orðið til þess að kjarnorkuverið í Zaporizhzhia er ekki lengur tengt við orkunet landsins og gengur nú fyrir varaafli. Það dugir í allt að tíu daga.

CNN birti í gær viðtal við Vólódímir Selenskí Úkraínuforseta, þar sem hann sagði enga ástæðu til að ræða við Vladimir Pútín Rússlandsforseta þar sem hann væri ekki traustsins verður. Úkraínumenn myndu ekki ganga til friðarviðræðna fyrr en Rússar hefðu yfirgefið landið.

Innrás Rússa í Úkraínu Hernaður Úkraína Rússland
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið