McIlroy gagnrýndi harðlega þá kylfinga sem létu freistast og stukku frá PGA yfir í LIV en þar voru þeir svo sannarlega að elta peningana. Forráðamenn LIV hafa boðið þeim gull og græna skóga fyrir að koma yfir.
Rory McIlroy says LIV Golf has forced the PGA Tour to change its "antiquated system" for the "benefit of professional golf at a high level" #BBCGolf
— BBC SPORT NI (@BBCSPORTNI) March 7, 2023
Gagnrýnendur segja meðal annars að LIV mótaröðin sé tilraun til að hreina orðspor Sádí-Arabíu. Þeir kylfingar sem hafa tekið tilboð Sádana hafa í kjölfarið verið settir á svartan lista hjá PGA. Mega ekki taka þátt í risamótunum.
McIlroy ræddi LIV mótaröðina á blaðamannafundi fyrir Players mótið sem er í þessari viku. Hann viðurkenndi þar að samkeppnin við PGA hafi gert lífið betra fyrir bestu kylfingana.
Verðlaunaféð hefur hækkað í stærstu mótunum og þá verða einnig aðrar breytingar á mótaröðinni á næstu árum.
„Ég ætla ekki að sitja hér og ljúga. Ég tel að uppkoma LIV, samkeppnisaðila PGA mótaraðarinnar, hafi verið gott fyrir alla sem spila golf sem atvinnumenn,“ sagði Rory McIlroy en BBC á Norður-Írlandi segir frá.
„Þetta hefur kallað á nýjungar á PGA mótaröðinni. Þar hefur verið gamaldags kerfi en nú er það farið að líta út fyrir að við séum á 21. öldinni,“ sagði McIlroy.
